Mwaka Mmoja Bila Polepole Uraiani, Yuko Wapi Kada Huyu wa CCM, Nani Alimteka? mwanzotv.com/mwaka-mmoja-bil…

CHADEMA WAKINUKISHA SAKATA LA WANACHAMA WAO KUTESEKA KWA UGAIDI GEREZANI, WATOA TAMKO ZITO: youtu.be/yC-vbwLqfTk

#GHANA: WANAWAKE SABA WAKAMATWA KWA KUENDESHA BIASHARA YA 'MONEY BOUQUETS' Mamlaka za Ghana zimewakamata wanawake saba wanaodaiwa kutengeneza maua na keki za mapambo kwa kutumia noti za fedha, huku Benki Kuu ya Ghana ikiongeza msukumo wa msako dhidi ya kile kinachoitwa matumizi mabaya ya sarafu ya taifa. Polisi walifanya ukamataji huo katika maeneo kadhaa jijini Accra Jumatatu, wakilenga desturi inayozidi kushika kasi ya kutoa zawadi zilizotengenezwa kwa fedha katika sherehe za kuzaliwa, harusi na mahafali. Benki Kuu, kupitia tangazo la Julai, ilionya kuwa kutumia noti za cedi kwa mapambo ni kinyume na Sheria ya Sarafu, na kosa hilo linaweza kusababisha faini au kifungo. “Desturi hii ni matumizi yasiyo sahihi ya sarafu na ni uvunjaji wa sheria,” alisema Dinah Bonzi, mkuu wa ofisi ya takwimu katika Idara ya Usimamizi wa Sarafu.

#TANZANIA: CHADEMA WATOA TAMKO WANACHAMA WAO WALIOPEWA KESI YA UGAIDI NA KUTESEKA GEREZANI KWA ZAIDI YA SIKU 106 Naibu Katibu Mkuu wa CHADEMA Bara, Amani Golugwa leo Oktoba 07, 2026 ametoa tamko zito juu ya kesi za ugaidi zinazowakabili wanachama wa chama hicho kwa zaidi ya siku 106 wakiwa gerezani.

#KENYA: 'OBURU AKO PAMOJA NA SISI,' RUTO AVUNJA UKIMYA Rais Ruto awahakikishia wanyeji wa Bondo kuwa Kigogo wa ODM Oburu Oginga bado yuko ila anapokea matibabu. Hayo ni kufuatia taarifa zilizokinzana kuhusu afya yake zikizua wasiwasi miongoni mwa wakenya. ZAIDI: youtu.be/XTRURB1T-SY

#BREAKING: EBOLA KENYA YAKAZA KAMBA MILANGONI,WASAFIRI WA KIGENI KUFANYIWA UKAGUZI WA KIAFYA Kenya imeimarisha ukaguzi wa wasafiri wanaoingia nchini kupitia uwanja wa JKIA kufuatia kuthibitishwa kwa kisa cha kwanza cha Ebola nchini.Wasafiri wanaowasili kutoka mataifa 10 ya Afrika yanayochukuliwa kuwa katika hatari zaidi ya Ebola sasa watatumia Lango la 16 ambako watakaguliwa zaidi kiafya. Mataifa hayo ni DRC, Uganda, Burundi, Rwanda, Ethiopia, Sudan Kusini, Angola, Jamhuri ya Afrika ya Kati, Zambia na Tanzania. ZAIDI: youtu.be/LHL4Vxm36rA

#TANZANIA: MAMBO YA KISIASA, TUMALIZE KISIASA, TUNATAKA UKWELI NA UWAJIBIKAJI, HUWEZI KUUWA WOTE - MWABUKUSI Rais wa Chama cha Wanasheria Tanganyika (TLS), Wakili Boniface Mwabukusi leo Oktoba 07, 2026 akizungumza kayika baraza la vyama vya siasa lililofanyika jijini Dar Es salaam ametoa mapendekezo ya kuanzishwa kwa kamati maalum chini ya sheria ya vyama vya siasa itakayoshughulikia makosa na migogoro inayotokana na masuala ya kisiasa. Mwabukusi amesema masuala ya kisiasa yana mazingira na lugha yake, hivyo yanapaswa kushughulikiwa kwa kuzingatia muktadha huo kabla ya kupelekwa katika mifumo mingine. Aidha, Mwabukusi amesisitiza umuhimu wa vyama vya siasa kuvumiliana licha ya tofauti zao, akieleza kuwa siasa zinahitaji nafasi kwa watu wenye mitazamo tofauti kuishi, kujadiliana na kutafuta suluhu kwa njia ya mazungumzo. Zaidi: youtu.be/drd9y5KrsCs

MWABUKUSI AANZISHA TIMBWILI MBELE YA KABUDI NA MSAJILI WA VYAMA, "TUNATAKA UKWELI NA UWAJIBIKAJI, HUWEZI KUUWA WOTE": youtu.be/drd9y5KrsCs

#TANZANIA: SERIKALI YAANZA KUTOA LESENI ZA UFUNDISHAJI KWA WALIMU NCHINI Wizara ya Elimu, Sayansi na Teknolojia imetangaza kuwa Serikali kupitia Bodi ya Taaluma ya Ualimu Tanzania (TTPC) imeanza rasmi kuratibu na kutoa leseni za kufundisha kwa walimu nchini. Kulingana na Waziri wa Elimu, Sayansi na Teknolojia, Profesa Adolf Mkenda, leseni hizo zinalenga kuongeza thamani, heshima na nidhamu katika taaluma ya ualimu. Vile vile Profesa Mkenda amesema kuwa serikali inatazamia kuhakikisha kila anayefundisha anatimiza vigezo vinavyotambuliwa na sheria nchini Tanzania.

