MAHAKAMA KUU KUTOA UAMUZI KESHO KESI YA MAOMBI YA SAID ISSA MOHAMED DHIDI YA CHADEMA. Kesho tarehe 8 Oktoba 2026 Mahakama Kuu ya Tanzania, Masjala Ndogo ya Dar es Salaam itatoa Uamuzi juu ya Maombi ya Zuio katika Maombi Madogo Namba 14864 ya 2026 baina ya Said Issa Mohamed & Ahmed Rashid Khamis dhidi ya Registered Trustees of Chama cha Demokrasia na Maendeleo & Secretary General of Chama cha Demokrasia na Maendeleo (CHADEMA) mnamo saa 8 na Nusu Mchana. Wanachama na viongozi mnaombwa kufika kwa wingi kusikiliza uamuzi huo. Haya ni maombi mengine ambapo waombaji wanaomba Mahakama kuu kufungia Chama kwa Mara nyingine tena.

Leo viongozi na wanachama 17 wakiongozwa na Katibu wa Kanda ya Serengeti Jackson Rashid Mnyawami wamepandishwa kizimbani, Mahakama ya Hakimu mkazi wa Mkoa wa Shinyanga dhidi ya mashitaka ya Ugaidi yanayowakabili. Mashauri ya leo ni pamoja na Economic case namba 16506/2026 inayomkabili Jackson Rashid Mnyawami, Mashauri mengine ni Economic Case No. 16503/2026, inayomkabili Jackson Venant Kabyeseleza, Economic Case No. 16504/2026 Inayomkabili Edwin Otieno Ongito na wenzake 8, Economic Case No. 16505/2026, inayomkabili Daniel Emanuel Athuman , Economic case namba 16506/2026 inayomkabili Laurent na wenzake 4.

Makamu mwenyekiti Bara @HecheJohn aliwasili kwenye mkutano wa hadhara jana pale Bunda kwa hamasa hiyo. Kazi ya Bunda ilikuwa nzuri.

KESI ZA LEO SEPTEMBER 25, 2026 DHIDI YA WANACHAMA NA VIONGOZI WA CHADEMA NCHINI: September 25, viongozi wenzetu na wanachama watakuwa na mashauri yafuatayo kwenye mahakama mbalimbali hapa nchini. 1. Dsm, criminal session No 19605/2026 shauri la Uhaini dhidi ya Mwenyekiti wa Chama Taifa, Mhe Lissu litaendelea ambapo Mhe Lissu anaendelea na kuwasilisha majumuisho ya hoja za mwisho. 2. Mkoani Morogoro, mwanachama Lucy simon shayo atakuwa mahakama kuu kwenye shauri la marejeo namba 12322/2026 ambalo litakuja kwa hatua ya kusomwa uamuzi. 3. Mkoani Shinyanga, Mahakama ya Hakimu Mkazi mkoa wa Shinyanga itataja shauri namba 16506/2026, Jamhuri dhidi ya Jackson Rashid Mnyawami. (Ikumbukwe kuwa Jackson Mnyawami ni Katibu wa Chadema Kanda ya Serengeti ) Mashauri mengine (04) yatakayotajwa leo dhidi ya wanachama ni pamoja na shauri namba 16503/2926 Jamhuri dhidi ya Jackson Venant Kabyeseleza, Shauri Na. 16505 Jamhuri dhidi ya Daniel Emanuel Athuman, Shauri Na. 16504/2026 Edwin Otieno Ongito na wenzake 8 na shauri namba 16506/2026 Jamhuri dhidi ya Godwine Laurent na wenzake 4. Ukiacha Lucy Shayo, watuhumiwa wengine wote wanaletwa mahakamani wakitokea Magereza kwa kuwa makosa waliyopewa hayana dhamana kisheria. Viongozi na wanachama waliopandishwa kizimbani leo ni 19.

Orodha hii ni kesi kuanzisa kesho jumatatu tarehe 21 hadi Ijumaa tarehe 25/09/2026. Kila mwisho wa week nitakuwa naweka hapa orodha ya kesi dhidi ya viongozi ma wanachama wa CHADEMA zinazotarajiwa kuendelea Mahakamani nchini nzima. Ukiona kuna kesi dhidi ya kamanda wetu eneo lako, panga siku hiyo kuungana naye mahakamani, njoo Mahakamani uoneshe solidarity.

