அமெரிக்க டெக்.... மாற்றங்களும்... இந்தியர்களின் எதிர்காலமும்...... ஜோதிடமும் யதார்த்தமும் !! தேஜஸின் பார்வை.... அமெரிக்காவில் கடந்த சில மாதங்களாக நடக்கும் விசாக் கட்டுப்பாடுகள், H-1B கட்டண உயர்வு, PERM இடைநிறுத்தம் மற்றும் தொழில்நுட்பத் துறைச் சுருக்கங்கள் ஆகியவை அங்கே பணிபுரியும் இந்திய டெக் ஊழியர்கள் மத்தியில் பெரும் கவலையை ஏற்படுத்தியுள்ளன. H-1B விசாதாரர்களில் சுமார் 70% பேர் இந்தியர்களாக இருக்கும் சூழலில், இந்த மாற்றங்களை நாம் எப்படிப் புரிந்துகொள்வது? இதை ஜோதிடப் பார்வையாடியும், நடைமுறை யதார்த்தத்தோடும் விரிவாகப் பார்ப்போம். 1. தற்போதைய கொள்கைச் சூழல் என்ன? இந்த மாற்றங்கள் திடீரென வானத்திலிருந்து குதிக்கவில்லை. சில புதிய H-1B மனுக்களுக்கான $100,000 கட்டணம் 2027 செப்டம்பர் வரை நீட்டிக்கப்பட்டிருப்பதும், TCS, Infosys, Wipro, HCL, Cognizant போன்ற இந்திய IT நிறுவனங்களும் Microsoft, Adobe உள்ளிட்ட சில அமெரிக்க நிறுவனங்களும் PERM திட்டத்திலிருந்து இடைநிறுத்தப்பட்டிருப்பதும் உண்மைதான். எல்லா நிறுவனங்களும் அல்ல; அறிவிக்கப்பட்ட குறிப்பிட்ட நிறுவனங்கள். அதே நேரத்தில், குறைந்த செலவில் வெளிநாட்டு ஊழியர்களைக் கொண்டுவரும் பழைய அவுட்சோர்சிங் முறை மீதுதான் அழுத்தம் அதிகமாகிறதே தவிர, இந்தியர்களின் திறமை மீதான தேவை குறையவில்லை. இந்தியாவிலேயே GCC (Global Capability Centres) மையங்கள் மிக வேகமாக வளர்ந்து, லட்சக்கணக்கான உயர்தர வேலைவாய்ப்புகளை உருவாக்கி வருவதை நாம் கவனிக்க வேண்டும். எலன் மஸ்க் உள்ளிட்டோர் இந்திய திறமையால் அமெரிக்கா பயனடைந்ததாகக் கூறியிருக்கும் அதே வேளையில், முறை தவறாகப் பயன்படுத்தப்படுவதை விமர்சித்திருக்கிறார்கள். 2. ஜோதிட ரீதியாக... (சனி & ராகுவின் ஆதிக்கம்) வேத ஜோதிடத்தின் பாரம்பரிய கோச்சார வாசிப்பின்படி.. சனி பகவான் கர்ம வினைகள், கட்டமைப்பு, தாமதம் மற்றும் பழைய முறைகளைச் சோதித்துப் பார்ப்பவரைக் குறிப்பார். 