مرحبا حياكم الله في محلكم الثاني :) snapchat.com/t/2oNY0hLc

ظنون الجفاء بين الحبايب تجيب الظنك لا يلحقك شكه فـ الحياه الغراميه غلاك يتنامى فـ الحشاء مثل قرض البنك ما تثر عليه الأزمـه الاقـتصـاديـه لكن أستبيحك عذر لو اني أبطي عنك (مصير الليالي تجمع الحي مع حيه ) أنا منشغل تفكيري مع اللي إغلاء منك وانتي عاد ما إغلاء منك غير السعوديه :)

الطيّب يطـيب لو يـدل ويضـيّع وان طاح مثل الجمل كثرت سكاكينه واقرب مثال لـ كلامي: غازي ربيّـع تشوف عدوانه اكثـر من محبينه

هذا انا رغماً عن انف الحلم وبرغم اختلافي ماقطعت فجوج الارض الا على شان اتنفه لاتعاتب ماورا كثر العتاب الا ياكافي لو ماينطق به لساني من عيوني تستشفه الزعل ممنوع والدنيا نهايتها عوافي كل شيٍ مايجوز لخاطرك قفل ملفه وش يوصلنا على حد المعاتب والتجافي كل شي الا الحزن في خاطر الغرو المرفه

روفي علي شوي يا فتنة الجيل والله ما عيشَك غير المسره على الزعل سنيت شرب الفناجيل موقفٍ بينك وبين المضره لا مر عودك قامو الناس تبجيل لله در العود . . " لله دره " كل البنات اليا وصلتي ( رياجيل ) مافيه غيرك بنت مافيه مررره !

ابتدا بالحماقة خادم المشروع وابعد الامن كله عن يمن الإيمان كل من ناصره واستنصره مخدوع مادرى وش عقاب خيانة الجيران !؟ ال٣٠ مليون ألوية ودروع من جبال الشمال الى جبل دخان التفتنا لصعدة وانتهى الموضوع صار عبدالملك ... عبدالملك سلمان

ياحلو النسيم الليا طرق غترة البسام انا الشاعر اللي عذب الانسام نافعته يجيني شعورً يدفع الفكر لـ الالهام لو يقول اخوي تبيعني اياه ما بعته اسولف معه واحس في حالة استجمام هو اللي اثق فالسر عنده لا اودعته طريق المراجل عشقة اللي يشق الخام لو ان الليالي قشر ماهيب مانعته طرا لي رفيقً كنت احسبه ذرا وحزام واشوفه في درب الطيب واليوم ضيعته عليك العتب واللوم يالصاحب اللوّام من الخاطر اللي ضيقة الوقت لايعته بعد شفت دربك كله الغام تحت الغام تصافحت مع كف المفارق وبايعته انا وجعتي من موقفك كل دورة عام مثل وجعة اللي دورة الوقت موجعته على كثر ما اتوقع خطا الناس والايام خطاك الوحيد اللي حصل ما توقعته

احرص على عمرك الباقي قبل لا يضيع لو يشترى كل شي !! العمر ما يشترى صدرك على قسوة الايام خله وسيع ما كل واحد بيكسره انكسارك ،، ترى حاول بفعلك تصدّر قدر ما تستطيع لا تقبل تكون دايم في المواقف ورى اصنع لنفسك مكانه في عيون الجميع ان جيت كلٍ درى وان رحت كلٍ درى .

مصير الأيام تكشف مجمل الصوره ياللي تباهى بـ الأوهام السيادية مالك مفر ومطير إلا لـ اخو نوره وْلا لـ السيادة وطن غير السعودية 🇸🇦

ضاع الأمل ياصاحبي والشغف مات و كنسلت كل الناس حتى وليفي مبعد عن الإزعاج والاجتماعات خويي التفكير و الهم ضيفي ماعاد عندي وقت حتى لـ الأبيات شي ً حداني غصب ماهو بـ كيفي وصلت لـ لعزلة وقطع العلاقات و الاحتراق العاطفي و الوظيفي :)

رضاك بسعى له قدر الامكان لكنّ خلي دمعتك بعدين الضيق لو انه رجل ما كان يقدر ينزل دمعة الحلوين

(الاحتراق العاطفي و الوظيفي ) شطر > اكتوبر :(

ضاع الأمل ياصاحبي والشغف مات و كنسلت كل الناس حتى وليفي مبعد عن الإزعاج والاجتماعات خويي التفكير و الهم ضيفي ماعاد عندي وقت حتى لـ الأبيات شي ً حداني غصب ماهو بـ كيفي وصلت لـ لعزلة وقطع العلاقات و الاحتراق العاطفي و الوظيفي #الكلاسيكو #كلاسيكو_الارض