KESI DHIDI YA VIONGOZI NA WANACHAMA LEO TAREHE 16-09-2026: 1. Kesi ya uhaini dhidi ya Mhe Lissu, Criminal session no 19605/2026 inaendelea Mahakama kuu Dar es salaam. 2. Mahakma ya wilaya Ilala, kesi ya ugaidi inayomkabili Athumani Abdallah Muganda itatajwa. 3. Mbeya, kesi namba 16394/2026 Noah mwalwange na wenzake 3 itatajwa. 4. Kesi namba 16393/2026 Jamhuri dhidi ya Jasiri Robert Mwaisumbi nayo itatajwa.

KESI DHIDI YA VIONGOZI WA CHADEMA LEO SEPTEMBA 15: Mosi, Kesi ya uhaiji criminal session No. 19605/2026 inayomkabili Mwenyekiti Taifa, Mhe Tu du Lissu itaendelea leo kwa hatua ya utetezi, Mahakama kuu, masijala ya Dar Es Salaam. Pili, Criminal case No. 18445/2026 inayomkabili mwenyekiti wa Baraza la vijana, Maarifa Chagu na mwenzake John Joseph Ngolo, itatajwa mbele ya Mahakama ya wilaya Kahama. Wanashitakiwa kwa makosa mawili, kuchapisha taarifa za uongo na kuhamasisha umma kufanya vitendo vya uhalifu. Tatu, Shauri la Jinai namba 15461/2026 linalomkabili Katibu Mwenezi wa Jimbo la Busega, Athumani Joseph Kazinza inatajwa leo mbele ya Mahakama ya Hakimu Mkazi Mkoa wa Simiyu, huko Simiyu. Kamanda Kazinza anatuhumiwa kuhamasisha umma kufanya vitendo vya uhalifu. Hii mbinu ya kuhakikisha viongozi na wanachama wa Chadema wanashinda mahakamani kwa makosa yenye msukumo wa kisiasa nayo itashindwa kama zilivyoshindwa mbinu nyingine.

VIONGOZI NA WANACHAMA 41 WA CHADEMA WAPANDISHWA KIZIMBANI KWA KESI ZA UGAIDI leo September 14, Mashauri saba dhidi ya viongozi na wanachama 40 wa chadema yametajwa huku shauri moja la Uhaini dhidi ya Mwenyekiti wa Chama Taifa, Mhe Lissu likiendelea kwa hatua ya utetezi. Mkoani Shinyanga, Mahakama ya Hakimu Mkazi mkoa wa Shinyanga imeahirisha shauri namba 16506/2026, Jamhuri dhidi ya Jackson Rashid Mnyawami. (Ikumbukwe kuwa Jackson Mnyawami ni Katibu wa Chadema Kanda ya Serengeti ) Mashauri mengine dhidi ya wanachama yaliyoahirishwa mahakamani hapo ni pamoja na shauri namba 16503/2926 Jamhuri dhidi ya Jackson Venant Kabyeseleza, Shauri Na. 16505 Jamhuri dhidi ya Daniel Emanuel Athuman, Shauri Na. 16504/2026 Edwin Otieno Ongito na wenzake 8 na shauri namba 16506/2026 Jamhuri dhidi ya Godwine Laurent na wenzake 4. Mashauri yote haya yameahirishwa hadi tarehe 25/09/2026 huku viongozi na wanachama 17 wakirejeshwa rumande kwa kuwa makosa ya Ugaidi wanayotuhumiwa nayo hayana dhamana kwa mujibu wa sheria. Mkoani Mwanza, mashauri mawili yametajwa leo mbele ya Mahakama ya Hakimu Mkazi Mkoa wa Mwanaza, ambapo jumla ya wanachama 23 walipandishwa Mahakamani. Shauri la kwanza ni Shauri namba 16375/2026 Jamhuri dhidi ya Deys E. Masalago na wenzake 09 na shauri la pili ni Shauri namba 16379/2026 Jamhuri dhidi ya Fantson Wilson Nyamwanga na wenzake 12. Mashauri yote mawili yameahirishwa hadi tarehe 28/09/2026 yatakapo tajwa tena huku watuhumiwa wote wakirejeshwa gerezani kwa kuwa makosa ya ugaidi hayana dhamana kisheria. Nawashukuru mawakili waliofika mahakamani kwa upande wa utetezi, Wakili Erick Mutta, Wakili Fellan Kweka, Wakili Sijaona Revocatus na wakili Gibson Ishengoma. Mkoani shinyanga pia wakili Aloyce Kajitamus nakushukuru kwa kusimama upande wa utetezi. Viongozi na wanachama waliopandishwa kizimbani leo jumla yao ni 41, ambao ni mwenyekiti Taifa Mhe Lissu (Uhaini) Shinyanga -17 (Ugaidi) na Mwanza (23) Ugaidi. Taarifa na mwendelezo wa shauri dhidi ya Mhe Lissu utawaajia baadaye, kwa sasa shauri linaendelea Mahakama kuu, Masijala ndogo ya Dar Es Salaam.

