27.10.2026 హైదరాబాద్‌లోని తెలంగాణ గ్రామీణ సహకార బ్యాంకు ప్రధాన కార్యాలయంలో 2025–26 ఆర్థిక సంవత్సరానికి సంబంధించిన రుణాలు, లాభనష్టాలపై సమీక్ష సమావేశం నిర్వహించారు. 2025–26లో బ్యాంకు రూ.88.09 కోట్ల లాభాన్ని ఆర్జించగా, వ్యవసాయ సహకార రంగంలో రూ.55 కోట్ల లాభం సాధించినట్లు అధికారులు వెల్లడించారు. కరీంనగర్ జిల్లాలోని 71 బ్యాంకు శాఖలు, 131 ప్రాథమిక వ్యవసాయ సహకార సంఘాల ద్వారా రూ.8,900 కోట్ల వ్యాపారం నిర్వహించినట్లు తెలిపారు. రైతులకు మెరుగైన సేవలందించేందుకు 5 మెగావాట్ల సామర్థ్యంతో సోలార్ ప్లాంట్ల ఏర్పాటుకు చర్యలు చేపట్టగా, గోదాముల నిర్మాణానికి కూడా రుణాలు మంజూరు చేయనున్నట్లు పేర్కొన్నారు. సహకార బ్యాంకుల అభివృద్ధికి అవసరమైన చర్యలు చేపట్టాలని, రైతులకు వ్యవసాయ మరియు వ్యవసాయేతర రుణాలు అందిస్తూ బ్యాంకింగ్ సేవలను మరింత విస్తరించాలని కలెక్టర్, ఇతర అధికారులకు సూచించారు. @TelanganaCMO @TelanganaCS @IPRTelangana @PIBHyderabad

27.10.2026 హైదరాబాద్‌లోని తెలంగాణ గ్రామీణ సహకార బ్యాంకు ప్రధాన కార్యాలయంలో 2025–26 ఆర్థిక సంవత్సరానికి సంబంధించిన రుణాలు, లాభనష్టాలపై సమీక్ష సమావేశం నిర్వహించారు. 2025–26లో బ్యాంకు రూ.88.09 కోట్ల లాభాన్ని ఆర్జించగా, వ్యవసాయ సహకార రంగంలో రూ.55 కోట్ల లాభం సాధించినట్లు అధికారులు వెల్లడించారు. కరీంనగర్ జిల్లాలోని 71 బ్యాంకు శాఖలు, 131 ప్రాథమిక వ్యవసాయ సహకార సంఘాల ద్వారా రూ.8,900 కోట్ల వ్యాపారం నిర్వహించినట్లు తెలిపారు. రైతులకు మెరుగైన సేవలందించేందుకు 5 మెగావాట్ల సామర్థ్యంతో సోలార్ ప్లాంట్ల ఏర్పాటుకు చర్యలు చేపట్టగా, గోదాముల నిర్మాణానికి కూడా రుణాలు మంజూరు చేయనున్నట్లు పేర్కొన్నారు. సహకార బ్యాంకుల అభివృద్ధికి అవసరమైన చర్యలు చేపట్టాలని, రైతులకు వ్యవసాయ మరియు వ్యవసాయేతర రుణాలు అందిస్తూ బ్యాంకింగ్ సేవలను మరింత విస్తరించాలని కలెక్టర్, ఇతర అధికారులకు సూచించారు. @TelanganaCMO @TelanganaCS @IPRTelangana @PIBHyderabad

