اتمنى مستقبلا ما تقارنون افعالكم بالنساء لان مالهم دخل و بريئين من افعالكم ، حتى لو الحقتها بكلمة ' تكرم عنك'

كرامة المرأة حق إلهي محفوظ لا أنت ولا غيرك يقدر يمسّه أو يستخدمه كشتيمة

لم يوفق في الطرح وخانه التعبير، لم أستسيغ جملة (حتى الحرمة تكرم عنك) وكأن الأنثى هي الحد الأدنى للكرامة والمروءة الإنسانية.

ياخي مادخلو في شي الا وجابو فيه العيد .. يقول " حتى الحرمه تكرم عنك " ليته ساكت والله، يبي يدافع عن الولد قام اسقط ع المراة .. 🤦🏻‍♂️

حتى الحرمه تكرم عنك الى متى الاستحقار لنساء !!!

لحظة شوي شدخل الحرمة حتى الحرمة !!

اختي الصغيره سمعتك واستنكرت قولك وتقولك حن اللي نكرم عن اشكالك حبيت اوصل رساله طفله لرجل بالغ واضن عاقل

قد نختلف مع مظهر شخص أو لباسه، وقد نراه مستفزًا أو مخالفًا للذوق العام، لكن هذا لا يمنح أحدًا الحق في ضربه أو إهانته. الأخطر في مثل هذه المقاطع هو «سلوك القطيع»؛ يبدأ شخص بالاعتداء، ثم يندفع الآخرون خلفه وكأن وجود الجماعة يمنحهم حق العقاب. نحن في دولة مؤسسات وأنظمة، ومن يخالف الذوق العام يُحاسب وفق النظام، ومن يعتدي على الآخرين يُحاسب أيضًا وفق النظام. لا الشارع محكمة، ولا الجمهور جهة تنفيذ، ورفضك لسلوكٍ ما لا يعطيك الحق في ارتكاب مخالفة أخرى بحجة تقويمه

الكل اعتقد انه يقصد المرأة ويكرم الرجل !! لا الواضح من سياق الحديث يقول حتى المرأة اكرمها الله عنك .. يعني كرامتها افضل منك ( والله اعلم ) تكرم عنك ولم يقل تكرم عنها .. هنا الفرق

بيض الله وجهه

حتى الحرمه؟؟ الله يجعلك انت وامثالك فدا الحرمه حرمت عليك عيشتك الا نعم ، المرأة لها قدرها ولا خذتك الحميه على الخكري هذا وزعلت من المتنمرين ورجعت على المرأة؟ طلعو النساء من سوالفكم ياناقصين العقل ، ختفوه عليك يانصوح الغفله ماندري نلقاها من قبح الموضوع الي تطرحه ولا من وجهك الي طوله 9 امتار

ما يحاسبه الا الله ! وان اخطأ بينه وبين الله ! تقرير لمبادئ العلمانيه الي يهاجمون انكار المنكر وانه مو من حق احد ينكر على احد وان الذنوب والاخطا الشرعية امور بين العبد وربه وكل واحد في حاله ومحد له دخل باحد لو سلمنا ان ما عموله خطا والله ان ما قلته اشد منكرا مما عملوه

انا في خاطري سؤال بس ، ليش اذا واحد سوا خطاء ينقدون عليه الناس ، يقولون حتى الحرمة ماتسوي فعلتك هذي ؟ يعني المرأة وش عندها من عذروب يخليهم دايماً يقولون هالجملة .

شلون حتى الحرمه تكرم عنك وكانك تتكلم عن مخلوق نجس! مو انت اللي كنت مسويلي بطل عشان المرا تطبخ برمضان!؟ والله كانت نطرتي ثاقبه فيك انك شيخ ترندات وليس دين وصف وضيع للمرا مايطلع الا من شخص و…

وش مسويه له والدته عشان يرمي النساء بهذا القول الدنيء !!!!! نظرة الرجل للنساء دائماً مصدرها امهاتهم فاحترامك للنساء يمثل احترامك لاهل بيتك واحتقارك لهم يمثل نفس الشي لاحولا ولا قوة الا بالله اقلها استر مشاعرك اتجاه النساء تكريماً لاهل دارك

عجباً كيف يُقحم اسم المرأة حتى في هذا السياق!! "حتى المرأة تكرم عنك" "حتى" تفيد الدونية والتحقير لغوياً، حيث تُستعرض المرأة هنا وكأنها في مرتبة متدنية يُضرب بها المثل في النق وهو إسقاط مرفوض. تكرم المرأة وتترفع عن هالاستنقاص الله ياجرنا بس.

ارسلو له احاديث انكار المنكر قال تعالى ((يا ايها النبي جاهد الكفار والمنافقين واغلظ عليهم))

حتى الحرمه تكرم عنك؟ كأن الحرمه طبقه أقل من الرجل!! والله تخلف حتى عشان تقلل من عيال متخلفين تقومون تشبهونهم بالحريم؟!