2026-ல் மீன ராசியில் வக்கிரத்தில் இருக்கும் சனி, பல கட்டமைப்புகளை மெதுவாகச் சோதித்து மாற்றிக் கொண்டிருக்கிறார். இந்த வக்கிர காலம் டிசம்பர் 2026 வரை நீளும் என்று கோச்சாரக் கணக்குகள் கூறுகின்றன. ராகு திடீர் மாற்றங்கள், வெளிநாடு மற்றும் எதிர்பாராத திருப்பங்களைக் குறிப்பார். டிசம்பர் 5, 2026 அன்று ராகு கும்பத்திலிருந்து மகர ராசிக்கு மாறுவது (அங்கு சனி அதிபதியாக இருப்பது) அரசு விதிகளிலும் வேலைக் கட்டமைப்பிலும் கூடுதல் தெளிவையும், அதே சமயம் புதிய ஒழுங்கையும் கொண்டுவரும் காலமாகப் பார்க்கப்படுகிறது. இதன் அர்த்தம் என்ன? “எல்லா இந்தியர்களின் வேலையும் போய்விடும்” என்பது ஜோதிடமும் சொல்லவில்லை, யதார்த்தமும் அல்ல. இது தனிப்பட்ட ஜாதகத்தில் சனி–ராகு தசை நடப்பவர்களுக்கும், 6, 10, 12-ஆம் பாவங்களில் அழுத்தம் உள்ளவர்களுக்கும் ஒரு தற்காலிகச் சோதனைக்காலமே தவிர, நிரந்தரத் தடை அல்ல. மாறாக, புதன் மற்றும் குரு பலமாக உள்ளவர்களுக்குத் திறமையின் மூலம் புதிய பாதைகள் திறக்கும் வாய்ப்பு அதிகம். பலன் எல்லோருக்கும் ஒன்றாக இருக்காது; தசை, புத்தி, சந்திர ராசி ஆகியவற்றைப் பொறுத்து மாறும். 3. யார் அதிகம் பாதிக்கப்படுவார்கள்? யார் நிலைத்து நிற்பார்கள்? பாதிப்புக்குள்ளாகக் கூடியவர்கள்: விசாவை மட்டுமே நம்பி, ஒரே நிறுவனத்தில், ஒரே மாதிரியான coding பணியில் பல ஆண்டுகளாகத் தேங்கி, பசுமை அட்டைக்காகக் காத்திருப்பவர்கள். குறிப்பாக ஆரம்ப மற்றும் நடுத்தர நிலைப் பணிகளில் இருப்பவர்கள் இந்த அழுத்தத்தை அதிகம் உணரலாம். நிலைத்து நிற்பவர்கள்: AI, கிளவுட், சைபர் செக்யூரிட்டி, தரவு பொறியியல், தயாரிப்பு உரிமை போன்ற உயர் மதிப்புத் திறமைகளைக் கொண்டவர்கள். நிறுவனங்கள் விசா செலவைக் குறைக்க விரும்பும்போது, அந்த உயர் மதிப்பு வேலையை இந்தியாவுக்கே நகர்த்துவதையும் தற்போதைய சூழல் காட்டுகிறது. உள்ளூர் அனுபவம் உள்ளவர்களும் GCC அல்லது தயாரிப்புக் குழுக்களுடன் இணைந்திருப்பவர்களும் ஒப்பீட்டளவில் நிலைத்து நிற்பவர்களின் வாய்ப்பு அதிகம். 4. நடைமுறையில் நாம் என்ன செய்ய வேண்டும்? விசாவை விட திறமை முக்கியம்: சாதாரண coding வேலையைத் தாண்டி, எந்தச் சூழலிலும் நிறுவனங்கள் தவிர்க்க முடியாத அளவுக்கு உங்களது திறமையை வளர்த்துக்கொள்ளுங்கள். AI பயன்பாடு, பாதுகாப்பு, அளவீட்டு அமைப்புகள், தயாரிப்பு முடிவெடுத்தல் ஆகியவற்றில் ஆழமாகுங்கள்.