26.10.2026 కరీంనగర్ ఐ.డి.ఓ.సి.లో సోమవారం నిర్వహించిన ప్రజావాణి కార్యక్రమంలో జిల్లా కలెక్టర్ ప్రజల నుంచి 162 దరఖాస్తులు స్వీకరించారు. కరీంనగర్ మున్సిపల్ కార్పొరేషన్‌కు 42, ఆర్‌డీఓ కార్యాలయానికి 23, గృహనిర్మాణ సంస్థకు 21 దరఖాస్తులు అందాయి. అన్ని మండలాల్లో నిర్వహించిన ప్రజావాణికి 79 దరఖాస్తులు రాగా, హుజూరాబాద్‌లో అత్యధికంగా 14 దరఖాస్తులు నమోదయ్యాయి. ప్రజావాణి అర్జీలను క్షేత్రస్థాయిలో పరిశీలించి, ముఖ్యమంత్రి ప్రజావాణి దరఖాస్తులకు ప్రాధాన్యతనిస్తూ త్వరితగతిన పరిష్కరించాలని కలెక్టర్ అధికారులను ఆదేశించారు. జిల్లాలో వివిధ ప్రభుత్వ శాఖల్లో పెండింగ్‌లో ఉన్న 306 కోర్టు కేసులను నిర్ణీత గడువులోగా పరిష్కరించేందుకు జిల్లా యంత్రాంగం చర్యలు చేపట్టింది. @TelanganaCMO @TelanganaCS @IPRTelangana @PIBHyderabad

26.10.2026 గౌరవనీయులైన రాష్ట్ర ప్రధాన ఎన్నికల అధికారి సి. సుదర్శన్ రెడ్డి గారు ఎస్‌ఐఆర్ ప్రక్రియలో ప్రతి అంశాన్ని పారదర్శకంగా నమోదు చేసి, అర్హులైన ప్రతి ఒక్కరికీ ఓటు హక్కు కల్పించాలని ఆదేశించారు. పెండింగ్‌లో ఉన్న ఎస్‌ఐఆర్ పనులు, నోటీసుల విచారణలను ఈ వారం చివరి నాటికి పూర్తి చేయాలని సూచించారు. ఫారం-6, 7, 8 దరఖాస్తులను నవంబర్ 5వ తేదీలోగా పరిష్కరించి, భౌతిక, ఆన్‌లైన్ రికార్డులు, ఆధారాలను భద్రపరచాలని తెలిపారు. హుజూరాబాద్ నియోజకవర్గంలో ఓటర్ల వివరాలను ప్రత్యేకంగా పరిశీలించి, అనర్హులుగా గుర్తించిన ప్రతి కేసుకు తగిన ఆధారాలతో కూడిన స్పీకింగ్ ఆర్డర్లు నిర్వహించాలని కలెక్టర్ ఆదేశించారు. ఏడు రోజులకు పైగా పెండింగ్‌లో ఉన్న దరఖాస్తులను AERO వారీగా సమీక్షించి త్వరితగతిన పరిష్కరించాలని, రాజకీయ పార్టీల ప్రతినిధులకు దరఖాస్తులు, రసీదుల వివరాలు అందించాలని సూచించారు. @TelanganaCMO @TelanganaCS @IPRTelangana @PIBHyderabad @CEO_Telangana @ECISVEEP @SpokespersonECI

24.10.2026 కరీంనగర్ జీజీహెచ్‌లో వైద్య సేవలు, పరిశుభ్రత, మౌలిక వసతులను జిల్లా కలెక్టర్ శనివారం క్షేత్రస్థాయిలో పరిశీలించారు. వివిధ వార్డుల్లో రోగులతో మాట్లాడి, అందుతున్న వైద్య సేవలు, సౌకర్యాలపై వివరాలు తెలుసుకున్నారు. ఆసుపత్రిలో మరమ్మతు పనులను నాణ్యతతో, నిర్ణీత గడువులోగా పూర్తి చేయాలని అధికారులను ఆదేశించారు. రూ.6.5 కోట్లతో ఏర్పాటు చేసిన క్యాత్ ల్యాబ్, క్రిటికల్ కేర్ సెంటర్‌ను పూర్తిస్థాయిలో వినియోగంలోకి తీసుకురావాలని సూచించారు. రోగుల సహాయకుల కోసం రూ.35 లక్షలతో ఏర్పాటు చేయనున్న విశ్రాంతి షెడ్డు పనులను పరిశీలించి, మెరుగైన సదుపాయాలు కల్పించాలని తెలిపారు. @TelanganaCMO @TelanganaCS @IPRTelangana @PIBHyderabad

