ఈ నెల గుండుసూది మ్యాగజైన్ లో కంటెంట్ అదిరిపోతుంది.. తెలుగులో రాజకీయ విశ్లేషణల ఏకైక మాసపత్రిక..! చదవండి, చదివించండి.. రాజకీయాల్లో, పరిపాలనలో జవాబుదారీతనం, పారదర్శకత కోసం....!! కాంటాక్ట్: 9391335993 (Only WhatsApp) లేదా 7207071231 (Only WhatsApp) #Gundusoodhi #GundusoodhiPINN

మున్సిపల్ చైర్మన్ సీట్లుపై.. మొత్తం 90 ఉన్నాయి. జనసేన డిమాండ్: 25 వరకు ఉందని, కీలక నాయకుడి ద్వారా సోర్స్!! తణుకు, తాడేపల్లిగూడెం, భీమవరం, నరసాపురం సహా గోదావరి జిల్లాల్లోనే 12, సీమలో 3, ఉత్తరాంధ్రలో 2, ఇతర చోట్ల మిగిలినవి కలిపి ఇలా మొత్తం 25 ఆశిస్తున్నారు! బీజేపీ 4 లేదా 5 ఆశిస్తున్నారు!! సుప్రీమ్ కోర్టులో బీసీ రిజర్వేషన్ల తీర్పు వచ్చే నాటికి వీళ్ల సీట్ల పంపిణీ ప్రక్రియ పూర్తి కావచ్చు!!

ఈ మధ్య వచ్చిన సర్వేలు.. ఎమ్మెల్యేల పనితీరుపై మదింపు రేటింగులు, పోస్టింగులు.. నాకు తెలిసి అవి “ఆఫీస్ టేబుల్ మేడ్ రిపోర్టు”లే.. క్షేత్రస్థాయిలో తిరిగి అధ్యయనం చేసినవి కాదు!! ఆ జిల్లాల్లో వారికి తెలిసిన ఒకరిద్దరికి ఫోన్లు చేసి.. లేదా అక్కడక్కడా సోషల్ మీడియాల్లో వస్తున్న వార్తలను చూసి.. లేదా వారికి లొంగిన వారికి ఒక తరహా, వారికి లొంగని వారికి మరో తరహా ర్యాంకులు, రేటింగులు ఇస్తూ కేవలం ‘పొలిటికల్ బిజినెస్’ కోసం ఇచ్చిన ర్యాంకులే తప్ప క్షేత్రస్థాయి వాస్తవాలకు దగ్గరగా లేవు!! ఇది కొందరు అన్ ప్రొఫెషనల్ సెఫాలజిస్టులు రుచి మరిగిన పొలిటికల్ బిజినెస్ ట్రిక్.. అవి చూసిన ఎమ్మెల్యేలు కంగారుతో వారి దారిలోకి వస్తారని, బిజినెస్ ఆఫర్లు ఇస్తారని దూరా/దురాలోచనతో వేసిన పోస్టింగులే అవి!! నోట్: ఇది నా వ్యక్తిగత అభిప్రాయం మాత్రమే.. ఎవరినీ ఉద్దేశించినది కాదు!