குரு பெயர்ச்சி 2026 .... சிம்மம் & கன்னி.. தேஜஸின் பார்வை... ​சிம்மம் — 68/💯 ​குரு பகவான் இந்தப் பெயர்ச்சியில் உங்கள் ராசியிலேயே (1-ஆம் இடத்தில்) நின்று பலன் தருகிறார். இதனால் தன்னம்பிக்கை, தலைமைப் பண்பு, சமூக அங்கீகாரம் மற்றும் உடல் ஆரோக்கியம் தொடர்பான விஷயங்கள் முன்னுக்கு வரும். ஆனால் கர்வம் அதிகமாகக் கூடாது. பொறுப்புடன் நடந்து கொண்டால் நல்ல பலன் கிடைக்கும். ​வேலைக்குச் செல்பவர்கள்: அலுவலகத்தில் உங்கள் சொற்களுக்கு மதிப்பு கூடும். புதிய பொறுப்புகள் கிடைக்க வாய்ப்புள்ளது. ​பார்வை: கர்வம் கொள்ளாமல் பொறுப்புடன் செயல்படுங்கள். அரசு சார்ந்த ஆவணங்களைச் சரியாகப் பராமரியுங்கள். மேலதிகாரிகளுடன் அமைதியாகப் பேசுங்கள். ​பரிகாரம்: தினமும் காலையில் சிறிது நேரம் மௌனமாக இருந்துவிட்டுப் பணியைத் தொடங்குங்கள். ​தொழில் அதிபர்கள் & வியாபாரிகள்: புதிய வாய்ப்புகள் தோன்றலாம். ஆனால் ஆடம்பரமான செலவுகளைக் கட்டுப்படுத்துங்கள். ​பார்வை: பெரிய முதலீடுகளை இந்தக் காலத்தில் தவிர்த்து, இருக்கும் தொழிலில் கவனம் செலுத்துங்கள். ஆவணங்களை இரண்டு முறை சரிபாருங்கள். ​பரிகாரம்: வியாபார இடத்தில் மஞ்சள் நிறப் பொருட்களை வைத்து விநாயகரை நினைத்து வழிபடுவது நல்லது. ​பெண்கள்: குடும்பத்தில் உங்கள் கருத்துக்கு மதிப்பு கூடும். ஆனால் தற்பெருமை உறவில் விரிசலை ஏற்படுத்தலாம். ​பார்வை: விட்டுக் கொடுத்துச் செல்வதே நல்லது. கணவர் அல்லது குடும்பத்தினருடன் அமைதியாகப் பேசுங்கள். ​பரிகாரம்: வியாழக்கிழமைகளில் ஏழைகளுக்குத் தேவையான பொருட்களைத் தானமாக வழங்குங்கள். ​முதியவர்கள்: இதயம் மற்றும் முதுகுப் பகுதிக்குக் கவனம் தேவை. குழந்தைகள் தொடர்பான செலவுகள் ஏற்படலாம். ​பார்வை: அதிகமாகக் கோபப்படாதீர்கள். போதிய ஓய்வு எடுங்கள். பிள்ளைகளுடன் அமைதியாகப் பேசுங்கள். ​பரிகாரம்: விநாயகரை நினைத்து அருகம்புல் சாத்தி வழிபடுவது மன அமைதியைத் தரும். ​பொருளாதாரம்: பணவரவு நன்றாக இருக்கும். ஆனால் தேவையற்ற செலவுகளைக் கட்டுப்படுத்துங்கள். ​பார்வை: ஆடம்பரச் செலவுகளைத் தவிர்த்து, சிறு தொகையைச் சேமிக்கப் பழகுங்கள். ​பரிகாரம்: பணப் பரிமாற்றங்களின்போது நிதானத்தைக் கடைப்பிடியுங்கள். ​உடல்நலம்: இதயம் மற்றும் முதுகுப் பகுதி சார்ந்த கவனம் தேவை. ​பார்வை: அதிக காரம் மற்றும் எரிச்சலூட்டும் உணவுகளைத் தவிருங்கள். கோபத்தைக் கட்டுப்படுத்துங்கள். ​பரிகாரம்: தினமும் சிறிது நேரம் நடைப்பயிற்சி அல்லது தியானம் செய்வது நல்லது. ​பொதுவான அறிவுரை: தன்னம்பிக்கை நன்றாக இருக்கும். ஆனால் கர்வம் கொள்ளாமல் பொறுப்புடன் நடந்து கொண்டால் இந்தப் பெயர்ச்சி உங்களுக்கு நல்ல பலனைத் தரும்.