24.10.2026 కొత్తపల్లిలో నిర్మాణంలో ఉన్న ప్రభుత్వ మెడికల్ కాలేజీ, విద్యార్థుల హాస్టళ్లు, నర్సింగ్ కళాశాల భవనాలను కలెక్టర్ శనివారం పరిశీలించారు. భవన నిర్మాణ పనులను వేగవంతం చేసి, నిర్ణీత గడువులో పూర్తి చేయాలని అధికారులను ఆదేశించారు. విద్యార్థుల హాస్టల్ భవనాలను నెలలోపు పూర్తి చేయాలని సూచించారు. మెడికల్ కాలేజీ భవనానికి సంబంధించి పెండింగ్ పనులపై నివేదిక సమర్పించాలని ఆర్అండ్‌బీ డీఈను ఆదేశించారు. రూ.26 కోట్లతో నిర్మిస్తున్న నర్సింగ్ కళాశాల, హాస్టల్ భవనాల పనులను నవంబర్‌లోగా పూర్తి చేస్తామని అధికారులు కలెక్టర్‌కు తెలిపారు. @TelanganaCMO @TelanganaCS @IPRTelangana @PIBHyderabad

24.10.2026 రోడ్డు ప్రమాద బాధితులకు గోల్డెన్ అవర్‌లో వైద్యం అందించి ప్రాణాలు కాపాడేందుకు పీఎం రాహత్ పథకాన్ని సమర్థవంతంగా అమలు చేయాలని గౌరవనీయులైన సీఎస్ సంజయ్ జాజు గారు ఆదేశించారు. ఈ పథకం కింద అర్హులైన బాధితులకు రూ.1.50 లక్షల వరకు ఉచిత వైద్య చికిత్స అందిస్తామని తెలిపారు. పథకం అమలుకు ప్రభుత్వ, ప్రైవేట్ ఆసుపత్రులన్నీ తప్పనిసరిగా నమోదు చేసుకోవాలని సూచించారు. ప్రతి రోడ్డు ప్రమాద కేసును ఈ-డీఏఆర్ పోర్టల్‌లో నమోదు చేసి, ధ్రువీకరణ ప్రక్రియను వేగంగా పూర్తి చేయాలని ఆదేశించారు. @TelanganaCMO @TelanganaCS @IPRTelangana @PIBHyderabad

23.10.2026 కరీంనగర్ జిల్లాను డ్రగ్స్‌, గంజాయి రహిత జిల్లాగా తీర్చిదిద్దేందుకు అన్ని శాఖలు సమన్వయంతో పనిచేయాలని కలెక్టర్ ఆదేశించారు. విద్యాసంస్థలు, మెడికల్‌ షాపులు, బస్టాండ్ల వద్ద నిఘా పెంచి, మత్తు పదార్థాల సరఫరా, విక్రయాలపై కఠిన చర్యలు తీసుకోవాలని సూచించారు. విద్యార్థులు, యువతకు అవగాహన కల్పించడంతో పాటు, గంజాయి చాక్లెట్ల విక్రయాన్ని అరికట్టి, మత్తుకు బానిసైన వారికి వైద్య చికిత్స, కౌన్సెలింగ్‌ అందించాలని స్పష్టం చేశారు. రోడ్డు ప్రమాదాల నివారణకు పటిష్ట చర్యలు చేపట్టి, ప్రమాదకర ప్రాంతాలను గుర్తించి తక్షణ మరమ్మతులు చేయాలని కలెక్టర్‌ అధికారులను ఆదేశించారు. రహదారులపై గుంతలు, పైపులైన్‌ లీకేజీలు, ట్రాఫిక్‌ సమస్యలను పరిష్కరించి, అన్ని శాఖలు సమన్వయంతో పనిచేయాలని సూచించారు. పీఎం రహవీర్‌, హిట్‌ అండ్‌ రన్‌ పరిహారం, నగదు రహిత వైద్య చికిత్సపై ప్రజలకు విస్తృత అవగాహన కల్పించాలని తెలిపారు. రోడ్డు భద్రతా నిబంధనలు పాటించేలా ప్రజలకు చైతన్యం కల్పిస్తూ, ప్రమాద బాధితులకు సత్వర వైద్యసేవలు అందించి ప్రాణనష్టాన్ని తగ్గించాలని స్పష్టం చేశారు. @TelanganaCMO @TelanganaCS @IPRTelangana @PIBHyderabad @TGRTAIndia