ఫోటో 1: 2019 ఎన్నికల్లో సాయంత్రం 5 గంటలు పూర్తయ్యే సరికి మొత్తం పోలింగ్ - 65.96%!! ఫోటో 3: అదే 2019 ఎన్నికల్లో పోలింగ్ మొత్తం పూర్తయ్యే సరికి మొత్తం పోలింగ్ 80.39% (పోస్టల్ బ్యాలెట్ తో కలిపి) అంటే 2019 ఎన్నికల్లో సాయంత్రం నుండి అర్ధరాత్రి వరకు 14% ఓటింగ్ పెరిగినట్టే కదా..!??? ఫోటో 2: 2024 ఎన్నికల్లో సాయంత్రం 5 గంటలయ్యే సరికి 68.04% పోలింగ్ అంటూ నేషనల్ మీడియాలో వచ్చింది.. ఈసీ ప్రకటించింది! ఫోటో 4: 2024 ఎన్నికల్లో మొత్తం పోలింగ్ పూర్తయ్యే సరికి 81.87% పోలింగ్ నమోదయ్యింది (పోస్టల్ బ్యాలెట్ తో కలిపి) అంటే సాయంత్రం నుండి అర్ధరాత్రి వరకు 13.8% పైగా పోలింగ్ జరిగిందనే కదా...!! చూశారుగా గడిచిన రెండు ఎన్నికల లెక్కలు.. మరి 2019 లో లేవని నోర్లు 2024 నుండి లేస్తున్నాయే..!?? అప్పుడు మాట్లాడని మేధావులు ఇప్పుడు రెచ్చిపోతున్నారే..!? గడిచిన రెండు ఎన్నికల్లో ఆంధ్రప్రదేశ్ ప్రజల తీర్పు ఏకపక్షం.. అందుకే అర్ధరాత్రి వరకు క్యూలో నిలబడి ఎంత ఆలస్యమయినా ఓట్లేశారు! అనవసర రాద్ధాంతం, అనవసర గొడవ మానేసి ఓటమికి కారణాలు ఒప్పుకుని, తప్పులు దిద్దుకుని, అవసరమైన మార్పులు చేసుకుని, వీలైతే ప్రజల ముందు తలవంచి.. 2029 కి సిద్ధమైతే ఏ మూలనో అవకాశం ఉండొచ్చు.. లేకపోతే ఎవ్వడూ బాగు చేయలేడు..!! వితండవాదం, అనవసర లెక్కలు, మీడియా ఫోకస్ కోసం మాట్లాడే మేధావుల తోకలు పట్టుకుని ఈదితే ఉపయోగం ఉండదు!! #APPolitics #YSRCP #GundusoodhiPINN

పెద్దలు పూజ్యులు గౌరవనీయులు అపర మేధావులు జ్ఞానులు అయిన శ్రీ శ్రీ శ్రీ పరకాల ప్రభాకర్ గారు.. అంతకు మించిన ప్రపంచ జ్ఞాని అయిన శ్రీశ్రీశ్రీ ప్రకాష్ రాజ్ గారు.. ఈ ఇద్దరికీ 2024 ఎన్నికలపై అనుమానాలు ఉన్నయట!! ఎన్నికల రోజు పోలింగ్ జరిగిన తీరు.. అర్ధరాత్రి దాటి మూడో జాము వరకు.. అంటే 3 గంటల వరకు జనం క్యూలో నిలబడి ఓట్లు వేసిన తీరు.. సాయంత్రం 6 దాటాక కూడా 4 వేలకు పైగా పోలింగ్ బూతుల్లో వేలాది మంది ఓటర్లు క్యూలో నిలబడిన తీరు.. వారి ఒక్క ఓటు వేయడానికి అమెరికా, కెనడా, లండన్ నుండి కూడా లక్షలు ఖర్చు చేసి వేలాది మంది వచ్చిన తీరు.. ఉదయం ఎండ కారణంగా సాయంత్రం 4 దాటాక పోలింగ్ బూతులకు వెళ్లి క్యూలో నిలబడిన తీరు.. ఓవరాల్ గా ఆరోజు ఎన్నికలు జనం ఓటెత్తి పోలింగ్ జరిగిన తీరు.. ప్రత్యక్షంగా చూడకుండా.. అప్పుడు ఏసీ గదుల్లో సేదతీరుతూ ఇప్పుడు మీడియా ఫోకస్ కోసం.. సంచలనం కోసం.. న్యూస్ ఐటమ్ కోసం.. ఒక నాయకుడి మెప్పు కోసం.. ఒక పార్టీ ఆదరణ కోసం ఇలా మాట్లాడడం ఏ జ్ఞానం కోవకు చెందుతుందో..!! @prakashraaj @parakala #GundusoodhiPINN #JournalistSrinivasManem

కానీ ఇక్కడి పాలకులు.. నాయకులు.. ప్రభుత్వాలు డబ్బులిచ్చి మరీ డబ్బా కొట్టించుకుంటున్నాయి.. అది చాలదన్నట్టు ప్రజాధనం కూడా ఇవ్వడానికి కొత్త పాలసీ తీసుకొస్తున్నారు!!

