غصہ نہ کریں میری معروضات پر ہمدردانہ غور کریں۔ مقتدرہ اپنی بدنصیبی سمجھے کہ اس کے پاس پاکستان کو بچانے کے لیے عمران خان کے علاوہ کوئی اور چوائس موجود ہی نہیں ہے۔ نظام کے انہدام (collapse) کا رونا رونے والوں کو بتانا ہے کہ وطن عزیز پر تنی قیامت کی اس گھڑی میں نظام کو مارو گولی، ریاست بچانے کی فکر کرو۔ وطن کی فکر کر ناداں، مملکت کا شیرازہ بکھرنے کو ہے۔ دو رائے نہیں کہ جمہوریآئینی، پارلیمانی، عدالتی نظام یقیناً کھنڈر بن چکا ہے، مگر سوال یہ ہے کہ کھنڈر بنایا کس نے؟ گستاخی معاف، یہ انہدام آپ لوگوں کی محنت اور کاوشوں کا مرہونِ منت ہی تو ہے۔ قائداعظم کا پاکستان قصۂ پارینہ بننے کو ہے۔ بلوچستان مسلسل جل رہا ہے، دہائیوں سے سلگ رہا تھا، آج آسمان کو چھوتے الاؤ میں ہے۔ کشمیر میں پہلی دفعہ پاکستان کے خلاف احتجاج اور پاکستان سے چھٹکارے کے حق میں نعرے بلند ہو رہے ہیں۔ چند سال پہلے گلگت بلتستان سے بھی پاکستان کے خلاف ایک ٹریلر چل چکا ہے۔ سندھ سے کوئی قومی منصوبہ پاس کروانا اب آپ لوگوں کے لیے جوئے شیر لانا ہے، پکی ناں ہی سمجھیں۔ زرداری اور بلاول نظامِ ریاست چلانے والوں کی کمزوریوں سے آگاہ ہیں۔ ان کا فائدہ اٹھا کر نظام کے گھس بیٹھیوں کے سندھ میں گھسنے پر پابندی عائد کر رکھی ہے۔ اب جبکہ خیبر پختونخوا فتح کر لیا ہے، ساری زمین قبضے میں ہے، مگر ساڑھے چار کروڑ عوام، 99 فیصد، ریاست کے خلاف یکسو ہو چکی ہے۔ پنجاب کے اندر آپ جناب لوگوں کی قدرومنزلت بھی اُترائی کے آخری زینے پر ہے۔ تیرا بنے گا کیا؟ مجھے اس کی فکر ہےنہ پروا، مجھے اپنے وطن کی فکر گھائل کر رہی ہے۔ جو کوئی بھی ہے، جو نظامِ ریاست چلا رہا ہے، اُس کے گوش گزار کرنا ہے کہ پاکستان عدم استحکام کے آخری درجے کو چھو چکا ہے اور اب disintegration کی طرف سرک رہا ہے۔ نظام کھنڈر بن چکا ہے، بحال کیسے ہو گا ۔ خدا کے واسطے! پاکستان کو Unity, Faith, Discipline کی آڑ میں اپنی ذاتی ترقیاں حاصل کرنے کی بھینٹ نہ چڑھائیں۔ التجا ہے کہ پاکستان کو اپنی نوکری پر ترجیح دیں۔ اس ملک نے ہمیں بہت کچھ دیا ہے۔ نظام کو منہدم کرنے والے ذمہ داران سے درخواست ! پاکستان کھلونا نہیں ہے آپ کے ذاتی غصے، عناد اور ego کی تسکین کے لیے استعمال میں رہے۔ سانحہ 1971 آپ کے غصے اور عناد کی نذر چڑھا تھا۔ اگر آپ 25 کروڑ عوام الناس سے مخلص ہیں تو مملکت آپ کی ترجیح ہوتی، تو جو ملکی حالات جس نہج پر ہیں، مملکت آپنی ترجیح بنایں۔ قومی قیادت کھڈے لائن یا اپنے اپنے مفادات میں اپ لوگوں کی تابعداری میں ہے۔نواز شریف مایوس اور لاتعلق ، داتھی نوکری پیشہ اختیار کر چکے ہیں۔ بلاول کے پاس زرداری صاحب کااسکرپٹ ہے، صوبۂ سندھ کا مقدمہ لڑ رہا ہے۔ سندھ میں داخلے پر پابندی کے بعداب آپ لوگوں کو خیبر پختونخوا کی دلدل میں اہتمام کے ساتھ دھکیل چکا ہے۔ مولانا فضل الرحمان کو آپ لوگ پچھلی تین دہائیوں سے دوسری سیاسی جماعتوں کے ہاتھوں توہین کا نشانہ بنوا کر مولانا کی قومی سیاست کو کمزور کر چکے ہو۔ جماعتِ اسلامی کنفیوزڈ ہے۔ عمران خان کو آپ لوگوں کی طرح اپنی ذات سے عشق ہے،وہ اپنی ذات کے حصار میں بند کہ اس کی تربیت ہی یہی رہی ہےکہ عمران خان کی ذات، مملکت، نظریے، ہر چیز پر مقدم ہے۔ وہ اپنی ذات کے سحر سے نکلے گا، ناممکن ہے کیونکہ اب وہ مقبولیت کے جس مقام پر ہے ایسی مقبولیت فکشن اور ناولوں میں جبکہ تاریخ کی کتابوں میں صدیوں زندہ رکھتی ہے ۔ ذہنی طور پر وہ آپ لوگوں سے زیادہ مضبوط ہے، لڑ کر مر جائے گا، ذہنی طور پر نہیں ٹوٹے گا۔ آپ لوگوں کا عمران خان پر غصہ بجا، مگر آپ پاکستان کی خاطر اپنا غصہ تھوک پائیں گے، بظاہر ناممکن ہے، کیوں کہ آپ لوگ بھی اپنی ego اور عناد کے حصار میں ہیں۔ عمران خان اپنی سیاسی مقبولیت کے عروج پر ہے، مقبولیت ساتویں آسمان پر ہے۔ ماننے میں شرم و حیا مانع نہ ہو تو وطنی تاریخ میں پہلا پاکستانی جو بلوچستان، سندھ، فاٹا، کشمیر اور گلگت بلتستان کے گاؤں گاؤں، قریہ قریہ، پہاڑوں، گھاٹیوں، صحراؤں اور کچے کی دلدلوں میں بدرجۂ اتم موجود ہے، غیر معمولی مقبولیت کے جھنڈے گاڑھے ہوئے ہے۔ مان لیں؛ عمران خان کی مقبولیت آپ لوگوں کی محنتِ شاقہ اور کوششوں نتیجہ ہے۔ اب فرسٹریٹ ہونے کی ضرورت نہیں۔ آپ لوگ عمران خان کے مرجعِ خلائق ہونے اور غیر معمولی مقبولیت کے مقام کا کچھ نہیں بگاڑ سکتے، بہتر ہے کہ پاکستان کے حق میں عمران خان مقبولیت کے استعمال کی ترکیب بنائیں ۔ مملکت بچانے کا واحد راستہ عمران خان کو آن بورڈ کرنا اورایک قومی حکومت بنانا ہے۔ اگر قومی حکومت نہ بنی تو مملکت کو بچانا مشکل، خوابِ خیالی ہی رہنی ہے۔ باقی؛ قومی مایوسی بہت جلد ہم آپ سب کے گلے دبوچنے کو ہیں، اور پھر داستان تک نہ ہوگی داستانوں میں۔ میری آسودگی اتنی پہلی دفعہ ”ہماں یاراں دوزخ“۔

راولاکوٹ نہتے شہریوں پر سیدھی فائرنگ — ویڈیو بطور ثبوت۔ سوال یہ ہے کہ نہتے شہریوں پر سیدھی گولیاں چلانے کا اختیار کس نے دیا؟ کیا عوام کے تحفظ کے نام پر تعینات اہلکاروں کو عوام ہی کے سینوں میں گولیاں اتارنے کا لائسنس حاصل ہے؟جو فورس نہتے شہریوں کی حفاظت کے بجائے اُن پر گولیاں برسائے، کیا اُسے واقعی عوام کی محافظ فورس کہا جا سکتا ہے۔۔۔؟

زمینوں پہ قبضے ، معدنیات پہ قبضے ان مقامی افراد کی آنکھوں میں خون اتر آیا ہے یہ کسی بڑی تباہی کا پیش خیمہ بھی ہو سکتا ہے