Orodha ya kesi zinazowakabili Viongozi na wanachama wa Chadema kwa week inayoanza tarehe 14 - 18/09/2026. Tuendelee kuunganisha nguvu kuoambania ndugu zetu wanaokabiliwa na mashitaka yenye msukumo wa kisiasa.

DAY - 5 GEREZA IRINGA Jana tarehe 10 September 2026 nimekamilisha ziara ya kuwatembelea wanachama wa CHADEMA wanaoshikikiwa magerezani baada ya kushitakiwa kwa makosa ya Ugaidi kwa kutembekea wanachama watatu Gereza la Mkoa wa Iringa. Wanachama hao, walioshitakiwa kwa Economic P. I No. 16453/2026 ni Ndugu Aqhudy Aqnay Qhyqhalay, Rahim Hussein na Helman Beatus Sambala wote wanatoka wilaya ya Mafinga. Wanachama hawa, kama ilivyokuwa kwa wanachama wengine walikamatwa na kuhojiwa kwa makosa ya uchochezi mtandaoni, baadaye wanadai kuletewa makaratasi mengi na kuambiwa wasaini ili ndugu zao wawadhamini bila kusoma kilichoandikwa. Baada ya kusign nyaraka hizo, wakashangaa hawadhaminiwi tena badala yake wakapelekwa Mahakamani ambako walipandishwa kizimbani. Wanachama hawa wanafanya ujasiliamali wa studio, wanarecord nyimbo , kupiga picha kwenye sherehe na matukio maalumu, kwenye ukamataji wao, nimeambiwa na vifaa vyao vyote vilichukuliwa. Leo kesi yao inatajwa Mahakama ya Hakimu Mkazi Mkoa wa Iringa. Pamoja nao alishitakiwa mwanachama ambaye nimejulishwa ni GreenGuard anayejulikana kwa jina la Ambi Daudi Mwaisomba, kutoka Mafinga pia, naye eti kashitakiwa kwa makosa ya ugaidi.

DAY 4 GEREZA LA NJOMBE Nimefika Gereza la Njombe kumtembelea katibu mwenezi kata ya mavanga wilaya ya Ludewa Mkoani Njombe. Augustino ambaye pia anajulikana kama Tinno alikamatwa kwa kosa la kuandika maoni yake kwenye ukurasa wa mtandao wa facebook wa @rose_mayemba maneno tunatoka. Alikamatwa na kushitakiwa kwa kosa la ugaidi kama inavyoonekana kwenye hati ya mashitaka. Chaula ni miongoni mwa viongozi wa chadema 57 waliopewa mashitaka ya ugaidi nchi nzima. Ziara yangu leo imenifikisha Gereza la Njombe, kijana yuko imara, anawasalimia sana. Nimemhakikishia uwakilishi Mahakamani wakati wa usikilizwaji wa shauri hili. Ziara ya kuwatembelea wanachma wanaoshikiliwa magerezani inaendelea. Tuwafikie, tuwawakilishe Mahakamani, Tatizo la mwenzetu ni tatizo la jamii nzima.!!