#KENYA: HOFU YA MLIPUKO MKALI WA EBOLA KENYA, WATU 10 KARANTINI! Hofu ya mlipuko wa Ebola umetanda nchini Kenya baada ya Wizara ya afya kutangaza kifo cha kwanza cha Ugonjwa huo hatari siku ya Jumanne. ZAIDI: youtu.be/fCX5MFTSYK8

#TANZANIA: THRDC YATAKA WAFANYAKAZI WA PWC WALIOZUIWA ARUSHA KUACHIWA Mtandao wa Watetezi wa Haki za Binadamu Tanzania (THRDC) leo Oktoba 07, 2026 umeeleza kusikitishwa na kukamatwa kwa wafanyakazi watatu wa Baraza la Wanawake Wafugaji (PWC), shirika lisilo la kiserikali linalofanya kazi jijini Arusha. Kwa mujibu wa taarifa iliyotolewa na THRDC, wafanyakazi hao walikamatwa na Polisi Oktoba 06, 2026. Waliotajwa ni Thadeus Clamian, Nangei Meitaya na Ezekiel Kishau, pamoja na Salangat Makko, ambaye kwa mujibu wa taarifa hiyo si mfanyakazi wa PWC. THRDC imesema taarifa ilizopokea zinaeleza kuwa waliokamatwa wanatuhumiwa kupanga maandamano kwa ajili ya wabunge wa Umoja wa Mabunge Duniani (IPU). Aidha, shirika hilo limesema limepokea taarifa kwamba Polisi wameendelea kuwatafuta wafanyakazi wengine wa PWC, huku baadhi yao wakidaiwa kufuatiliwa hadi majumbani mwao nyakati mbalimbali wakati mwingine wanafuatiliwa hadi nyakati za usiku. Taarifa hiyo pia inasema kuwa Oktoba 05, 2026 Polisi walifanya upekuzi katika moja ya makazi ya mfanyakazi wa PWC wakati wa usiku, bila kueleza sababu za upekuzi huo, jambo ambalo THRDC imesema limeongeza hofu na wasiwasi miongoni mwa wafanyakazi wa PWC, familia zao na mashirika jijini Arusha. Pia, THRDC imesema imewaelekeza Mawakili Simon Mbwambo na Ally Mhyellah kufuatilia suala hilo katika Kituo cha Polisi Kati, Arusha kwa ajili ya kutoa msaada wa kisheria kwa waliokamatwa. Kwa upande mwingine, Wakili Lairumbe anaendelea kufuatilia suala hilo kwa niaba ya PWC. Aidha, THRDC imezitaka mamlaka za Polisi kuwaachia wafanyakazi hao bila masharti, ikidai kuwa hakuna shirika mwanachama wa mtandao huo linaloratibu maandamano. Pia, imeitaka Polisi kuhakikisha kuwa wafanyakazi wote waliokamatwa wanapewa fursa ya kuwasiliana na Mawakili pamoja na familia zao. Taarifa hiyo imetolewa na Wakili Onesmo Olengurumwa, Mratibu wa Kitaifa wa THRDC.

#ISRAEL: ISRAEL YAANZISHA OPERESHENI KUBWA YA KIJESHI BAADA YA SHAMBULIZI LA HAMAS Israel imeanzisha operesheni kubwa ya kijeshi katika Ukanda wa Gaza kufuatia shambulizi la Hamas la tarehe 7 Oktoba 2023, hatua ambayo imegeuka kuwa janga la kibinadamu kwa wakazi wa eneo hilo. Kwa mujibu wa Wizara ya Afya ya Gaza, zaidi ya 74,200 wamefariki dunia tangu mashambulizi ya Israel kuanza, huku Umoja wa Mataifa ukionya kuwa mahitaji ya kibinadamu yamefikia kiwango cha dharura – wananchi wakikabiliwa na uhaba wa maji safi, chakula na dawa. Ripoti ya OCHA inabainisha kuwa karibu asilimia 80 ya majengo yote Gaza yameharibiwa au kuathiriwa, na zaidi ya watu milioni 1.9 wamelazimika kuhama makazi yao. Takribani milioni 1.2 kwa sasa wanaishi kwenye mahema na makazi ya muda, wengi wakiwa wamehama mara kadhaa. Ingawa makubaliano ya kusitisha mapigano yalitangazwa Oktoba mwaka jana, mashambulizi ya anga na operesheni za ardhini bado yameripotiwa kuendelea katika maeneo yenye wakazi wengi, hali inayoongeza hofu ya maafa mapya.