குரு பெயர்ச்சி 2026 பலன்கள்.... மேஷம்.. தேஜஸின் பார்வை... ​மேஷம் — 80/💯 ​குரு பகவான் இந்தப் பெயர்ச்சியில் உங்களுக்கு 5-ஆம் இடத்தில் நின்று பலன் தருகிறார். இதனால் குழந்தைகள், அறிவு, புதிய முயற்சிகள், படைப்பாற்றல் மற்றும் மன மகிழ்ச்சி தொடர்பான விஷயங்கள் நன்றாக இருக்கும். வேகம் அதிகமாக இருக்கும் என்பதால், சில இடங்களில் நிதானத்தைக் கடைப்பிடித்தால் இந்தப் பெயர்ச்சி உங்களுக்கு முழுமையான வெற்றியைத் தரும். ​வேலைக்குச் செல்பவர்கள்: புதிய பொறுப்புகள் கிடைக்கலாம். அலுவலகத்தில் உங்கள் யோசனைகளுக்கு மதிப்பு கூடும். ஆனால் ஒப்பந்தம் அல்லது முக்கிய ஆவணங்களில் உடனடியாகக் கையெழுத்திடாதீர்கள். ​பார்வை: ஒரு நாள் முழுமையாக யோசித்து, மேலதிகாரியுடன் அமைதியாகப் பேசிவிட்டு முடிவெடுங்கள். கோபம் வந்தால் ஒரு நிமிடம் அமைதியாக இருந்துவிட்டுப் பேசுவது நல்லது. ​பரிகாரம்: தினமும் காலையில் சிறிது நேரம் மௌனமாக இருந்துவிட்டுப் பணியைத் தொடங்குங்கள். ​தொழில் அதிபர்கள் & வியாபாரிகள்: புதிய வாடிக்கையாளர்கள் வர வாய்ப்புள்ளது. ஆனால் கூட்டாளிகளுடன் பெரிய ஒப்பந்தம் போடும்போது கவனம் தேவை. ​பார்வை: எல்லா ஆவணங்களையும் இரண்டு முறை சரிபாருங்கள். பெரிய முதலீடுகளை இந்தக் காலத்தில் தவிர்த்து, சிறு தொகையில் தொடங்குவது பாதுகாப்பானது. ​பரிகாரம்: வியாபாரத் தலத்தில் மஞ்சள் வஸ்திரம் அணிந்த தட்சிணாமூர்த்தியை நினைத்து வழிபடுவது நல்லது. ​பெண்கள்: குழந்தைகள் தொடர்பான விஷயங்களில் முன்னேற்றம் காணலாம். குடும்பத்தில் சிறு கருத்து வேறுபாடுகள் வரலாம். ​பார்வை: கோபம் வரும்போது அமைதியாக இருங்கள். குடும்பத்தினருடன் மனம் விட்டுப் பேசுங்கள். உங்கள் அமைதியான பேச்சு உறவை வலுப்படுத்தும். ​பரிகாரம்: வியாழக்கிழமைகளில் ஏழைகளுக்குத் தேவையான மஞ்சள் நிறப் பொருட்களைத் தானமாக வழங்கலாம். ​முதியவர்கள்: குழந்தைகள் அல்லது பேரப்பிள்ளைகள் தொடர்பான செலவுகள் ஏற்படலாம். தலை மற்றும் கண் பகுதிக்குக் கவனம் தேவை. ​பார்வை: போதிய ஓய்வு எடுங்கள். பிள்ளைகளுடன் அமைதியாகப் பேசி மகிழுங்கள். ​பரிகாரம்: விநாயகரை நினைத்து அருகம்புல் சாத்தி வழிபடுவது மனக் கவலையைப் போக்கும். ​பொருளாதாரம்: வரவு நன்றாக இருக்கும். ஆனால் பண்டிகை மற்றும் குடும்பச் செலவுகள் கூடும். ​பார்வை: செலவுகளை முன்கூட்டியே திட்டமிடுங்கள். வருமானத்தில் ஒரு சிறு பகுதியைச் சேமிக்கப் பழகுங்கள். ​பரிகாரம்: பணப் பரிமாற்றங்களின்போது சற்று நிதானத்தைக் கடைப்பிடியுங்கள். ​உடல்நலம்: தலைவலி மற்றும் கண் எரிச்சல் வர வாய்ப்புள்ளது. ​பார்வை: போதிய தண்ணீர் குடியுங்கள். இரவில் இலகுவான உணவு எடுங்கள். அமைதியான மனநிலையே சிறந்த மருந்து. ​பரிகாரம்: தியானம் அல்லது மூச்சுப் பயிற்சி செய்வது உடல் மற்றும் மனதுக்கு அமைதியைத் தரும். ​பொதுவான அறிவுரை: நல்ல வாய்ப்புகள் தேடிவரும். அவசரமின்றிப் பொறுமையாகச் செயல்பட்டால் இந்தப் பெயர்ச்சி உங்களுக்கு மிகச் சிறந்த பலனைத் தரும். உங்கள் ஜாதகம் பலன்கள் அறிந்து கொள்ள விரும்பினால் பயோ வில் உள்ள வாட்ஸ்அப் மூலம் தொடர்பு கொள்ளலாம்.