LISSU KUENDELEA NA UTETEZI, HUKU KESI ZA UGAIDI DHIDI YA VIONGOZI WENGINE WA CHADEMA ZIKITAJWA LEO: Mwenyekiti wa Chadema Taifa, Mhe Lissu ataendelea na utetezi wa kesi inayomkabili ambapo shahidi wa utetezi ataendelea kutoa utetezi wake. Shahidi huyo DW- 3, Amani Sam Golugwa ataendelea kwa hatua ya kuulizwa maswali ya dodoso kutoka upande wa Jamhuri. Mikoani nako, Kesi tatu za Ugaidi dhidi ya viongozi na wanachama wa chadema zitatajwa mahakama mbalimbali hapa nchini. Mkoani Geita, Kesinya Ugaidi aliyopewa mwenyekiti wa Chadema jimbo la Geita Vijijini, Neema Stivine Chozaile itatajwa mahakama ya wilaya ya Geita. Mkoani Njombe, kesi ya Ugaidi inayomkabili mwenyekiti wa chadema kata ya Mavanga Jimbo la Rudewa, Augustino Chaula itatajwa Mahakama ya wilaya ya Njombe. Mkoani Mbeya nako, kesi ya Ugaidi inayomkabili Joseph Whine Katoki mwanachama wa chadema itatajwa pia mbele ya mahakama ya wilaya ya Kyela. Viongozi hawa watatu ni sehemu ya viongozi na wanachama 57 walipewa kesi za ugaidi kwa sababu zinazoonekana kuwa za kisiasa. Ni wito wangu kwa watanzania wapenda haki na Demokrasia kufika Mahakama kuu, masijala ya Dar es salam, Mahakama ya wilaya ya Geita, Mahakama ya wilaya ya Kyela na Mahakama ya wilaya ya Njombe kufuatilia mwenendo wa mashauri hayo yanayowakabili viongozi wetu. @TunduALissu @HildaNewton21 @bavicha_taifa @Apollo_Boniface @ChademaTZ2 @jjmnyika @HecheJohn @MariaSTsehai @Liberatus80

DAY 3 GEREZA LA KYELA ziara yangu ya kutembelea wanachama waliofunguliwa kesi za Ugaidi imenifikisha Gereza la Kyela Mkoani Mbeya. Hapa yupo mwanachama anayeitwa JOSEPH WHINE KATOKI anayetuhumiwa kwa Ugaidi. Bwana Katoki, alikamatwa tarehe 30/06/2026 maeneo ya Kasumulu mpakani mwa Tanzania na Malawi ambapo hufanya shughuli zake, akituhumiwa kwa makosa ya mtandao (cyber crime) na kuambiwa anasababisha wananchi kuichukia serikali. Pamoja naye walikamatwa pia wananchi wengine 3 lakini wakaachiwa, yeye baada ya kushikiliwa Polisi kwa takribani siku 28 bila dhamana wala kufikishwa Mahakamani, hatimaye tarehe 27/07/2026 alifikishwa mahakama ya wilaya ya Kyela na kufunguliwa kesi ya Ugaidi. Nimemtembelea leo Gerezani na kuzungumza naye, ana ari kubwa na anaonekana ni mtu wa imani sana. Nimemhakikishia kwamba sisi CHADEMA kwa kushirikiana na watanzania wenye nia njema na Taifa hili, tutatongoza jopo la Mawakili tutamtetea Mahakamani yeye pamoja na watanzania wengine walioshitakiwa kwa makosa kama hayo. Nitahudhuria Mahakamani siku ya kesi yake, September 07 kujua upelelezi uko hatua gani . Kwa wale mawakili tuliosoma kwa kodi za wananchi wa Tanzania, tunaowajibu wa kurejesha kwa jamii, tusimame sasa kuwasaidia wahitaji, haki ya kuwakilishwa Mahakamani ni haki ya msingi kwa binadamu. Ungana nami kwenye hii ziara ya kuwatembelea wanachama wenye kesi hizi za Ugaidi, day 4 tutakuwa kyela Mahakama ya wilaya. Wanachama na wapenda haki tufike kwa wingi mahakamani, kufuatilia mwenendo wa kesi hii, twendeni tukafahamu upelelezi dhidi ya kinachodaiwa kuwa ugaidi umefika wapi.

KUTOKA GEREZA LA RUANDA MKOANI MBEYA: Leo niliwatembelea vijana wa CHASO Mbeya ambao wanatuhumiwa na mashitaka ya ugaidi na kushikiliwa gereza la Ruanda Mbeya. Vijana wana afya njema. Nimewafahamisha kwamba Chama kilielekeza mimi pamoja na mawakili wenzangu ndani ya Chama kufanya kila kinachowezekana kuhakikisha wanapata utetezi wa kisheria mwanzo hadi mwisho. Vijana hao ambao ni wanafunzi wa chuo ni Noah Mwalwange anayesoma “Project planning and Management for community Development” Gwamaka Mboka - anayesoma Mechanical Engineering. Augustino wasinyo - anasoma bachelor of Laws (LL.B) Rojas Mpani - anasoma Bachelor of Art and Social work. Nimepata maelezo yao kwa kina, leo si sehemu ya taarifa hii kwa kuwa yatatusaidia timu ya utetezi. Yupo pia mwanachama anayejulikana kwa jina la Jasiri Mwasumbi - huyu ni dereva wa bodaboda, ambaye alikodiwa na askari Polisi na kuambiwa ampeleke kituo cha Polisi Meta na akawa amekamatwa hivyo. Maelezo yake pia, yanahifadhiwa kwa matumizi ya utetezi. Nimefanikiwa pia kuzungumza na mwanachama mwingine ambaye alikamatwa wilayani Chunya na kufunguliwa kesi huko lakini anashikiliwa Gereza la Ruanda, anajulikana kwa jina la Daniel Philemon. Awali makosa yake yalikuwa ya kimtandao lakini baadaye akapewa kesi ya Ugaidi kama wenzake. Kesho vijana wa chaso pamoja na Jasiri Mwasumbi wataoandishwa kizimbani ambako kesi zao zitatajwa. Wakazi wa Mbeya, marafiki wa haki na Demokrasia, kesho tukutane Mahakama kuu tuwape joto vijana wetu. Tutamfikia kila mwanachama anaye bambikiziwa kesi hizi bila woga, tutapambana pamoja na nguvu ya umma itashinda inshallah!