"برین ڈرین اور برلن وال" (تاریخ کے اوراق سے ایک صفحہ جو آپ کو جانا پہچانا لگے گا ) آپ نے اکثر ایک لفظ سنا ہوگا " برین ڈرین" (Brain Drain) - کیا آپ کو اس لفظ کی ہسٹری پتا ہے کہ یہ کب پہلی دفعہ استعمال ہوا ؟ کیا آپ کو یہ پتا ہے کہ "برین ڈرین " اور "برلن وال " کا کیا تعلق ہے ؟ چلیں پھر تاریخ کے اوراق سے اس اصطلاح پر روشنی ڈالتا ہوں اور اس کو آج کے حالات پر اپلائی کرکے پھر سے ثابت کرتا ہوں کہ تاریخ میں کچھ بھی نیا نہیں (اپلائیڈ ہسٹری ) - " برین ڈرین " کی اصطلاح پہلی دفعہ جرمنی کے لوگوں کیلئے استعمال کی گئی تھی جب 1949 سے 1960 کے درمیان چالیس لاکھ کے قریب لوگ سٹالن کے مشرقی جرمنی سے نیٹو اتحاد کے مغربی جرمنی میں ہجرت کر کے چلے گیے تھے - 1945 میں دوسری جنگ عظیم میں جرمنی کی شکست کے بعد جرمنی پر چار ملکوں کا تسلط قائم ہوگیا تھا - مغربی حصے میں تین ملکوں کا اتحاد یعنی امریکا ' برطانیہ اور فرانس کا تسلط تھا جنہوں نے 1949 میں " نیٹو" اتحاد کی بنیاد رکھی اور مشرقی حصے میں سویت یونین (یعنی روس ) کا تسلط تھا جس نے نیٹو کے مقابلے میں " وارسا پیکٹ " کی بنیاد رکھی - بظاہر یہ چاروں ملک دوسری جنگ عظیم میں جرمنی کے خلاف لڑے تھے لیکن روس اور باقی تین مغربی ملکوں کے اتحاد کے طرز حکومت میں واضح فرق تھا کیوں کہ سویت یونین ایک کومیونسٹ حکومت تھی جب کہ مغربی اتحاد کپیٹلسٹ اور جمہوری طرز حکومت کے حامی تھے - اس فرق کی وجہ سے 1949 میں جرمنی میں دو ریاستوں کی بنیاد پڑی- روس کے زیر انتظام مشرقی جرمنی کو " جرمن ڈیموکریٹک ریپبلک " (GDR ) کہا گیا اور باقی مغربی ملکوں کے زیر انتظام مغربی جرمنی کو "فیڈرل ریپبلک آف جرمنی " (FRG ) کا نام دیا گیا - جرمنی کا دارالحکومت " برلن " جو چاروں طرف سے مشرقی جرمنی یعنی GDR کے اندر گھراہوا تھا اس کو بھی دو حصوں میں تقسیم کیا گیا یعنی روس کے زیر انتظام مشرقی برلن اور نیٹو ملکوں کے زیر انتظام مغربی برلن- یہ دونوں ریاستیں ایک مقناطیس کے دو مختلف پول تھے - یعنی یہاں بالکل حالات مختلف تھے - مشرقی حصہ چونکہ کومیونسٹ حکومت کے زیر انتظام تھا اور وہاں سٹالن جیسے ڈکٹیٹر کی حکومت تھی سو وہاں ہر وہ طرز عمل روا رکھا گیا جو کسی بھی آمریت میں رکھا جاتا ہے - وہاں ہر ادارہ حکومت کے زیرانتظام تھا - اظہار رایے کی آزادی پر طرح طرح کی کدغن تھی - دوسری جنگ عظیم کی تباہی کا ازالہ اور تعمیر کرنے کیلئے سٹالن کی حکومت کی طرف سے کوئی ایسے اقدام نہیں کیے گیے تھے جس سے ملک کی معیشت مظبوط ہوتی- انفرا سٹرکچر بہت کمزور تھا - ملک