مولانا آج بھی تاریخ کی درست سمت کھڑے ہیں، جب ضیائی مارشل لاء نے آئین و جمہوریت کو روند ڈالا تھا تب جوان فضل الرحمن تاریخ کی درست سمت کھڑا تھا آج پیرانہ سالی اور 75 سال کی عمر میں بھی مولانا اپنے اصول پر کھڑے ہیں۔ اور اصول واضح ہے، اصول سادھا سا ہے ۔ اصول عوام ہے۔ اصول جمہوریت ہے۔ اصول مقننہ ہے۔ اصول عوام کا حق خود ارادیت ہے۔ اصول جمہور کے جمہوری حق کو تسلیم کروانا ہے۔ مسلم لیگ کو یہ اصول تب یاد آیا جب مسلم لیگ نے “ مجھے کیوں نکالا “ کا نعرہ لگایا لیکن لیگ یہ اصول بھول گئی جب لیگ کو بوٹ چاٹنے کا موقع دے دیا گیا۔ تحریک انصاف کو یہ اصول تب یاد آیا جب اقتدار سے بے دخل کردیا گیا لیکن جب باجوہ کا کندھا میسر تھا تب تحریک انصاف بھی ایوان کے نمائندوں کی پگڑیاں اچھالتی رہی۔ عوامی لیڈرز کو برسربازاد گالیاں دیتی رہی، تحریک انصاف کی حکومت تھی تب بھی مولانا لانگ مارچ اسی لئے لے کر چلے تھے کہ پاکستان میں جمہوریت نہیں ہے۔ بیساکھیوں پر حکومت قائم کی گئی ہے۔ آج لیگ کی حکومت ہے تو بھی واضح پیغام روز اول سے دیا کہ ہم دھاندھلی زدہ الیکشن کے نتائج کو مسترد کرتے ہیں، لاکھوں اختلاف ہونے کے باجود مولانا نے سیاسی برداشت کا وہ نمونہ پیش کیا جس کی مثال ملنا مشکل ہے۔ وگرنہ ہم نے دیکھا ہے کہ سیاسی اختلاف میں کس طرح عزتیں نیلام کی جاتیں ہیں، کس طرح ہیلی کاپٹرز سے جعلی تصویریں پھینکی جاتی ہیں، سیاست میں رواداری اور برداشت اگر آج کسی حد تک موجود ہے تو یہ مولانا فضل الرحمن کی مرہون منت ہیں جس نے واضح طور پر اعلان کیا کہ میرا مخالف جیل میں ہو اور میں اس کے خلاف میدان میں دنداناتا پھروں یہ میری سیاست نہیں رہی۔ لیگ نے تمام تر وعدوں کے بعد بھی جرنیلی بوٹ کے آگے سر تسلیم خم کرلیا تو مولانا نے واضح طور پر اپنے سب سے بڑے مخالف کے حق میں گواہی دے دی کہ میرا مخالف یہاں حق پر ہے، میرا سیاسی مخالف اپنے وعدے پر قائم رہا کیا پاکستانی سیاست میں ایسی مثال ممکن ہے ؟ پاکستان میں اس وقت صرف جوڑ و توڑ کی سیاست نہیں ہورہی بلکہ سیاسی تاریخ لکھی جا رہی ہے۔ اور تاریخ لکھ رہی ہے کہ مولانا تاریخ کی درست سمت پر کھڑے ہیں ،

ملتان:مفتی محمودؒ کانفرنس