నాని నీ కష్టం వృథా..! నీ శ్రమ, నీ పట్టుదల, నిన్ను నువ్వు మలుచుకున్న తీరు చూస్తే సినిమా బాగుంటే, బాగుండేది అనిపించింది!! తమ అణగారిన జాతికి ఉనికి కోసం పోరాడే ఓ హీరో.. అది దక్కకూడదని అడ్డుకునే ఓ బలమైన విలన్! దీనిలో కథ పాయింట్ చిన్నదే అయినప్పటికీ.. చాలా బలంగా, భావోద్వేగాలతో తీయవచ్చు! కానీ.. ఫస్ట్ హాఫ్ వరకు బాగున్నా.., సెకండ్ హాఫ్ మొత్తం స్క్రీన్ ప్లే దెబ్బ కొట్టారు.. కొన్ని సీన్లు అనవసరం, అంత హింస అనవసరం, ఎడిటింగ్ బాలేదు, సెకండ్ హాఫ్ స్టార్టింగ్ లో మోహన్ బాబు పాత్రకు అంత హైప్ ఇచ్చి.., తర్వాత నీరసించేలా చేశారు! చివరి గంట సినిమా బాగా పడుకోబెట్టారు..! శ్రీకాంత్ ఓదెలకు టైమ్ సరిపోలేదా..!? ఎడిటింగ్ చూసుకోలేదా..!? స్క్రీన్ ప్లే సరిగా రాసుకోలేదా..!? అసలు ఎమోషనల్ సీన్లు ఎని వర్కవుట్ కాలేదు!! సెకండ్ హాఫ్ చాలా పెద్ద దెబ్బ!! #TheParedise @NameisNani @odela_srikanth #GundusoodhiPINN

సోషల్ మీడియా పాలసీ: ప్రభుత్వ కార్యక్రమాలను భజన చేయడానికి, అనుకూల ప్రచారానికి ప్రజాధనం ఖర్చుకి ఈరోజు మంత్రివర్గం ఆమోదించడం వృథా ప్రయాస!! పార్టీల పరంగా.. & కొంత కీలక నాయకులు సొంతంగా కూడా ఇప్పటికే సోషల్ మీడియా భజన బృందాన్ని పెట్టేసుకున్నారు! అదే భజన ప్రభుత్వ సొమ్ముతో చేయబోతున్నారు..!! ఇది ముమ్మాటికీ డబ్బు వృథా & నిష్ప్రయోజనం! గత ప్రభుత్వం ఏపీ డిజిటల్ కార్పొరేషన్ పేరిట వందల కోట్లు ఆ పార్టీ సోషల్ మీడియా టీమ్ కోసం ఖర్చు చేశారు.. ఇప్పుడు వీళ్లు రెండు అడుగులు ముందుకేసి డైరెక్ట్ గా ఒప్పందాలు కుదుర్చుకుంటున్నారు!! ప్రభుత్వాల మంచి, చెడు డిసైడ్ చేసేది ప్రజల మౌత్ టాక్ మాత్రమే.. ఆ మౌత్ టాక్ పరిపాలన, పనితీరు, ఎమ్మెల్యేల తీరు, అభివృద్ధి, అవినీతి, వివాదాలు ఆధారంగా ప్రజల్లో నడుస్తుంటుంది.. ప్రాక్టికల్ గా చెప్పుకోవాలి అంటే దీన్ని ఏ ఇన్ఫ్లుయెన్సర్ కూడా మార్చలేడు!! ఇన్ఫ్లుయెన్సర్ చెప్పేది జనం మైండ్ లో ఆలోచనగా ఉంటే ‘నిజమే కదా’ అని ఒప్పుకుంటారు.. వీళ్లు చెప్పేది జనం ఆలోచనలకు విరుద్ధంగా ఉంటే ఎంత రుద్దినా ‘వీళ్లు డబ్బు తీసుకుని భజన చేస్తున్నారు’ అనుకుని చూడడం మానేస్తారు!! ఒక సోషల్ మీడియా జర్నలిస్టుగా, రోజుకి 8 - 10 లక్షలకు పైగా వ్యూస్ వస్తున్న ఛానెల్స్ నిర్వాహకుడిగా ఇటువంటి ప్రయత్నాలకు నేను విరుద్ధం.. ప్రజాధనం బొక్క తప్ప అధికార పార్టీలకు లభించేది సున్నా!! #GundusoodhiPINN #GundusoodhiSrinivas #JournalistSrinivas