மனதில் பட்டது !! இன்று .. குருவின் மௌனமும், மரவள்ளிக்கிழங்கு விருந்தும்... பொதுவாக நவராத்திரி என்பது ஒன்பது இரவுகளும் பத்து பகல்களும் கொண்ட பண்டிகை. நம்ம ஊரில் பலர் இதை ஒன்பது நாட்கள் என்று வழக்கமாகச் சொன்னாலும், சில ஆன்மீகப் பெரியவர்களும், குருமார்களும் இந்த நவராத்திரி முழுவதும் அதாவது அந்தப் பத்து நாட்களும் முழுமையான மௌன விரதம், கடுமையான அனுஷ்டானங்கள், அம்பிகையின் உபாசனை என்று தீவிரத் தவத்தில் இருப்பார்கள். உலகச் சத்தங்களில் இருந்தும் மனிதர்களின் தொடர்பில் இருந்தும் முற்றிலும் விலகி, உணவு எதையும் உட்கொள்ளாமல் வெறும் நீராகாரம் அல்லது மிகக் குறைந்த பால் மட்டுமே எடுத்துக் கொண்டு உள்முகமாகத் தவம் செய்வது வழக்கம். அப்படிப்பட்ட ஒரு கடுமையான தவத்தில்தான் என் குருவும் இருந்தார். குருவிடமிருந்து அழைப்பு வந்தது. “நவராத்திரிக்கு இரவே வந்துவிடு” என்றார். நானோ, “நவராத்திரி தொடங்கும் அன்றைக்குப் போனால் போதும்” என்று நினைத்துக் கொண்டு அடுத்த நாள் காலையில் சென்றேன். ஆனால், அங்கே நான் சென்றபோதுதான் தெரிந்தது – அவர் ஏற்கனவே தனது கடுமையான மௌன விரதத்தைத் தொடங்கிவிட்டிருந்தார்! அந்தத் தவத்தை எண்ணி எனக்கு உள்ளுக்குள் சின்னதாய் ஒரு வருத்தம் எழுந்தது. என் தாமதத்தால் குருவின் அந்தத் தவத்தடைக்குள் மௌனமாகச் சென்று நின்றதை நினைத்துச் சற்று மனம் தளர்ந்தேன். ஆனாலும், என்னைக் கண்டதும் அவர் என்னை அன்போடு பார்த்த அந்தப் பார்வை என் குறையைப் போக்கியது. அதன்பிறகு வார்த்தைகள் எதற்குமே அங்கு இடமில்லை. நீண்ட நேரம் பேசிக்கொள்ளாமலேயே எங்களது பார்வைகளினூடே பல விஷயங்கள் பரிமாறிக் கொள்ளப்பட்டன. குருவும் நானும் கண்களாலேயே மனதைத் தொட்டுப் பேசிக்கொண்ட அந்த நிசப்தமான தருணம் வாழ்நாளில் மறக்க முடியாத அற்புதம்! அப்படித் தொடங்கிய அந்தப் பத்து நாட்கள் மௌன விரதம் நிறைவடைந்து, விஜயதசமி திருநாள் வந்தது. தசரா நிறைவடையும் அந்தத் திருநாளில் மீண்டும் குருவைத் தேடிச் சென்றேன். இந்த முறை அங்கே முற்றிலும் வேறு சூழல்! மௌனத்தைக் கலைத்த அவர், முகத்தில் புன்னகையுடன் என்னை அன்பாக வரவேற்றார். “வா தேஜஸ், எப்படி இருக்க?” என்று மிகுந்த அன்போடு விசாரித்துவிட்டு, இன்னைக்கு உங்க ஊர் சாப்பாடு, இந்தியன் ஃபுட் சாப்பிடலாம்” என்றார். எனக்கு உள்ளுக்குள் ஒரே