ليش إذا جوا يتفلسفون قالوا: «حتى الحرمة أحسن منك، حتى الحرمة تكرم عليك، حتى الحرمة ما تسوي كذا»؟ حسستوني إن الحرمة مخلوق وسخ وقذر، وصاروا يسبّون بعض بالمرأة! صدق قمة الجهل. وبعدين يقولون: ليش الحرمة ما تحترمنا؟ احترموا أنفسكم أول، واعرفوا كيف كان الرسول صلى الله عليه وسلم يعامل النساء ويوصي بهن خيرًا. الحين إذا قلت له: ليش تقول كذا؟ قال: «حطب جهنم»! طيب، الرسول صلى الله عليه وسلم أوصى بالنساء خيرًا، وتجي أنت تستصغرها وتهينها، ثم تستغرب ليش ما تحترمك؟ الاحترام ما يُطلب بالإهانة، والمرأة ما تصير وسيلة تسبّ فيها غيرك المشكله انه ينصح😒

"حتى الحرمة تكرم" يعني وش دخلهم ؟ ليه لازم استحقار للنساء بالكلام

انا خلاص بطلع من ذا الكوكب المقرف .. الحين وش دخل انك تجيب ( النساء ) كـ مثال على نصيحتك المعفىنة ؟ وتسميها ( حرمة ) وتقول تكرم عنك يعني لهالدرجة نساءك اللي عايشين معك تشوفهم جاهلات وناقصات؟ ماني فاهمة يعني جيت بتكحلها عميتها

قسم بالله لو واحد من اولادي مسوي هالهمجيه و متعدي على غيره مهما كان غيره مسوي شي و ما ضره انه ما يدخل البيت و لا يبات فيه علموا اولادكم و بناتكم ان الدين نصيحه و اللي فعلا في قلبه ايمان و منكر هالشي ما يهاجم و لا يفضح بالعكس ينصح باسلوب و يستر و يمشي ادى اللي بينه و بين ربي و الباقي فيه نظام و قانون و محنا عايشين في غابه لكن اتمنى الحكومه ما تقصر فيهم واحد واحد

(الحرمة تكرم عنك )

حتى الحرمه تكرم عنك؟ مسوي ينصح وهو يقلل من جنس اخر لان جنسه سوا غلط مخجل

حتى الحرمه اجل سبحان الله اللسان مغرفة القلب

الحرمه الي تقول عنها (حتى الحرمه تكرم عنك) هي نفسها الي حملت فيك تسع شهور و تغذيت من رحمها و هديت حليها و تعبتها و رضعت منها و خذيت الكالسيوم الي في عضمها،هي نفسها الي تساعدك و تساندك و تربي اولادك ، هي امك و اختك و زوجتك و عمتك و خالتك . ارتقي في ألفاظك .

حتى يوم بغيتو تقولون شي منطقي ويريح القلب خربتوها اجل الحرمة تكرم عنك مدري لمتى مجتمعنا يستحقر المرأة ويدعي بنفس الوقت انها نصف المجتمع

يا حبيبي طقمه متشبه بالنساء، وفي الحديث النبوي لعن الله المتشبهين من الرجال بالنساء

ايش تقصد بحتى الحرمه تكرم عنك لان هذي الافعال ما شفناها إلا من جنس الذكور فعلا النساء مكرمات ولا نحتاج امثالك يعلمنا بمكانه المرأة

ممكن تشتمون بعض ياسبايك بدون لاتدخلون المرآه بمواضيعكم ؟ ذولا انتم وذي اخلاقكم مافي بنات يتجمعون بالشارع يلاحقون وحده ويرمون عليها جزمه ذي بس حركاتكم

فيه نقطه حاب اوضحها ، الرجل الذي خلقه الله رجلاً يعيب عليه ان يفعل افعال النساء المرأة التي خلقها الله انثى يعيب عليها ان تفعل افعال الرجال وكل من الجنسين من يفعل افعال الجنس الآخر هو ملعون بحديث الرسول صلى الله عليه وسلم هنا الفكرة وليس المرأة انها سيئة او انه لاقيمة لها 👍🏻

شخص متشبه بلبس النساء والوانهن وش بيتوقع يعني

"حتى المرأه تكرم عنك" يشوف المرأه اهانه؟؟ تراك طالع من رحمها الله ياخذك تقدر تنتقد فعلهم من غير م تجيب طاري النساء احنا شدخلنا عمى بعينك..

والحرمه وش دخلها ليه تعاملونها كانّها شيء ناقص ؟ إذا جاي ب تنصح أنصح زي الناس ولا كل تراب وأسكت