ఒక కథ చెప్తా చూసి, మొత్తం చదివి సారాంశం (నీతి, న్యాయం) చెప్పండి! అనగనగా ఒక కుర్రాడు.. వయసు 30 దగ్గరలో ఉండొచ్చు! ఒక గ్రామంలో వాలంటీరుగా ఉద్యోగం చేసేవాడు.. ఆ సందర్భంలో సంక్షేమ పథకాల లబ్ధిదారుల ఎంపికలో ప్రత్యక్షంగానో, పరోక్షంగానో తన పాత్ర ఉండేది కదా..! ఆ గ్రామంలో అప్పుడే భర్త చనిపోయిన ఓ వితంతు మహిళ పింఛను మంజూరు చేయాలని ఆ కుర్రాడు దగ్గరకు వెళ్లి అడిగింది.. ఆ కుర్రాడు మంజూరు చేస్తే నాకేం లాభం..!? అని పరోక్షంగా తన శారీరక అవసరం తీర్చమని అడిగి, ఆమెను ఎలాగోలా ఒప్పించి, ఆమెతో ఉంటూ, పింఛను కూడా మంజూరు చేయించాడు!! ప్రభుత్వం పోయింది.. ఆ కుర్రాడి ఉద్యోగం కూడా పోయింది.. ఈ లోగా ఈ కుర్రాడి వలలో ఉన్న వితంతు మహిళతో ఏకాంతంగా ఉన్న కొన్ని ఫోటోలు, రికార్డులు తన దగ్గర పెట్టుకున్నాడు.. అవి చూపించి బెదిరిస్తూ.. ఓ వైపు శారీరక అవసరం తీర్చుకుంటూ, మరోవైపు ఆమె దగ్గర డబ్బులు కూడా అడపాదడపా తీసుకునేవాడు.. ఈ క్రమంలోనే దాదాపు రూ. లక్షన్నర వరకు ఆమె చెల్లించుకుంది.. భర్త లేడు, రోజు కూలీ చేసుకుంటూ, పింఛను డబ్బులతో నెట్టుకొస్తున్న ఆమె దగ్గర ఈ కుర్రాడు ఇంతగా వసూలు చేయడం.. తిరిగి మళ్లీ మళ్లీ బెదిరించడంతో ఆ మహిళ విసిగిపోయి గ్రామంలో ప్రస్తుత అధికార పార్టీ పెద్దలకు ఫిర్యాదు చేసింది! కానీ పరువు భయంతో పోలీసులకు ఫిర్యాదు చేయలేదు!! ఆ పెద్దలులో ఒకాయన పూర్వాపరాలు, మంచీచెడులు ఆలోచించకుండా వెంటనే ఆ కుర్రాడికి ఫోన్ చేసి చెడామడా బూతులు తిట్టేశారు.. ఆ కుర్రాడిని కులం పేరుతో చెప్పుకోలేని విధంగా, దారుణంగా తిట్టాడు! ఆ మొత్తం కాల్ వాయిస్ రికార్డు చేసుకున్న కుర్రాడు “తనను కులం పేరుతో దూషించారు” అంటూ ఫిర్యాదు చేశాడు.. పోలీసులు అట్రాసిటీ కేసు నమోదు చేశారు! ఇప్పుడు చెప్పండి తప్పెవరిది..!? నైతికంగా తప్పు, చట్టపరంగా తప్పు, మానవీయంగా తప్పు ఇలా చాలా రకాలుగా తప్పులను నిర్ధారించవచ్చు.. సో, ఈ కథలో నీతి, న్యాయం ఏమిటో ఎవరికి తోచింది వారు చెప్పొచ్చు!! (ఇది కథగా చూస్తే కథ, జరిగింది అంటే జరిగిందే, నేనైతే కథ అనే అంటాను) #GunduSoodhi #GundusoodhiPINN #JournalistSrinivas #GundusoodhiSrinivas