குஷி. “அடடா... குரு நம்மளுக்காக ஸ்பெஷலா என்னென்னவோ சமையல், பாயாசம்லாம் ரெடி பண்ணி வச்சிருக்காரு போல” என்று மனசுக்குள் நினைத்துக் கொண்டே அவரோடு அமரப் போனேன். உள்ளே சென்றதும் ஒரு மணம் மூக்கைத் துளைத்தது. அட, மரவள்ளிக்கிழங்கு வாசனை! நேராக உட்கார்ந்து பார்த்தால்... அங்கே கேரளாவின் பெரிய மொட்டை அரிசிக் கஞ்சியும், கடுகு தாளிக்காமல் வேகவைத்த சுடச்சுட மரவள்ளிக்கிழங்கும் (கப்பாவும்), கெட்டித் தயிரும் தயாராக இருந்தது. குருவோ உப்பு, காரம் சேர்த்துக் கொள்ள மாட்டார். ஆனால் எனக்கோ மரவள்ளிக்கிழங்கைப் பார்த்தவுடன் “நல்ல காரமா இருந்தா சூப்பரா இருக்குமே” என்று தோன்ற, சமையலறைக்கு ஓடினேன். அங்கிருந்த உதவியாளரிடம் “கொஞ்சம் ஊறுகாய் கொடுங்க” என்று கேட்டேன். அவரோ, “குருவுக்கு இது பிடிக்காது; நீங்க கேக்குறீங்கன்னு நான் கொடுத்தா என்னைத் திட்டுவாரு” என்றார். “இல்லை, கொஞ்சோண்டு கொடுங்க, ஒன்னும் சொல்ல மாட்டாரு” என்று அவரிடம் கெஞ்சி வாங்கி வந்து தட்டில் வைத்துக் கொண்டேன். குரு அதைப் பார்த்தார். ஒன்றும் சொல்லாமல் சிரித்துக்கொண்டே “ம்... சாப்பிடு” என்றார். அந்தப் பத்தாம் நாள் தவத்தை முடித்த ஒரு மகானின் பரிபூரண எளிமையும், அந்த எளிய உணவும் வாழ்நாளில் மறக்க முடியாத அனுபவம். சாப்பிட்டு முடித்ததும் கொஞ்ச நேரம் அவரிடம் அமர்ந்து பேசிக் கொண்டிருந்தோம். அவராகவே ஆர்வமாக, தேஜஸ் ...“வாழ்வியல் வழிகாட்டி வேலைகள் எப்படி போயிட்டு இருக்கு? கவுன்சிலிங் வரவங்க எல்லாம் எப்படி ஃபீல் பண்றாங்க? நீ எப்படி அதெல்லாம் ஃபாலோ பண்ணி பண்ற?” என்று ரொம்ப அக்கறையாக விசாரித்தார். குருவுக்குத் தமிழ் மொழி தெரியாது என்றாலும், நான் என் வாடிக்கையாளர் ஒருத்தர் அனுப்பிய ஃபீட்பேக் வாய்ஸ் ரெக்கார்டிங்கை அவரிடம் போட்டுக் காமிச்சேன். அவருக்குத் தமிழ் புரியவிட்டாலும், அந்த ஒலியின் அதிர்வை வைத்து அவர்கள் பேசியதின் அர்த்தத்தை அப்படியே உள்வாங்கி அவர் “ஆஹா...” என்று வெளிப்படுத்திய விதம் என்னை மெய்சிலிர்க்க வைத்தது. சில நேரங்களில் குருவின் ஆன்மீகப் பலனும், ஆற்றலும் இப்படி அமானுஷ்யமான முறையில் வெளிப்படுவதைக் கண்டு நான் வியந்துபோயிருக்கிறேன். அவர் என்னை அன்போடு ஆசீர்வதித்து, என் எதிர்காலம் குறித்தும் சில முக்கியமான விஷயங்களைச் சொல்லித் தட்டிக் கொடுத்தார்....