پر کومیونسٹ تسلط کو قائم رکھنے کیلئے دانستہ طور پروہاں کوئی ایسی منصوبہ بندی نہیں کی گئی تھی جس سے ایک عام آدمی معاشی اور فکری طور پر مظبوط اور آزاد ہوتا اور بعد میں کومیونسٹ تسلط کو چیلنج کرتا - اس کے برعکس مغربی جرمنی میں جمہوری نظام رائج تھا - وہاں کیپلسٹ اکانومی رائج تھی - آزادی راے کی آزادی تھی - لوگوں کی انفرادی معاشی ترقی حکومت کا مقصد تھی جس کی وجہ سے وہاں معشیت بہت مظبوط ہوئی' غربت کم ہوئی اور عمومی طور پر ایک خوش حالی دیکھنے کو ملی - یہی فرق مشرقی اور مغربی برلن کے حالات میں بھی تھا - 1960 تک ان دونوں ریاستوں یعنی "جرمن ڈیموکریٹک ریپبلک " (مشرقی جرمنی ) اور 'فیڈرل ریپبلک آف جرمنی " (مغربی جرمنی ) میں کوئی آفیشل بارڈر نہیں تھا - اور چونکہ معاشی اور جمہوری رویوں کا فرق بہت زیادہ تھا سو 1949 میں ان دو ریاستوں کے قیام کے بعد مشرقی جرمنی سے مغربی جرمنی میں لوگوں نے ہجرت کرنا شروع کردی - پہلے پہلے یہ بات اتنی نوٹ نہی کی گئی لیکن پھر ہر سال تین لاکھ کے قریب جرمن مشرقی جرمنی سے مغربی جرمنی میں جانے لگے اور 1960 تک چالیس لاکھ کے قریب لوگ یہ ہجرت کر چکے تھے - تاریخ میں اس ہجرت کو "ریپبلک فلیچٹ" (Republikflucht ) کہا جاتا ہے- ان لوگوں میں ایک بہت بڑی تعداد پڑھےلکھے لوگوں ' ڈاکٹروں ' استادوں ' انجینیرز اور دیگر پروفیشنل لوگوں کی تھی اور یہ وہ طبقہ تھا جس کیلئے مغرب میں تاریخ میں سب سے پہلے " برین ڈرین " کی ٹرم استعمال ہوئی - کہا جاتا ہے کہ اس برین ڈرین کی وجہ سے مشرقی جرمنی کی مین پاور (قوت افرادی ) جو 1945 تک ستر فیصد تھی وہ 1960 تک کم ہو کر ساٹھ فیصد پر آگئی تھی جس میں بڑی تعداد پروفیشنلز اور سکلڈ ورکرز کی تھی جو سب مغربی جرمنی میں شفٹ ہوگیے تھے - وہاں کام کرنے کیلئے نہ مزدور ملتا تھا اور نہ علاج کرنے کیلئے اچھا ڈاکٹر - اس وقت اس ہجرت کا مشرقی جرمنی کو بہت نقصان ہوا جس کا تخمینہ 17 بلین ڈالر (17 ارب ) لگایا جاتا ہے (جو مغربی جرمنی کا فائدہ تھا ) اور اس کا اظہار ایک دفعہ مشرقی جرمنی کے ایک حکومتی عہدیدار والٹر البریشت نے ان الفاظ میں بھی کیا تھا کہ "مغربی جرمنی کو ہمیں 17 رب ڈالر جرمانہ دینا چاہیے کہ اس کی وجہ سے ہمیں مین پاور اور پروفیشنل لوگوں کے جانے سے اتنا نقصان ہوا ہے " اتنے بڑے پیمانے پراس برین ڈرین کو روکنے کیلئے مشرقی جرمنی کی سٹالن کی کومیونسٹ حکومت نے اپنے رویوں اور پالیسیوں میں تو کوئی تبدیلی نہیں کی البتہ مشرقی اور مغربی جرمنی کے درمیان سفر کیلئے ایک پرمٹ کی شرط رکھدی ' پھر پاسپورٹ کی شرط رکھی اور پھر تاریخ نے وہ دن بھی دیکھا کہ 12 