ఒక తీర ప్రాంత గ్రామం.. ఊరు ఒకటే, కులం ఒకటే, వృత్తి ఒకటే.. కానీ వర్గాలు వేరు! ఆ వేర్వేరు వర్గాల మధ్య జరిగే పోటీనే ప్రేమ, ఘర్షణ, భావోద్వేగాలు కలిసిన కథగా రాసుకుని.. అద్భుతమైన సినిమా అందించారు దర్శకుడు Mathi Maran! కథ ఊహించినదే అయినప్పటికీ.. ముందు రానున్న సీన్లు ఊహకు అందినవే అయినప్పటికీ.. స్రీన్ మీద చూపించిన తీరు.. సూరి, సుహాస్, మహిమా నంబియార్, సత్యరాజ్ వంటి నటుల సహజ నటన.. ఇంటర్వెల్ కు ముందు పడవ పోటీ మెదడులో ఒక ఉద్వేగాన్ని రగిల్చితే.. క్లైమాక్స్ లో జరిగే పోటీ ఆద్యంతం నరనరాన్ని బిగపట్టి చూసేలా కట్టి పడేస్తుంది!! చిన్న సినిమా, సింపుల్ కథ, సాధారణ నటులే.. కానీ మంచి సినిమా అందించారు, బాగా తీశారు మండాడి ✍️✍️✍️👍👍 @sooriofficial @mathimaran

అప్పటికే ఆరునెలల కిందట జరిగిన పట్టభధ్రుల ఎమ్మెల్సీ ఎన్నికల్లో స్పష్టమైన వ్యతిరేక తీర్పు వచ్చింది..! బలమైన రాయలసీమ ప్రాంతాల్లో కూడా ఓట్లు పడలేదు! అప్రమత్తమై, తప్పులను సరిదిద్దుకోవాల్సిన పార్టీ “మా ఓట్లు వేరే ఉన్నాయి” అంటూ సర్దిచెప్పుకుంది!! ఆ వ్యతిరేకత పెరిగి పెద్దదవుతున్న ఉన్న దశలో ఓ అరెస్టు మొత్తం ఆ పార్టీని పతనానికి చేర్చింది.. వ్యతిరేకులను రోడ్డెక్కించింది.. ప్రత్యర్థుల్లో కసి పెంచింది.. సామాన్యులను మేల్కొలిపింది.. ఆ ఫలితమే కనీసం గౌరవ ప్రదమైన ప్రతిపక్షం కూడా దక్కకపోవడం! ఓడాక కూడా ఇప్పటికీ ఈవీఎంల వలనే అనుకోవడం, తప్పులను తెలుసుకుని సరిదిద్దే ప్రయత్నం మొదలు పెట్టకపోవడం వారికి పట్టిన రాజకీయ దౌర్భాగ్యం!! #gundusoodhi #GundusoodhiPINN #JournalistSrinivasManem

