ପୁରୀ କୋଷ୍ଟାଲ୍ ମାରାଥନ୍–୨୦୨୬ ପୂର୍ବରୁ ଯାଜପୁରରେ ପ୍ରୋମୋ ରନ୍! 🏃‍♀️ ବିଶ୍ୱ ପର୍ଯ୍ୟଟନ ଦିବସ ପାଳନ ଅବସରରେ ଆଜି ଜିଲ୍ଲା ପ୍ରଶାସନ ପକ୍ଷରୁ ଯାଜପୁରରେ ଜିଲ୍ଲାସ୍ତରୀୟ ‘ପ୍ରମୋ ରନ୍’ ଆୟୋଜିତ ହୋଇଛି। ମାନ୍ୟବର ଲୋକସଭା ସାଂସଦ ଡ଼. ରବୀନ୍ଦ୍ର ନାରାୟଣ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ପତାକା ଦେଖାଇ ଏହି ଦୌଡ଼ର ଶୁଭାରମ୍ଭ କରିଥିଲେ।

କ୍ରୀଡ଼ା, ସୁସ୍ଥ ଜୀବନଶୈଳୀ ଏବଂ ଯାଜପୁରର ପର୍ଯ୍ୟଟନ ସମ୍ଭାବନାକୁ ପ୍ରୋତ୍ସାହନ ଦେବାର ବାର୍ତ୍ତା ନେଇ ଆୟୋଜିତ ଏହି ପ୍ରମୋ ରନ୍‌ରେ କୁନି ପିଲାଙ୍କଠାରୁ ବୟୋଜ୍ୟେଷ୍ଠ ଧାବକ ଓ ଧାବିକାଙ୍କ ପର୍ଯ୍ୟନ୍ତ ବହୁ ସଂଖ୍ୟକ ପ୍ରତିଯୋଗୀ ଉତ୍ସାହର ସହ ଅଂଶଗ୍ରହଣ କରିଥିଲେ।

ଯାଜପୁର ଇଣ୍ଡୋର ଷ୍ଟାଡିୟମରୁ ଏହି ମାରାଥନ୍ ଟି ଆରମ୍ଭ ହୋଇ ମହାରାଜା ଯଯାତି କେଶରୀ ଭେଷଜ ମହାବିଦ୍ୟାଳୟ ପ୍ରବେଶଦ୍ୱାର ଦେଇ ପୁନଶ୍ଚ ଇଣ୍ଡୋର ଷ୍ଟାଡିୟମରେ ଏହି ଦୌଡ଼ ଶେଷ ହୋଇଥିଲା। ଏହି ଅବସରରେ କୃତୀ ୬ ଜଣ ଧାବକ ଓ ଧାବିକାଙ୍କ ସମେତ ପୂର୍ବରୁ ଅନୁଷ୍ଠିତ କୁଇଜ୍ ପ୍ରତିଯୋଗିତାର କୃତୀ ପ୍ରତିଯୋଗୀଙ୍କୁ ପ୍ରମାଣପତ୍ର ପ୍ରଦାନ କରାଯାଇଥିଲା।