#BREAKING: KENYA YAWATAMBUA WATU 57 WALIOGUSANA NA MGONJWA WA KWANZA WA EBOLA ALIYEFARIKI DUNI Serikali ya Kenya imetangaza kuwa watu 57 waliogusana na mgonjwa wa kwanza wa Ebola nchini wametambuliwa, huku 10 kati yao wakiwekwa karantini kwa ufuatiliaji wa karibu. Katibu Mkuu wa Afya ya Umma na Viwango vya Kitaalamu, Mary Muthoni, amesema idadi ya waliogusana au kutangamana na mgonjwa huenda ikaongezeka kadri uchunguzi unavyoendelea. Amesisitiza kuwa maafisa wa afya kote nchini wamepewa tahadhari ya haraka ili kuhakikisha visa vinavyoshukiwa vinatambuliwa na kushughulikiwa bila kuchelewa. Kenya hata hivyo imeweka wazi kuwa haina mlipuko wa ndani, bali ni kisa kilicholetwa nchini ambacho kinachunguzwa kwa ukaribu. Kwa upande wake, Mkurugenzi Mkuu wa Afya Dkt. Patrick Amoth amesema mfumo wa afya uko tayari kushughulikia hali yoyote mpya, na vituo vya ziada vimeandaliwa iwapo vitahitajika.

#KENYA: RAIS RUTO AAMURU UCHUNGUZI WA KINA WA HALI YA EBOLA BAADA YA KIFO CHA KWANZA Rais William Ruto ameagiza Baraza la Kitaifa la Usalama kufanya mapitio ya kina kuhusu hali ya Ebola nchini na kuwasilisha mapendekezo ya hatua mpya za kudhibiti ugonjwa huo, kufuatia kifo cha Mkenya aliyethibitishwa kuwa na virusi vya Bundibugyo. Marehemu, raia wa Kenya, aliyerejea kutoka Jamhuri ya Kidemokrasia ya Kongo (DRC) kupitia Uganda, aligunduliwa na virusi hivyo na kufariki muda mfupi baada ya kuwasili Nairobi. Kwa sasa, hakuna visa vipya vilivyothibitishwa, ingawa abiria 27 waliokuwa kwenye ndege kutoka Kampala hadi Nairobi wametambuliwa na kuwasiliana na maafisa wa afya kwa ajili ya ufuatiliaji. Zaidi ya hapo, wanafamilia wanane wa marehemu pamoja na wahudumu 21 wa afya waliomhudumia wamewekwa karantini na wanafuatiliwa kwa siku 21 ili kubaini iwapo dalili za ugonjwa zitajitokeza. Mamlaka za afya zimesisitiza kuwa hatua za kudhibiti na kufuatilia maambukizi zinaendelea, huku wananchi wakihimizwa kudumisha utulivu na kufuata ushauri wa wataalamu wa afya.

#KENYA: UBALOZI WA MAREKANI WATOA TAHADHARI YA AFYA BAADA YA KENYA KUTHIBITISHA KESI YA KWANZA YA EBOLA Ubalozi wa Marekani jijini Nairobi umetangaza tahadhari kali ya kiafya baada ya Kenya kuthibitisha kesi ya kwanza ya virusi vya Ebola. Hii inafuatia taaarifa iliyotoa Wizara ya Afya nchini humo kuhusu kesi ya kwanza ya Ebola, ikimtambulisha Mkenya aliyerejea kutoka Jamhuri ya Kidemokrasia ya Kongo (DRC) kama mgonjwa husika. Msafiri huyo alivuka kuingia Uganda kwa barabara kabla ya kupanda ndege ya Jambojet namba JM8523 kuelekea jijini Nairobi Oktoba 3, hatua iliyosababisha operesheni ya dharura ya ufuatiliaji wa waliokaribiana naye, ikiwalenga abiria wenzake, familia na wahudumu wa afya. Kwa mujibu wa Shirika la Afya Duniani (WHO), mgonjwa alianza kuugua akiwa DRC na alitibiwa katika vituo kadhaa kabla ya kusafiri kupitia Beni hadi Kampala Oktoba 2, kisha kuwasili katika Uwanja wa Ndege wa Kimataifa wa Jomo Kenyatta. Mamlaka za Kenya zilitangaza kesi hiyo Oktoba 6 na kuanzisha hatua za dharura za ufuatiliaji na uchunguzi, huku tahadhari ya ubalozi ikionyesha wasiwasi wa kimataifa kuhusu maambukizi ya mipakani.

#UGANDA: Magazetini Leo... DailyMonitor, New Vision, Bukedde Jumatano Oktoba 7, 2026

#KENYA: Magazetini Leo Taifa Leo, Daily Nation, The Standard, People Daily Jumatano Oktoba 7, 2026

#TANZANIA: Magazetini Leo... The Citizen, Mwananchi, Mwanaspoti Jumatano, Oktoba 7, 2026