مستحيل أعارضك بـ إللي تبي .. و إللي تقوله ياكبر قدرك و منزلتك لو إن عادك ( صغيّر )

على الفايت اللي فات والماضي اللي راح مااااغير اتعزز و الحساايف كلت كبدي :)

إنتبه ياحضرة الدكتور واخذ وصـاتي في يدك قطعة من فوادي تحس وتوعي مؤمنٍ باللي تقوله من قبل .. لا ياااتي هدّها وارفق عليها .. لا تهدّي روعي كيف ماتبغاني اقلق وانزعج … وآحـاتي ( الكسر في يدّ بنتي والوجع فـ ضلوعي)

يدور الزمان ويختبرنا بدون انذار وتبين الفوارق فالرجال ومعادنها احد خالقه ربي مثل كرسي الطيّار لا حلّت مواقيف الشدايد طلع منها احد خالقه ربي مثل شغلة المنظار يدقق على حاجات ما أحدً درى عنها وانا عكس خلق الله مثل حالة البحّار لا طاح المطر ضيّق على النفس واحزنها رياجيل ندفنها .. وتبقى طوال اعمار رياجيل ماندري بها لين ندفنها بعضهم على المنصب يجمّل وياطا الحار ليا قال كلمة للرياجيل برهنها بعضهم مثل حاكم تحت سلطة استعمار على العرش لكنه .. لا يآمر ولا ينها لقيت الجمايل ردها مثل رد الثار لا صارت من اللي كل فتره يبيّنها خذيت السواد اللي يجي فالقمر معيار تشين الوجيه وفعلها اللي يزيّنها ترا خوة الصالح مثل خوة التجّار لاحبوك .. دلوك اسهل الطرق واحسنها وترا الجاهل اللي ضاع في لفة الدوّار يشوف المخارج واضحه .. ما تماكنها لاقلت: الطريق يمين قال: الطريق يسار لا روّح من ايسرها ، ولا افلح مع أيمنها أساير زماني مثل دكتور وسط شهار أسولف لـ عاقلها .. وأجامل مجننها لاشفت الطيور اللي لا مخلب ولا منقار شكرت الغصون اللي من الخوف تمّنها لاشفت الشعوب اللي بعضها يعبد النار ذكرت الضعوف .. اللي تودد لـ هاينها تقول العرب: صدّق عيونك قبل تحتار واقول: الحقيقه وجهها غير باطنها أصدّق كلام اللي يقول: النجوم كبار وأكذّب كلام عيوني اللي تعاينها ما كل ارتفاع يدل دايم على مقدار تعلآ النسور وجيفة الارض موطنها بدا ابليس فالجنه وعاش النبي فالغار تعد البدايه .. والنهايه تمعّنها لا طاح الجمل لا عاد تنشد عن اللي صار لا خافت قلوب الناس ماتنفع ألسنها قبل تمدح اللوحه تعذرّ من المسمار على الوقفه اللي ما لقت من يثمنها

الشهادة والاشادة من قامة بحجم سمو الشيخ/ حمدان بن محمد بن راشد ال مكتوم (فزاع) هي اكبر مكسب حقيقي من الشعر، اشكر سموه جزيل الشكر على الاشادة والمجاراة

اوجعتني لمحة الحزن في بوح الحزين واستباحت ذكرياتي ودمع ٍ رادعه شفت لي فكره وجرح ومنازل راحلين كلها في شطر لـ مبارك بن رادعه يكشف الي ما يعلم بـ سره حاجتين كثر سجاته وتوظيف بيت بادعه من بعد فقده ومن بعد فقد الميتين صرت حتى اللي يسافر ماحب اوادعه )؛

يامعاوين الليالي ،، خبيثين الظنون فالرخى ماهوب ،، يامرحبا ولا هلا ادري انكم ، ساعة ، اللازمه ، ماتنلقون وادري انكم في محك المواقيف دخلا في مجال العرف والمعرفه ماتعرفون وفي مجال المرجله والمواجيب جهلا عينتكم واجده جعلكم ماتكثرون لـ الردى تسعون دايم ولـ بليس إعملا جعل ما انتم بـ العوض في منيعين الحصون وكل طيب راس فوق البسيطه من الا النشاما يحتمون الكلام ويفعلون حسب مبداهم ماهو حسب منظور الملا رغم صكات المقادير وصكوك الديون في قراهم لـ المقلين مشروب وكلا عيت الايام تصفي لـ حمران العيون كل مايعطونها وجه تعطيهم جلا ينثنون وينطحون العدا ويوقفون دون ماجوب القبيله ودون المبتلا يرفضون _ الذل _ والهينه _ ويفضلون كل _ شاهوق تلوى به سباع الخلا ): قامت الدنيا تذوقهم انواع الغبون جعل ما جاهم ،، من ظروفها دفعة بلا )؛