23.10.2026 కరీంనగర్ జిల్లాలో 70 గ్రామాల్లో చేపట్టిన భూముల రీ సర్వేను వేగవంతం చేసి, నిర్దేశిత లక్ష్యాలను గడువులోగా పూర్తి చేయాలని కలెక్టర్ అధికారులను ఆదేశించారు. ఇప్పటివరకు 10 గ్రామాల్లో సర్వే పూర్తికాగా, మిగిలిన గ్రామాల్లో సర్వేను వేగవంతం చేయాలని సూచించారు. సర్వే, రెవెన్యూ శాఖల మధ్య సమన్వయంతో క్షేత్రస్థాయిలో ఎదురయ్యే సమస్యలను ఎప్పటికప్పుడు పరిష్కరించాలని, రైతులకు ముందస్తు సమాచారం అందించాలని తెలిపారు. లైసెన్స్‌డ్‌ సర్వేయర్లకు సకాలంలో చెల్లింపులు చేస్తూ, ఆర్డీవోలు, తహసీల్దార్లు సర్వే పురోగతిని నిరంతరం పర్యవేక్షించాలని ఆదేశించారు. ఈ సమీక్షలో అదనపు కలెక్టర్ (రెవెన్యూ), జిల్లా రెవెన్యూ అధికారి, ఆర్డీవోలు, ఏడీ సర్వే అండ్ ల్యాండ్ రికార్డ్స్, తహసీల్దార్లు, ఇతర సంబంధిత అధికారులు పాల్గొన్నారు. @TelanganaCMO @TelanganaCS @IPRTelangana @PIBHyderabad

22.10.2026 నిజాం కాలంలో దొరల దోపిడీ, పెత్తందార్ల అన్యాయాలకు వ్యతిరేకంగా పోరాడిన ప్రజా నాయకుడు పండుగ సాయన్న అని కలెక్టర్ పేర్కొన్నారు. పేదలు, సమాజంలోని అణగారిన వర్గాలకు అండగా నిలిచి వారి హక్కుల కోసం పోరాడారని కొనియాడారు. గురువారం IDOC లో బీసీ సంక్షేమ శాఖ ఆధ్వర్యంలో నిర్వహించిన పండుగ సాయన్న జయంతి కార్యక్రమంలో ఆమె పాల్గొన్నారు. డీఆర్వో, బీసీ సంక్షేమ శాఖ అధికారి, ముదిరాజ్ సంఘం నాయకులు, జిల్లా గ్రంథాలయ చైర్మన్ గౌరవనీయులైన సత్తు మల్లేశం గారు, వివిధ ప్రజా ప్రతినిధులు పండుగ సాయన్న చిత్రపటానికి పూలమాలలు వేసి నివాళులర్పించారు. @TelanganaCMO @TelanganaCS @IPRTelangana @PIBHyderabad