குரு பெயர்ச்சி 2026 — மிதுனம் & கடகம்.. தேஜஸின் பார்வை... ​மிதுனம் — 65/💯 ​குரு பகவான் இந்தப் பெயர்ச்சியில் உங்களுக்கு 3-ஆம் இடத்தில் நின்று பலன் தருகிறார். இதனால் பேச்சு, எழுத்து, சகோதர உறவுகள், குறுகிய பயணங்கள் மற்றும் திறமை தொடர்பான விஷயங்கள் முக்கியமாக வரும். நல்ல வாய்ப்புகள் கிடைக்கலாம். ஆனால் பேச்சில் அவசரம் கூடாது. நிதானமாகச் செயல்பட்டால் நன்மை கிடைக்கும். ​வேலைக்குச் செல்பவர்கள்: அலுவலகத்தில் பணிச்சுமை சற்று கூடலாம். உங்கள் பேச்சுக்கு மதிப்பு கிடைக்கும். ஆனால் ஆவணங்களில் கவனம் தேவை. பார்வை: எந்த ஆவணத்திலும் உடனடியாகக் கையெழுத்திடாதீர்கள். இரண்டு முறை படித்துப் பார்த்து முடிவெடுங்கள். பேச்சை அளவோடு வைத்துக்கொள்ளுங்கள். பரிகாரம்: தினமும் காலையில் சிறிது நேரம் அமைதியாக இருந்துவிட்டுப் பணியைத் தொடங்குங்கள். ​தொழில் அதிபர்கள் & வியாபாரிகள்: புதிய வாடிக்கையாளர்கள் வர வாய்ப்புள்ளது. ஆனால் கூட்டாளிகளுடன் ஒப்பந்தம் போடும்போது கவனம் தேவை. பார்வை: எல்லா ஆவணங்களையும் முழுமையாகச் சரிபாருங்கள். பெரிய முதலீடுகளை இந்தக் காலத்தில் தவிர்த்து, சிறு தொகையில் தொடங்குங்கள். பரிகாரம்: வியாபார இடத்தில் மஞ்சள் நிறப் பொருட்களை வைத்து தட்சிணாமூர்த்தியை நினைத்து வழிபடுவது நல்லது. ​பெண்கள்: சகோதர சகோதரிகளுடன் உறவு மேம்படலாம். குடும்பத்தில் சிறு கருத்து வேறுபாடுகள் வரலாம். பார்வை: முதல் வார்த்தையைத் தவிர்த்து அமைதியாகப் பேசுங்கள். உங்கள் நிதானமான பேச்சு பல பிரச்சனைகளைத் தீர்க்கும். பரிகாரம்: வியாழக்கிழமைகளில் ஏழைகளுக்குத் தேவையான பொருட்களைத் தானமாக வழங்குங்கள். ​முதியவர்கள்: சகோதர உறவுகள் தொடர்பான விஷயங்கள் முன்னுக்கு வரலாம். தோள் மற்றும் நரம்பு பகுதிக்குக் கவனம் தேவை. பார்வை: அதிகமாகப் பேசுவதைத் தவிருங்கள். போதிய ஓய்வு எடுங்கள். பிள்ளைகளுடன் அமைதியாகப் பேசுங்கள். பரிகாரம்: விநாயகரை நினைத்து அருகம்புல் சாத்தி வழிபடுவது மன அமைதியைத் தரும். ​பொருளாதாரம்: வரவு நன்றாக இருக்கும். ஆனால் நண்பர்கள் அல்லது உறவினர்கள் பண உதவி கேட்டு வரலாம். பார்வை: உங்கள் வசதிக்கு ஏற்ப மட்டும் உதவுங்கள். பெரிய தொகையைக் கடன் கொடுக்காதீர்கள். பரிகாரம்: பணப் பரிமாற்றங்களின்போது நிதானமாகச் சிந்தியுங்கள். சிறு தொகையைச் சேமிக்கப் பழகுங்கள். ​உடல்நலம்: தோள் வலி மற்றும் நரம்பு தொடர்பான உபாதைகள் வரலாம். பார்வை: இரவு நேரத்தில் மொபைல் பயன்பாட்டைக் குறைத்துக்கொள்ளுங்கள். போதிய தண்ணீர் குடியுங்கள். பரிகாரம்: தினமும் சிறிது நேரம் மூச்சுப் பயிற்சி அல்லது தியானம் செய்வது நல்லது. ​பொதுவான அறிவுரை: பேச்சு உங்களுக்குப் பெரிய ஆயுதம். ஆனால் அதை அளவோடு பயன்படுத்துங்கள். அவசர முடிவுகளைத் தவிர்த்தால் நல்ல பலன் கிடைக்கும்.

