Beef Eater as Ram Hindu Hater as Sita Convert Muslim as Music Composer What was the Director & Producer thinking?

#FactCheck - 1 सध्या राजकीय वर्तुळात आणि सोशल मीडियावर भीमाशंकर परिसरातील जंगलतोडीबाबत काही विरोधकांकडून पद्धतशीरपणे खोटी माहिती, दिशाभूल करणारे मेसेज आणि खोटे व्हिडिओ (Reels) तयार करून वातावरण तापवण्याचा कुटिल डाव रचला जात आहे. सरकारला नाहक बदनाम करण्यासाठी आणि राज्याच्या विकासात अडथळे आणण्यासाठी हा सर्व खटाटोप सुरू आहे. परंतु, या अफवामांगचे नेमके सत्य काय आहे, हे समजून घेणे अत्यंत गरजेचे आहे. विरोधकांकडून या प्रकल्पाला उद्योगपती गौतम अदानी यांच्याशी सोयीस्करपणे जोडले जात आहे. परंतु सत्य हे आहे की, या प्रकल्पाशी अदानी समूहाचा दुरान्वये ही संबंध नाही. ​हा प्रकल्प 'टोरेंट पॉवर' (Torrent Power) या कंपनीचा आहे, जी 'टोरेंट ग्रुप' (सुधीर मेहता आणि समीर मेहता) यांची नामांकित कंपनी आहे. ​केवळ राजकीय द्वेषापोटी आणि भ्रमाचे वातावरण तयार करण्यासाठी 'अदानी' यांचे नाव वापरून अफवा पसरवल्या जात आहेत. विरोधकांकडून व तथाकथित लालपावटे असा कांगावा करत आहेत की भीमाशंकर अभयारण्यातील हजारो एकर जंगल उद्ध्वस्त केले जात आहे. पण हे आरोप पूर्णपणे धादांत खोटे आणि निराधार आहेत. भीमाशंकर अभयारण्य हे कायद्यानुसार अत्यंत कडक वन संरक्षणाखाली येते. या भागात वन विभागाचे कडक नियंत्रण असते आणि नियमांनुसार तिथे साधी एक फांदीसुद्धा कोणाला तोडता येत नाही. टोरेंट पॉवरचा हा प्रकल्प भीमाशंकर अभयारण्याच्या आत किंवा राखीव क्षेत्रामध्ये उभारला जात नसून, अभयारण्याच्या सीमाक्षेत्राबाहेर असलेल्या सह्याद्रीच्या डोंगरपट्ट्यातील 'सायडोंगर' येथे ३,००० मेगावॅट क्षमतेचा 'पंप्ड स्टोरेज' जलविद्युत प्रकल्प म्हणून उभारला जात आहे. त्यामुळे अभयारण्यातील मुख्य जंगलाला धक्का लागल्याचा दावा पूर्णपणे खोटा आहे. काही विरोधक आणि राजकीय स्वार्थापोटी पर्यावरणप्रेमी बनणारे लोक फक्त प्रसिद्धीसाठी असल्या खोट्या रील्स आणि अफवा पसरवतात. जेव्हा महाराष्ट्रात औद्योगिक व पायाभूत सुविधांचे प्रकल्प येतात, तेव्हा विरोधक विनाकारण लाल झेंडा घेऊन उभे ठाकतात. मेट्रो कारशेड असो वा इतर महत्त्वाचे ऊर्जा प्रकल्प, अशा राजकीय विरोधामुळे राज्याचा मौल्यवान वेळ आणि जनतेचा पैसा वाया जातो. स्वतःच्या गरजेसाठी आणि आलिशान वास्तू उभारण्यासाठी जंगले व झाडे उपयोगात आणायची, पण सर्वसामान्यांच्या हिताचे व राज्याच्या प्रगतीचे प्रकल्प आले की विकासाच्या मार्गात खोडा घालायचा, ही यांची दुटप्पी भूमिका महाराष्ट्राची जनता पूर्णपणे ओळखून आहे. भीमाशंकरच्या नावाखाली पसरवली जाणारी माहिती ही केवळ राजकीय द्वेषातून आणि अफवांवर आधारित आहे. भीमाशंकर अभयारण्याच्या जंगलाला कोणताही धोका निर्माण झालेला नाही. महायुती सरकार हे नेहमीच पर्यावरणाचा समतोल राखून राज्याला प्रगतीपथावर नेण्यासाठी कटिबद्ध आहे. त्यामुळे विरोधकांच्या अशा दिशाभूल करणाऱ्या आणि खोट्या रील्सच्या प्रचाराला नागरिकांनी अजिबात बळी पडू नये!