17.10.2026 సూపర్ ఎల్‌నినో ప్రభావాన్ని ఎదుర్కొనేందుకు తాగునీటికి ప్రథమ ప్రాధాన్యతనిస్తూ, యాసంగి సీజన్‌లో వరి సాగును తగ్గించాలని ఉమ్మడి కరీంనగర్ జిల్లా ప్రత్యేక అధికారి గౌరవనీయులైన బెనహుర్ మహేష్ దత్ ఎక్కా గారు ఆదేశించారు. కరీంనగర్ కలెక్టరేట్‌లో నాలుగు జిల్లాల కలెక్టర్లతో నిర్వహించిన సమీక్షలో నీరు, విద్యుత్ వినియోగంపై నిరంతర పర్యవేక్షణతో పాటు, చివరి ఆయకట్టు వరకు సాగునీరు చేరేలా చర్యలు చేపట్టాలని సూచించారు. రైతులకు మొక్కజొన్న, పప్పుధాన్యాలు, నూనెగింజలు, ఆయిల్ పామ్, కూరగాయల వంటి ప్రత్యామ్నాయ పంటలను ప్రోత్సహించి, కనీస మద్దతు ధర కల్పించేలా చర్యలు తీసుకోవాలని ఆదేశించారు. ఉపాధి హామీ పథకం ద్వారా ఫామ్ పాండ్లు, ఇంకుడు గుంతలు, బోరు రీచార్జ్ పనులు చేపట్టి భూగర్భ జలాలను పెంపొందించాలని, విద్యుత్ వ్యవస్థలను బలోపేతం చేయాలని సూచించారు. వచ్చే వేసవిలో తాగునీటి కొరత తలెత్తకుండా అమృత్ పనులను వేగవంతం చేసి, రానున్న ఆరు నుంచి ఎనిమిది నెలలకు అన్ని శాఖలు సమన్వయంతో ముందస్తు కార్యాచరణ ప్రణాళికలు అమలు చేయాలని ఆదేశించారు. ఈ సమీక్షలో కరీంనగర్ మున్సిపల్ కార్పొరేషన్ కమిషనర్, అదనపు కలెక్టర్, ఉమ్మడి కరీంనగర్ జిల్లాల వ్యవసాయ, సాగునీటి, విద్యుత్, మిషన్ భగీరథ, భూగర్భ జలాలు, మార్కెటింగ్, పశుసంవర్ధక, మున్సిపల్ శాఖల అధికారులు, ఇతర సంబంధిత జిల్లా అధికారులు, తదితరులు పాల్గొన్నారు @TelanganaCMO @TelanganaCS @IPRTelangana @PIBHyderabad

19.10.2026 ప్రజావాణి దరఖాస్తులను పెండింగ్‌లో ఉంచకుండా క్షేత్రస్థాయిలో పరిశీలించి, త్వరితగతిన పరిష్కరించాలని జిల్లా కలెక్టర్ అధికారులను ఆదేశించారు. వివిధ శాఖల లాగిన్‌లలో పెండింగ్‌ ఉన్న ప్రజావాణి దరఖాస్తులను వెంటనే పరిష్కరించాలని అధికారులకు సూచించారు. వచ్చే సోమవారం నుంచి ప్రజావాణి కార్యక్రమం మొదటి గంటలో పెండింగ్ దరఖాస్తులను ప్రత్యక్షంగా సమీక్షిస్తానని కలెక్టర్ స్పష్టం చేశారు. ఈ సమీక్షలో అదనపు కలెక్టర్, జిల్లా స్థాయి అధికారులు, కలెక్టరేట్ సూపరింటెoడెంట్లు, సంబంధిత అధికారులు, తదితరులు పాల్గొన్నారు. @TelanganaCMO @TelanganaCS @IPRTelangana @PIBHyderabad

