لمن يبحث عن عمل: عبي النموذج اللي تحت و راح ارسلها لجميع الجهات الي تتواصل معي وتبحث عن موظفين ( قطاع حكومي أو شبه حكومي - قطاع خاص ).. تقدر تقدم وكذلك ترفق سيرتك الذاتية ، عبر الرابط forms.gle/8wpEqhPdXduXkX657 #وظائف

وليش تحط امالك كلها في هالشركة لازم تتطور وتتعلم وتقوي نفسك ولغتك الانجليزية عشان ما تتورط اذا انهوا عقدك وبتلاقي فرص كثيره …. امانك الوظيفي انت من تصنعه

المنشأة توظف السعودي ولازم يكون راتبه في قوى والتامينات 5 الاف ولازم تلتزم المنشأة انها ما تفصله خلال فترة التجربة وبعدها ينزل لهم الدعم بشكل شهري على حسابهم البنكي واول ما يتم انهاء عقد الموظف ينقطع عليه الدعم

بالعكس كلامك خاطئ في تفتيش الكتروني و منشأت جاتها مخالفات بمبالغ كبيره واذا ما التزمت المنشأة بتتعطل خدمات عليه من ضمنها انه ما يقدر يوظف غير سعودي ولا يقدر يستقدم من برا

المفترض السعودي يستغل الدعم ويتعلم ويكسب الخبره وحتى لو فصل تكون خبرته قوية وبيلاقي فرص أكثر

كل نظام له سلبيات وايجابيات بس مو عشان له سلبيات ما تطبقه بالعكس البرنامج ايجابياته اكثر بكثير من سلبياته انه يساعد في توظيف السعودي وكذلك يكسب خبره تساعده انه يبحث عن الافضل

ايه نعم ليش لا فيه شباب وبنات سعوديين وظفناهم وطلبنا دعم وانتهى الدعم ولا زالوا موجودين وفيه ناس وظفناهم بدون دعم ليس هو المقياس الرئيسي بالنسبة لي عشان اوظف سعودي لازم يكون مدعوم

ما عاد لكم عذر يالقطاع الخاص الدولة الله يعزها رفعت دعم رواتب السعوددين ارفع راتب السعودي واطلب الدعم 🇸🇦

كلام دقيق وصحيح ١٠٠٪، وقدّمت الخلاصة النظامية بدقة. نظام وزارة الموارد البشرية والتنمية الاجتماعية لا يجبر المنشأة إجباراً مباشراً بزيادة راتب كل موظف، ولكنه يضع "شرطاً تنظيمياً" ذكياً: إذا كان راتب الموظف السعودي أقل من الحد الأدنى (٥,000 ريال ثم ٦,000 ريال)، فلن تحتسبه الوزارة "كعامل سعودي كامل" في نسب التوطين ببرنامج نطاقات. ولأن المنشآت بحاجة ماسة لتحقيق نسب التوطين المطلوبة وتجنب النزول في النطاقات الضعيفة، فإنها تضطر غالباً لرفع الأجور لتصل للحد الأدنى المعتمد وتضمن احتساب الموظف بشكل كامل.

اقراوا الاسئلة الشائعة في موقع الوزارة وتحت في الصورة ارفقتها لكم وهو تأكيد على كلامي x.com/HRSD_SA/status/2114424… أمنيتي والله أنه الكل ما يقل راتبه عن 6 الاف لكن لازم نفهم النظام عشان ما ننصدم وانا قلت هذا الكلام لانه كثير يكلمني يقولون نبي نشتكي عشان ما رفعوا رواتبنا فحبيت اوضح الصورة للنأس وبرضو هاذي دعوة للقطاع الخاص للتجاوب ورفع رواتب السعوديين وأغلب أصحاب الاعمال فيهم خير وسيتجاوبون وسلامتكم 💐

صباح الخير 🌞

تذكرون هذا اللقاء في 2021 قال ولي العهد انه الخطة الحالية هي رفع نسب التوطين واذا حققنا ذلك سوف يتم تحسين الرواتب وها هو ينفذ وعده 🇸🇦

زيادة الحد الادنى في رواتب السعوديين في القطاع الخاص في يونيو 2027 الى 5 الاف وفي يناير 2028 الى 6 الاف ريال 🇸🇦🇸🇦

كفووووو 📍📍 رفع الحد الادنى للسعوديين في القطاع الخاص من 4 الاف الى 5 الاف ومن بعدها الى 6 الاف 🇸🇦

مبالغات حقين البرنامج الأزرق 🤓😂 الحمد لله على حصولي على البطاقة الجديدة الخاصة بالعمل 🪪🏆 بفضل الله ومنّته حصلت على جائزة أول موظف يحضر للعمل مبكراً 🥇 بتوفيق الله تم نقل مكتبي من الدور الأرضي إلى الدور الأول 🚀 يسعدني أن أبشركم بتعييني سفيراً للأتمتة في قسمي 🎖️ بكل فخر أتممت اليوم 100 يوم دون التأخر عن تسجيل الحضور والانصراف 👏 تشرفت اليوم باستلام شهادة شكر وتقدير على سرعة الرد على الإيميلات 🏅 عطونا مبالغات أكثر شفتوها في البرنامج الأزرق 😂👇

المنشأة تقدر تجبر الموظف يتمتع في اجازته بشرط ابلاغه قبلها ب 30 يوم واذا عاندت وداومت وقلت ما ابيها بتروح عليك المادة 109 من نظام العمل

عزيزي المدير لا تعقد اجتماع بدون أجندة واضحة ⏰ قبل أي اجتماع تأكد من 3 أشياء ✅ تحديد المواضيع اللي بتناقشونها ✅ تخصيص وقت محدد لكل موضوع ✅ إرسال الأجندة للحاضرين قبل الاجتماع بوقت كافٍ عشان يستعدون غير كذا أنت ما تدير اجتماع أنت تضيع وقتك ووقت فريقك ووقت المنشأة 😇 تذكر أن نجاح الاجتماع يقاس بنتائجه مو بطول مدته

في أحد الاستشارات تواصلت معي موظفة موارد بشرية وسألتني هل انهاء العقد دون سبب مشروع فيه فترة إشعار قلت لها كيف بالله عليك موظفة HR وتقولين كذا وردت علي تقول انه محامي الشركة قالي فيها فترة إشعار استناداً للمادة 75 من نظام العمل صدمة 🤕😬

الله يقويكم 🇸🇦🇸🇦

الان تقدر تصدر تعريف بالراتب وتصدقه برضو من الغرفة التجارية وكلها عن طريق قوى 👍

أكبر مشكلة صدّرها لنا بعض العمال غير السعوديين في سوق العمل؟ هي ثقافة أن الموظف لازم يكون متاح 24 ساعة! والحقيقة أن كثير منهم ما اختاروا هذا الشيء برغبتهم بل بسبب خوفهم من فقدان وظائفهم والعودة إلى بلدانهم ومع الوقت اعتاد بعض أصحاب العمل على هذا الوضع وأصبحوا يفضلون الموظف المتاح طوال الوقت على الموظف السعودي الذي يطالب بحقه في الراحة حتى أصبح البعض يعتقد أن من حقه التواصل مع الموظف وتكليفه بالعمل في أي وقت ونسي أن عقد العمل لا يعني امتلاك حياة الموظف بل الاستفادة من وقته خلال ساعات العمل النظامية المشكلة ليست في جنسية العامل بل في ثقافة عمل جعلت التنازل عن الحقوق ميزة وظيفية هل تتفقون معي؟