రాజకీయం అంటేనే మోసం.. నాయకులు మోసగాళ్లు అనేది అందుకే! ఎవరైనా, ఏ పార్టీ అయినా అంతే....!! ఈ చిన్న శ్రీను గారు జగన్ గారికి అత్యంత సన్నిహితుడు.. బాగా నమ్మిన బంటు! అందుకే వైసీపీ హయాంలో ఈయనకు ఉత్తరాంధ్ర జిల్లాల మద్యం రవాణా కాంట్రాక్టు ఇచ్చారు! అదే కేసులో కారుమూరి తండ్రీకొడుకులు అరెస్ట్ అయ్యారు, ఈయన ఇప్పుడు అధికార పార్టీలోకి మారబోతున్నారు!! టీడీపీ మీద అభిమానంతో ఈ చేరిక జరగడం లేదన్నది వాస్తవం.. పదవి, పవర్ కోసమే ఈ మార్పులు!! బహుశా వీరి కుటుంబ సభ్యులకు విజయనగరం మేయర్ లేదా జెడ్పీ చైర్మన్ పదవి ఇవ్వవచ్చు 👍👍

అంతర్యుద్ధం.. అంతర్గత యుద్ధం.. అంతర్లీన యుద్ధం.. అనవసర యుద్ధం.. ఒకరిది అవకాశవాదం.. మరొకరిది ఆత్మాభిమానం! ఇప్పటికి ఇంతే.. కాలం అన్నిటికీ సమాధానం చెప్తుంది లేదా సర్దుబాటు చేస్తుంది!!

ఎవరేమన్నా.. నీ నవ్వు.. నీ రాజకీయం.. నీ చమత్కారం.. నీ పలకరింపు.. నీ మంచితనం.. నీ కర్కశత్వం.. నీలా పెట్టే గుణం.. నీలా కొట్టే తత్వం.. నీ నటన.. నీ నాయకత్వం ఎవరికీ రాదు పెద్దయ్య!!👍🙏 నీ మరణం కొందరు అనర్హులను అందలం ఎక్కించింది.. నీ మరణం కొందరు మూర్ఖులను ముఖ్యమంత్రులను చేసింది.. నీ మరణం తెలుగు రాష్ట్రాలను విడగొట్టింది.. నీ మరణం సరైన సమ ఉజ్జీల నాయకత్వం లేకుండా చేసింది!! నీ మరణం రాజకీయాల్లో విలువలను చంపేసింది!! ఒకే ఒక్క విషయంలో తప్ప ఇంక అన్ని విషయాల్లో నువ్వు నిజంగా మహానుభావుడివే పెద్దాయన!! #JoharYSR #YSRajasekharReddy #YSRCP @YSRCParty #YSRLivesOn #Gundusoodhi #GundusoodhiPINN

ఆరడుగుల ఆజానుబాహుడు కాకపోవచ్చు!! బాలీవుడ్డు హీరోలంత అంత తెల్లతోలు లేకపోవచ్చు..! నవరసాలు ఒలికించేసే బీభత్సమైన నటుడవ్వకపోవచ్చు! కానీ.. తెరపై కనిపిస్తే కుర్రకారు పూనకాలు.. జనం ముందుకు వస్తే ఉబికే ఉప్పెనలు.. నరనరాన్ని కదిలించి వ్యసనమయ్యే వ్యాఖ్యానాలు! ఆవేశంగా మాట్లాడినప్పుడు ఓ ఉత్ప్రేరకం.. ఆలోచనలు, ఆశయాల్లో ఓ మార్గదర్శనం.. ఎర్రతుండు మెడలో వేసినప్పుడు ఎరుపెక్కిన కిరణం.. ఆలోచించినా.., ఆవేశపడినా.., ఆక్రోషించినా.., అలిగినా.., అసమ్మతి చూపినా.., అసంతృప్తి లేవనెత్తినా ఓ లెక్కతో వ్యవహరించే ఓ ప్రత్యేక రాజకీయ నాయకుడు!! కాకపోతే నా వరకు ఆయన విషయంలో ఒక్కటే అభ్యంతరం విపరీతమైన లెఫ్ట్ భావజాలం ఉన్న వ్యక్తి.. ఓ మహాశక్తి.. అవసరం కోసం.. అవకాశం కోసం రైట్ భావజాలానికి ఎందుకు మారాడా..!? అనేదే!! Happy Birthday Andhra Pradesh DCM Sri @PawanKalyan Gaaru @JanaSenaParty #Gundusoodhi #GundusoodhiPINN