17.10.2026 ఎస్‌ఐఆర్ ప్రక్రియలో పెండింగ్‌లో ఉన్న దరఖాస్తులను త్వరితగతిన పరిష్కరించాలని రాష్ట్ర ప్రధాన ఎన్నికల అధికారి గౌరవనీయులైన సి. సుదర్శన్ రెడ్డి గారు అధికారులను ఆదేశించారు. ఫారం-6, ఫారం-7, ఫారం-8 దరఖాస్తులను ప్రాధాన్యతతో పరిశీలించి, పెండింగ్ విచారణలు, నోటీసుల జారీ ప్రక్రియను గడువులోగా పూర్తి చేయాలని సూచించారు. బీఎల్‌ఓలు ఇంటింటికీ వెళ్లి నోటీసులు అందజేయడంతో పాటు, అవసరమైన ధ్రువీకరణ పత్రాలను సేకరించి, ఓటరు జాబితాలో తప్పులు, ద్వంద్వ నమోదులు లేకుండా చూడాలని ఆదేశించారు. పట్టభద్రుల ఎమ్మెల్సీ ఓటరు నమోదు దరఖాస్తుల్లో అసలు విద్యార్హత ధ్రువీకరణ పత్రాలను క్షుణ్ణంగా పరిశీలించి, ఎన్నికల సంఘం మార్గదర్శకాల ప్రకారం అర్హులైన ఓటర్లను నమోదు చేయాలని స్పష్టం చేశారు. @TelanganaCMO @TelanganaCS @IPRTelangana @PIBHyderabad

19.10.2026 టీజీపీఎస్సీ ఆధ్వర్యంలో అక్టోబర్ 24న అసిస్టెంట్ సైంటిస్ట్ (అనలిస్ట్ గ్రేడ్-II), అక్టోబర్ 26న అసిస్టెంట్ ఎన్విరాన్‌మెంటల్ ఇంజినీర్ పరీక్షలను పకడ్బందీగా, పారదర్శకంగా నిర్వహించాలని చైర్మన్ గౌరవనీయులైన బుర్రా వెంకటేశం గారు ఆదేశించారు. పరీక్షా కేంద్రాల్లో కట్టుదిట్టమైన భద్రతా ఏర్పాట్లు చేయాలని, సెల్‌ఫోన్లు, ఇంటర్నెట్ వినియోగాన్ని నిషేధించి, ప్రతి 24 మంది అభ్యర్థులకు ఒక కంప్యూటర్ పరిజ్ఞానం ఉన్న ఇన్విజిలేటర్‌ను నియమించాలని సూచించారు. పరీక్షా కేంద్రాలకు అభ్యర్థులు గంట ముందుగానే చేరుకోవాలని, ఒక్క నిమిషం ఆలస్యమైనా అనుమతి ఉండదని స్పష్టం చేశారు. నిరంతర విద్యుత్ సరఫరా, తాగునీరు, వైద్య సదుపాయాలు కల్పించాలని ఆదేశించారు. పరీక్షల నిర్వహణలో అన్ని శాఖలు సమన్వయంతో పనిచేస్తూ, అభ్యర్థుల తనిఖీలు, బయోమెట్రిక్ హాజరు, పోలీసు బందోబస్తు, ఇతర ఏర్పాట్లను పకడ్బందీగా చేపట్టాలని సూచించారు. ఈ వీడియో కాన్ఫరెన్స్‌లో జిల్లా కలెక్టర్, జిల్లా స్థాయి అధికారులు,ఈ సెక్షన్ పర్యవేక్షకురాలు, సంబంధిత పోలీస్ శాఖ అధికారులు, తదితరులు పాల్గొన్నారు. @TelanganaCMO @TelanganaCS @IPRTelangana @PIBHyderabad

16.10.2026 డీఎంఎఫ్‌టీ, ఎస్‌డీఎఫ్‌, ఎంపీ ల్యాడ్స్‌ నిధులతో మంజూరైన అభివృద్ధి పనులను త్వరితగతిన పూర్తి చేయాలని జిల్లా కలెక్టర్‌ ఆదేశించారు. పనుల అమలులో జాప్యం జరగకుండా, పెండింగ్‌ సమస్యలను గుర్తించి వెంటనే పరిష్కరించాలని సూచించారు. అభివృద్ధి పనులను నిరంతరం పర్యవేక్షిస్తూ, నిర్ణీత గడువులో పూర్తి చేసేలా అధికారులు సమన్వయంతో పనిచేయాలని కలెక్టర్‌ స్పష్టం చేశారు. ఈ సమావేశంలో సీపీఓ, ఇంజినీరింగ్‌ అధికారులతో పనుల పురోగతిపై సమీక్ష నిర్వహించారు. @TelanganaCMO @TelanganaCS @IPRTelangana @PIBHyderabad