ரிஷபம் — 50/💯 ​குரு பகவான் இந்தப் பெயர்ச்சியில் உங்களுக்கு 4-ஆம் இடத்தில் நின்று பலன் தருகிறார். இதனால் வீடு, தாய், சொத்து மற்றும் மன அமைதி தொடர்பான விஷயங்கள் முக்கியமாக வரும். நிதானமாகவும் பொறுமையாகவும் செயல்படுவது இந்த காலத்தின் அவசியத் தேவையாகும். ​வேலைக்குச் செல்பவர்கள்: பழைய வேலைகள் முடிவுக்கு வர வாய்ப்புள்ளது. புதிய பொறுப்புகளை ஏற்றுக்கொள்ளும்போது அவசரப்பட வேண்டாம். ​பார்வை: உங்கள் வேலையில் மட்டும் கவனம் செலுத்துங்கள். பேச்சை அளவோடு வைத்துக்கொள்ளுங்கள். உழைப்புக்குரிய அங்கீகாரம் உறுதியாகக் கிடைக்கும். ​பரிகாரம்: அலுவலகம் செல்லும்முன் குலதெய்வத்தை மனதில் நினைத்துக்கொண்டு செல்வது நன்மையைத் தரும். ​தொழில் அதிபர்கள் & வியாபாரிகள்: சொத்து அல்லது நிலம் வாங்கும் எண்ணம் இருந்தால் கவனம் தேவை. பணப்புழக்கம் சீராக இருக்கும். ​பார்வை: எல்லா ஆவணங்களையும் முழுமையாகப் சரிபார்த்துகொள்ளுங்கள். பெரிய முதலீடுகளை இந்தக் காலத்தில் தள்ளி வைத்துவிட்டு, இருக்கும் தொழிலில் கவனம் செலுத்துங்கள். ​பரிகாரம்: சொத்து சார்ந்த ஆவணங்களில் கையெழுத்திடும் முன் பெரியவர்களின் ஆசியைப் பெறுங்கள். ​பெண்கள்: வீட்டுச் சூழல் அமைதியாக இருக்கும். தாய் அல்லது குடும்பப் பெரியவர்களுடன் நேரம் செலவிடுவது நல்லது. ​பார்வை: குடும்ப முடிவுகளில் உங்கள் கருத்தை அமைதியாகச் சொல்லுங்கள். வீட்டைச் சுத்தமாக வைத்திருப்பது நேர்மறை ஆற்றலைக் கொண்டுவரும். ​பரிகாரம்: தாயாருக்கு இயன்ற உதவிகளைச் செய்து அவர்களின் நல்வாழ்த்தைப் பெறுங்கள். ​முதியவர்கள்: வீடு மற்றும் சொத்து தொடர்பான ஆவணங்களைப் பாதுகாப்பாக வைத்துக்கொள்ளுங்கள். தொண்டை மற்றும் உடல் எடை குறித்துக் கவனம் தேவை. ​பார்வை: இனிப்பு வகைகளைக் குறைத்துக்கொள்ளுங்கள். பிள்ளைகளுடன் இணக்கமாக இருங்கள். போதிய ஓய்வு அவசியம். ​பரிகாரம்: காலையில் இலகுவான நடைப்பயிற்சியும் மூச்சுப் பயிற்சியும் மேற்கொள்வது உடல்நலத்தைக் காக்கும். ​பொருளாதாரம்: பணம் கையில் தங்கும். ஆனால் சொத்து வாங்குவது போன்ற பெரிய முடிவுகளை இந்தக் காலத்தில் எடுப்பதைத் தவிர்க்கலாம். ​பார்வை: சிறு சேமிப்பைத் தொடருங்கள். பெரிய முதலீடுகளில் அவசரம் வேண்டாம். ​பரிகாரம்: தேவையற்ற செலவுகளைத் தவிர்த்து, சிறிய அளவிலாவது தொகையைச் சேமிக்கத் தொடங்குங்கள். ​உடல்நலம்: தொண்டை வலி அல்லது சளி போன்ற உபாதைகள் வரலாம். ​பார்வை: உணவில் கட்டுப்பாடு கடைப்பிடியுங்கள். இரவில் சீரான தூக்கத்தைப் பேணுங்கள். தேவையற்ற விவாதங்களைத் தவிருங்கள். ​பரிகாரம்: சுடுநீரில் துளசி சேர்த்துப் பருகுவது தொண்டை உபாதைகளைக் குறைக்க உதவும். ​பொதுவான அறிவுரை: எதையும் திடீரென மாற்ற முயற்சிக்காதீர்கள். நிலையான சிந்தனையும் பொறுமையுமே இந்தக் காலத்தில் உங்களைக் காப்பாற்றும்.