خیبر پختونخوا کی عوام سے منتخب صوبائی حکومت تو چھین لی گئی، لیکن ہم نہ اپنے اصولوں سے پیچھے ہٹے اور نہ ہی عمران خان کے بیانیے سے دستبردار ہوئے۔ ہم نے محض کرسی بچانے کے لیے عوام کے حقوق اور مفادات کا سودا کرنے سے صاف انکار کر دیا۔ سب جانتے ہیں کہ ان اضلاع میں فوجی کارروائیاں پہلے بھی بغیر منظوری کے ہوتی رہی ہیں، تو پھر اچانک اس شرط کو مذاکرات کی اٹل شرط کیوں بنایا گیا؟ تحریک انصاف نے نیک نیتی دکھائی، لیکن دوسری جانب کا مقصد صرف ہمیں کمزور کرنا تھا۔ مطالبات تسلیم کرنے کا مطلب عوامی اعتماد کو ٹھیس پہنچانا تھا، اور انکار کی صورت میں گورنر راج کا بیانیہ پہلے ہی سے تیار تھا۔ فیصلہ جو بھی ہوتا، نشانہ صرف تحریک انصاف تھی۔ حکومت ختم ہوتے ہی وزیراعلیٰ سہیل آفریدی، اسپیکر بابر سلیم سواتی اور کارکنوں کے خلاف کریک ڈاؤن کی تیزی بتاتی ہے کہ یہ انتقامی فہرستیں بہت پہلے تیار کی جا چکی تھیں تاکہ قیادت اور حامیوں کو خوف زدہ کیا جا سکے۔ باڑہ نادرا دفتر کو آگ لگانے کا واقعہ بھی سنگین سوالات اٹھاتا ہے، جہاں پُرامن مظاہرین کے پہنچنے سے پہلے ہی عمارت کو نذرِ آتش کر دیا گیا۔ تحریک انصاف دہشت گردی کے خلاف ہے، لیکن ہمارا مؤقف واضح ہے کہ پائیدار امن فوجی کارروائیوں سے نہیں بلکہ عوامی اعتماد اور آئینی اداروں کے احترام سے ہی ممکن ہے۔ پشاور امن جرگے کی متفقہ قرارداد کو وفاق کی طرف سے نظر انداز کرنا ثابت کرتا ہے کہ ان کا مقصد امن نہیں بلکہ ہمیں جھکانا تھا۔ ہم نے اصولوں پر حکومت قربان کر دی۔ اقتدار کا جانا دھچکا ضرور ہے لیکن عوام کا اعتماد کھو دینے سے بڑا کوئی نقصان نہیں۔ یہ وقت سوگ کا نہیں بلکہ قیادت کے اس دلیرانہ فیصلے پر سر فخر سے بلند رکھنے کا ہے۔ اب ہماری ترجیح محض دوبارہ کرسی حاصل کرنا نہیں، بلکہ اس ظلم و جبر کے خاتمے، حقیقی جمہوریت کی بحالی اور غریب و محروم طبقات کو ان کا معاشی و سماجی انصاف دلانے کی جنگ ہے۔ ہم اپنی تنظیم کو مضبوط کریں گے، گرفتار کارکنوں کے خاندانوں کے ساتھ کھڑے ہوں گے اور عمران خان سمیت تمام سیاسی قیدیوں کی رہائی کا مطالبہ جاری رکھیں گے۔ ہم ہاتھ پر ہاتھ دھرے نہیں بیٹھیں گے بلکہ انصاف کی بحالی تک ہماری پُرامن جدوجہد جاری رہے گی۔

خاموش صدا نمبر 13: مدثر حفیظ ایک لائق نوجوان ، ایک حافظ قرآن جس کے سینے میں وطن کی محبت دھڑکتی تھی۔ 9 مئی کے فالس فلیگ کے بعد ایک نا جائز ملٹری ٹرائل اور 6 سال سزا۔ #خاموش_صدائیں #khamosh_sadayen