15.10.2026 ఎల్‌నినో నేపథ్యంలో భూగర్భ జలాల పెంపునకు జలసిరి కార్యక్రమం కింద గ్రామాల్లో విస్తృతంగా జల సంరక్షణ పనులు చేపట్టాలని కలెక్టర్‌ ఆదేశించారు. ఫామ్‌ పాండ్ల నిర్మాణానికి రైతులను ప్రోత్సహించి, గ్రామాల వారీగా కార్యాచరణ ప్రణాళికలు రూపొందించాలని సూచించారు. మ్యాజిక్‌ ఇంకుడు గుంతలు, కమ్యూనిటీ ఇంకుడు గుంతల నిర్మాణాన్ని వేగవంతం చేయాలని అధికారులకు ఆదేశించారు. బోర్‌వెల్‌ రీఛార్జ్‌తో పాటు ప్రభుత్వ కార్యాలయాల్లో రూఫ్‌టాప్‌ రెయిన్‌వాటర్‌ హార్వెస్టింగ్‌ వ్యవస్థలను ఏర్పాటు చేయాలని తెలిపారు. అన్ని శాఖలు సమన్వయంతో పనిచేస్తూ వర్షపు నీటిని సమర్థంగా వినియోగించి భూగర్భ జలమట్టాల పెంపునకు కృషి చేయాలని కలెక్టర్‌ స్పష్టం చేశారు. ఈ సమావేశంలో అదనపు కలెక్టర్ (LB), జిల్లా స్థాయి అధికారులు తదితరులు పాల్గొన్నారు. @TelanganaCMO @TelanganaCS @IPRTelangana @PIBHyderabad

15.10.2026 కరీంనగర్‌ బైపాస్‌ రోడ్డులోని డంపింగ్‌ యార్డ్‌ సమస్యకు శాశ్వత పరిష్కారం చూపేందుకు కలెక్టర్‌ క్షేత్రస్థాయిలో పరిశీలించారు. నగరపాలక సంస్థ కమిషనర్‌, ఆర్డీఓ తో కలిసి ప్రత్యామ్నాయ స్థలాల గుర్తింపుపై సమీక్షించారు. డంపింగ్‌ యార్డ్‌ నుంచి వెలువడే పొగ, కాలుష్యాన్ని నియంత్రించి ప్రజలకు ఇబ్బందులు కలగకుండా చర్యలు తీసుకోవాలని ఆదేశించారు. సీడీఎంఏ ఆధ్వర్యంలో స్వచ్ఛ మైనింగ్‌ ప్రక్రియతో పాటు వ్యర్థాల నిర్వహణ మెరుగుదలకు చేపట్టాల్సిన పనులపై చర్చించారు. ప్రత్యామ్నాయ స్థలం ఎంపిక, కాలుష్య నివారణ, దీర్ఘకాలిక పరిష్కార చర్యలను సమన్వయంతో చేపట్టాలని అధికారులకు సూచించారు. @TelanganaCMO @TelanganaCS @IPRTelangana @PIBHyderabad

15.10.2026 ఎల్‌నినో నేపథ్యంలో అధికారులు అప్రమత్తంగా ఉండాలి: కలెక్టర్‌ తాగునీరు, విద్యుత్‌ సరఫరాలో అంతరాయం లేకుండా ముందస్తు చర్యలు చేపట్టాలని ఆదేశించారు. రిజర్వాయర్ల నీటిమట్టాలను నిరంతరం పర్యవేక్షిస్తూ, నీటి లభ్యతపై ప్రత్యేక దృష్టి సారించాలని సూచించారు. నీటి ఎద్దడి, ఇతర సమస్యలు తలెత్తే ప్రాంతాలను ముందుగానే గుర్తించి కార్యాచరణ ప్రణాళికలు రూపొందించాలని తెలిపారు. వచ్చే గురువారం నిర్వహించే సమీక్షకు ప్రతి శాఖ అధికారి సమగ్ర ప్రణాళికతో హాజరు కావాలని కలెక్టర్‌ ఆదేశించారు. @TelanganaCMO @TelanganaCS @IPRTelangana @PIBHyderabad