اور 13 اگست 1961 کی درمیانی ہفتے کی رات کو سٹالن کی حکومت نے مشرقی اور مغربی برلن کے درمیان ایک خار دار فینس بچھائی اور ایک دیوار کی تعمیر شروع کردی جس کو تاریخ " برلن وال " کے نام سے یاد کرتی ہے جو 157 کلومیٹر لمبی دیوار تھا جو مغربی برلن کا احاطہ کرتی تھی - 13 اگست اتوار کی صبح جب برلن کے لوگ جاگے تو انہوں نے خود کو تقسیم پایا -اس اتوار کو جرمنی میں "باربڈ وائر سنڈے " (Barbed wired Sunday) (تاروں سے بندھا ہوا اتوار ) بھی کہا جاتا ہے -- حتی کہ کچھ گھروں کے ایک کمرے مشرقی برلن کی طرف اور دوسرے کمرے مغربی برلن کی طرف رہ گیے اور لوگوں نے کھڑکیوں سے چھلانگیں لگا کر مغرب کی طرف جانے کو ترجیح دی - (یہ زیر نظر تصویر ایک جرمن باپ کی ہے جو اپنے چار سال کے بچے جس کا نام مائیکل تھا اس کو ایک جالی میں باندھ کرگھر کی چوتھی منزل سے مغرب والے برلن کی طرف گرا رہا ہے کیوں کہ اس کا گھر اس دیوار کی وجہ سے مشرق اور مغربی برلن میں تقسیم ہو گیا تھا - بعد میں اس باپ نے بھی اس منزل سے چھلانگ لگا کر مغربی برلن میں رسائی حاصل کی تھی )- بعد میں بہت سی ایسی کھڑکیوں کو بھی دیواریں چنوا کر بند کردیا گیا تھا - اس طرح "والا آف برلن " بنی جس کو سٹالن نے بہت سراہا اور اس دیوار کو "اینٹی فاشسٹ تحفظ رائمپٹ " "Anti Fascist Protective Rampart" ( فسطایت اور پروپیگنڈے سے تحفظ دینے والی دیوار ) کا نام دیا جبکہ مغربی جرمنی نے اس کی بہت مذمت کی اور اس کو "وال آف شیم " (Wall of Shame) (دیوار ندامت ) کا نام دیا - یہ دیوار اٹھائیس سال تک قائم رہی اور بالاخر نو نومبر 1989 کو کومیونسٹ لیڈر گنٹر شبوسکی کے خلاف شدید عوامی احتجاج اور میڈیا کی کیمپین کے بعد ختم ہوئی (جس کے بارے میں میں نے اپنے پچھلے کالم جس کا نام تھا " ریکارڈو آیهریمن " اس میں لکھا تھا )- یہ تھا مشرقی جرمنی کا وہ "برین ڈرین" جس کی وجہ سے یہ ٹرم " برین ڈرین " وجود میں آئی اور جو سٹالن کے آمرانہ رویوں اور کومیونسٹ طرز حکومت کی مرہون منت تھا اور جس کو روکنے کیلئے " وال آف برلن " بنا کر اگلے اٹھائیس سال تک جرمنی کو دو حصوں میں تقسیم کردیا گیا - اب میں آپ کو پاکستان کے برین ڈرین کا حال سناتا ہوں - 1971 سے لے کر 2022 تک ساٹھ لاکھ پاکستانی ملک چھوڑ کر چلے گیے جن میں چار فیصد انتہائی اعلی تعلیم یافتہ ' آٹھ فیصد پروفیشنلز اور اعلی مہارت رکھنے والے افراد تھے - اور اب میں 2023 کے اعداد و شمار بتاؤں ؟ صرف 2023 کے پہلے سات مہینوں میں آٹھ لاکھ سے زائد پاکستانی ملک چھوڑ کر چلے گیے جن میں ایک لاکھ اعلی تعلیم یافتہ اور پروفیشنلز یعنی ڈاکٹر ' انجینیرز اور آئ ٹی کے ایکسپرٹس تھے - یہ اعداد و شمار خود ایک حکومتی ادارے "بیورو آف امیگریشن اور اوورسیز ایمپلائمنٹ " "Bureau of Immigration & Overseas Employment) کے جاری کردہ ہیں جن کی وجہ ملک میں سیاسی عدم استحکام ' معاشی کمزوری' بیروزگاری' عدم تحفظ کا احساس اور اظہار راے کی آزادی کا نہ ہونا بتایا جاتا ہے - یعنی 1971 سے 2022 تک پچاس سال میں ساٹھ لاکھ لوگ جو سالانہ سوا لاکھ بنتا ہے جبکہ اس کے مقابلے میں محض 2023 کے صرف سات ماہ میں آٹھ لاکھ لوگوں کا برین ڈرین ہوا جو گزشتہ سالوں کے مقابلے میں سات 16 گنا زیادہ ہے - پاکستان کا ایک سال میں ہونے والے یہ شدید برین ڈرین میں آپ کو جرمنی کی کہانی سناۓ بغیر بھی بتا سکتا تھا لیکن ان میں تعلق کیا ہے ؟ تعلق آمرانہ رویوں کا ہے ' کومیونسٹ جیسی پالیسیوں کا ہے 'اظہار راۓ کو کچلنے والی سٹالن جیسی سوچ کا ہے اور پھر اس برین ڈرین کو روکنے کیلئے اپنے رویے درست کرنے کی بجاے ہر چیز کو "پروپیگنڈا اور سازش " قرار دے کر زبردستی کے ان ہتھکنڈوں کا ہے جو فسطائییت کی" برلن وال " تعمیر کرتی ہے اور پھر سٹالن کی طرح اس کو بیرونی سازشوں سے " ملکی تحفظ کی ضامن " ("Anti Fascist Protective Rampart") قرار دیتی ہے اور یہ سوچتی ہے کہ اس نے لاکھوں لوگوں کو قابو کرلیا ہے اب سب ٹھیک ہوجائیگا--------- لیکن تاریخ بتاتی ہے کہ کوئی بھی برین ڈرین برلن وال بنانے سے نہیں رکا بلکہ تب رکا جب نو نومبر 1989 کو عوامی احتجاج کا احترام اور میڈیا کو آزاد کرتے ہویے یہ وال گرا دی گئی ' جب پورے جرمنی میں جمہوری پالیسیاں اپنائی گئیں اور جمہور کو چپ کروانے کی بجاے اعتراض کرنے کے مواقع فراہم کیے گیے اور پھر اس جمہوری اعتراض کی روشنی میں عوام دوست پالیسیاں بنائی گئیں ' جن سے معیشت بھی بہتر ہوئی اور برین ڈرین کا بھی خاتمہ ہوگیا - کاش آج پاکستان کے سٹالن اور گنٹر شبوسکی بھی عوام کے اعتراض کو "پروپیگنڈا اور سازش " قرار دینے کی بجاے اپنے کومیونسٹ اور آمرانہ رویوں پر غور کریں تاکہ اس ملک میں "فسطایت اور جبر " کی "برلن وال " گر جائے اور اس کے نوجوانوں کا " برین ڈرین " رک جائے کیوں کہ اس وال کو گراے بغیر نہ سیاسی استحکام آئیگا ' نہ معیشت بہتر ہوگی اور نہ ہی یہ برین ڈرین رکے گا - "قلم کی جسارت وقاص نواز " #BerlinWallCannotStopBrainDrain ---------------------------------------------------- @ImranARaja1 @MJibranNasir @HamidMirPAK @MoeedNj @MeherBanoQ @MalBokhari @noshigilani @drfaranahmad @Ijazwani @akhan4pakistan @MunizaeJahangir @gauharq

منہ پر کالی بوری ڈالنا بھول گئے