LISSU KUENFELEA NA UTETEZI Baada ya mapumziko ya sikukuu, leo Mhe Tundu Lissu ataendelea na utetezi wake dhidi ya shitaka la Ubaini linalomkabili. Mhe Lissu alianza utetezi wake siku ya Ijumaa na aliendelea kujitetea jumatatu kabla ya mahakama kuahirisha kesi hadi leo jumatano kupisha sikukuu. Lissu ni shahidi wa kwanza wa upande wa utetezi, na Endapo atakamilisha utetezi wake leo, ataendelea na utetezi kwa kuwaongoza mashahidi wake wengine kutoa utetezi wao Mahakamani. Mwananchi na rafiki wa Demokrasia na haki hapa nchini, nakualika Mahakama kuu, Masijala ya Dar Es Salaam kufuatilia kesi hii, yenye kosa kubwa kuliko makosa yote ndani ya Jamhuri ya Muungano wa Tanzania. Kuwa sehemu ya historia ya Taifa hili kwa kufuatilia kila hatua na ujifunze mengi yanayotokana na kesi hii. Ikiwa uko karibu na unauwezo wa kufika Mahakamani, tukutane Mahakama kuu, Mwembeni.

Nimearifiwa usiku huu kwamba, Wakili Welwel ambaye ni mwenyekiti wa Chadema kanda ya Kaskazini amekamatwa na police wa karatu eneo la kigongoni mtowambu na Jeshi la Polisi na kutokomea naye kuelekea njia ya makuyuni, Wakili Welwel amekamatwa akiwa njiani kuelekea Dodoma kwenye kongamano la siku ya Vijana Duniani ambapo, vijana wa CHADEMA wanaadhimisha siku hiyo mkoani Dodoma. Pamoja naye, vijana wengine wa Chama, Paulo matle (Mjumbe kamati tendaji ya wilaya karatu, pamoja na Mkiti wa vijana kata ya karatu Dani Andrea wamekamatwa pia. Msafara wa Bavicha kutoka wilaya ya Karatu ulizuiliwa kwenye kizuizi cha kutoka nje ya karatu, bila kuoewa sababu za kuzuiwa. Baada ya Polisi kukataa kuruhusu magari hayo, Vijana walishuka na kuendelea na safari yao ya kuelekea Dodoma kwa miguu, kitendo kilichisababisha Polisi kuanza kamata kamata ya vijana. Tunafuatilia kujua wapi Mjumbe wa Kamati kuu ya Chama amepelekwa na wapi pia walipo vijana wengine waliokamatwa. Juazimisha siku ya vijana siyo kosa, Jeshi la Polisi ni miongoni mwa taasisi ambazo zinapaswa kufumuliwa na kuundwa upya, litoke kuwa Police Force na liwe Polive Service. Tutaulizana huko mbeleni inshallah kuhusu weledi wao!

Usiombe kukutana na Mhe Lissu pale Kizimbani. Ukiitwa kama shahidi dhidi yake, uje na utimamu.

Tumepokea wito kutoka mahakama kuu, Masijala kuu Dodoma kwamba tumeshitakiwa na Katibu wa CHADEMA mkoa wa Morogoro na wenzake, shauri litakuwa mbele ya Jaji Mruma. Tumeitwa kufika mahakamani hapo tarehe 12 August 2026. Huu ni mwendelezo wa mbinu chafu, wanapambana na sisi lakini mwisho wa siku hawatashinda!