13.10.2026 జిల్లాలో బతుకమ్మ ఉత్సవాలను అత్యంత వైభవంగా నిర్వహించేందుకు పకడ్బందీ ఏర్పాట్లు చేయాలని కలెక్టర్ అధికారులను ఆదేశించారు. గ్రామాలు, పట్టణాలు, కరీంనగర్ నగరంలో లైటింగ్, శానిటేషన్, తాగునీరు తదితర మౌలిక వసతులు కల్పించాలని సూచించారు. బతుకమ్మ నిమజ్జన ప్రాంతాల్లో భద్రతకు ప్రాధాన్యతనిస్తూ ఈతగాళ్లను, వైద్య సిబ్బందిని అందుబాటులో ఉంచాలని ఆదేశించారు. పోలీస్, వైద్య, మున్సిపల్, పంచాయతీరాజ్, మహిళాభివృద్ధి శాఖలు సమన్వయంతో పనిచేసి ప్రజలకు ఎలాంటి ఇబ్బందులు కలగకుండా చూడాలన్నారు. మానేరు నది, మానకొండూర్, కొత్తపల్లి, చింతకుంట, కాకతీయ కెనాల్ తదితర నిమజ్జన ప్రాంతాల్లో అన్ని ఏర్పాట్లు పూర్తి చేయాలని సూచించారు. ఈ సమావేశంలో ఆర్డీవోలు షర్మిల, జల కుమారి, వివిధ శాఖల ఉన్నతాధికారులు పాల్గొన్నారు. @TelanganaCMO @TelanganaCS @IPRTelangana @PIBHyderabad

13.10.2026 జిల్లాలో భూభారతి ప్రక్రియలో భాగంగా భూ వివాదాల శాశ్వత పరిష్కారమే లక్ష్యంగా భూముల రీ సర్వేను పారదర్శకంగా పూర్తి చేయాలని కలెక్టర్ ఆదేశించారు. రీ సర్వే కొనసాగుతున్న 70 గ్రామాల్లో నిర్దేశిత గడువులోగా సర్వే పూర్తి చేయాలని, భూముల హద్దులు, విస్తీర్ణం, సర్వే నంబర్లను క్షేత్రస్థాయిలో క్షుణ్ణంగా పరిశీలించాలని సూచించారు. భూ రికార్డులను క్షేత్రస్థాయి పరిస్థితులతో సరిపోల్చి, ఎలాంటి పొరపాట్లకు తావులేకుండా సర్వే బృందాలు సమన్వయంతో పనిచేయాలని తెలిపారు. కోర్టు వివాదాలు, ఇతర అంశాలపై సందేహాలను ఉన్నతాధికారుల ద్వారా నివృత్తి చేసుకోవాలని ఆదేశించారు. సర్వేయర్లకు ఆధునిక రోవర్ యంత్రాల వినియోగం, ప్రభుత్వ ఫారాలు, ఆన్‌లైన్ నమోదు విధానాలపై శిక్షణ అందించారు. సమావేశంలో అడిషనల్ కలెక్టర్, ఆర్డీవోలు, లైసెన్సుడ్ సర్వేయర్లు, సర్వేయర్లు, తహసిల్దార్లు,డిప్యూటీ తహసిల్దార్లు, ఆర్ ఐ లు, జి పి ఓ లు పాల్గొన్నారు. @TelanganaCMO @TelanganaCS @IPRTelangana @PIBHyderabad