📍 #ठाणे | निरोप घेतो देवा आता आज्ञा असावी... चुकले आमचे काही क्षमा असावी... ठाण्यातील किसन नगर येथील जनजागृती सार्वजनिक गणेशोस्तव मंडळ आणि किसन नगर नंबर -२ सार्वजनिक गणेशोस्तव मंडळाच्या वतीने आयोजित केलेल्या श्री गणेशाची उत्तरपूजा आज संपन्न झाली. यावेळी गणपती बाप्पाची भक्तीभावाने आरती करण्यात आली. श्री गणेशाचे आशीर्वाद सदैव सोबत रहावे, सर्वांच्या आयुष्यात सुख, समृद्धी, भरभराट, आनंद यावा तसेच सर्वांच्या दुःख, अडचणी, चिंता दूर व्हाव्यात. काही चुकले माकले असल्यास देवा गजाननाने क्षमा करावी असे सांगत साश्रू नयनांनी त्याला निरोप दिला. यावेळी शिवसेनेच्या वतीने बाळगोपाळांना मोफत वडा पाव वाटप करण्यात येते. या वडा पाव स्टॉलला भेट देऊन सर्वांना वडा पावचे वाटप केले. यावेळी मंडळाचे कार्याध्यक्ष ज्येष्ठ नगरसेवक राम रेपाळे, नगरसेवक प्रकाश शिंदे, विभागप्रमुख सुनील मोरे तसेच #शिवसेना लोकप्रतिनिधी, पदाधिकारी, शिवसैनिक, मंडळाचे कार्यकर्ते व भक्तगण मोठ्या संख्येने उपस्थित होते. #Shivsena #Thane #गणपती #बाप्पा #मोरया #गणेशोत्सव२०२६ #Ganeshotsav2026 #EknathShinde #Maharashtra

📍 सिंहगड, #पुणे | गणेशोत्सवानिमित्त आज ज्येष्ठ अभिनेते आणि नाम फाउंडेशनचे सर्वेसर्वा नाना पाटेकर यांच्या पुण्यातील सिंहगड किल्ल्याच्या पायथ्याजवळ असलेल्या नानाच्या वाडीला भेट देऊन तिथे विराजमान झालेल्या श्री गणेशाचे मनोभावे दर्शन घेतले. यावेळी राज्यातील दुष्काळी परिस्थिती आणि त्यावर करायच्या विविध उपाययोजना तसेच शेतकऱ्यांना मदत करण्यासाठी नाम फाऊंडेशन आणि महाराष्ट्र शासन यांच्या माध्यमातून काय काय करता येणे शक्य आहे याबाबत आमची सविस्तर चर्चा झाली. यावेळी नाना यांचा मुलगा मल्हार पाटेकर, पत्नी नीलकांती पाटेकर तसेच पाटेकर कुटुंबातील अन्य सदस्य तसेच आजूबाजूचे ग्रामस्थ, नानांचे आणि माझे सहकारी उपस्थित होते. #NanaPatekar #Pune #गणपती #बाप्पा #मोरया #गणेशोत्सव२०२६ #Ganeshotsav2026 #EknathShinde #Maharashtra @nanagpatekar

📍 #ठाणे | सिंहवाहिनी, आदिशक्ती तू, विश्वाची माऊली... तुझ्या कृपेची आम्हावरी लाभो सदा सावली... वंदनीय गुरुवर्य धर्मवीर आनंद दिघे साहेबांच्या प्रेरणेने आणि आशीर्वादाने सुरू करण्यात आलेल्या ठाण्यातील टेंभीनाका येथील 'श्री जय अंबे माँ सार्वजनिक नवरात्रोत्सव मंडळा'च्या देवीचा मंडप पूजन सोहळा आज मोठ्या उत्साहात आणि भक्तीमय वातावरणात संपन्न झाला. यंदा मंडळाचे हे ४८वे वर्ष असून यंदा देवीसाठी देवभूमी उत्तराखंड येथील श्री बद्रीनाथ मंदिराची प्रतिकृती उभारण्यात येणार आहे. आज मंडप पूजन सोहळा पार पडल्यानंतर देवीच्या भव्य मंडपाच्या उभारणीला सुरुवात होणार आहे. यावेळी खासदार नरेश म्हस्के, आमदार संजय केळकर, आमदार रवींद्र फाटक, शहरप्रमुख हेमंत पवार, महापौर शर्मिला पिंपळोलकर, उपमहापौर कृष्णा पाटील, गटनेते पवन कदम, नगरसेवक संजय वाघुले, राजेश मोरे, सुधीर कोकाटे, शिवसेना राज्य संघटन प्रमुख आनंद परांजपे, ठाणे जिल्हा महिला संघटिका सौ.मीनाक्षी शिंदे, नौपाडा प्रभाग समिती सभापती सौ.मीनल संख्ये, माजी परिवहन समिती सभापती विलास जोशी, कमलेश चव्हाण, निखिल बुडजडे, जॅकी भोईर, स्वानंद पवार, किरण नाकती, बाळा गवस शिवसेना प्रवक्ते राहुल लोंढे तसेच #शिवसेना लोकप्रतिनिधी, पदाधिकारी, शिवसैनिक आणि भक्तगण मोठ्या संख्येने उपस्थित होते. #Shivsena #Thane #नवरात्र #नवरात्रोत्सव #Navratri #EknathShinde #Maharashtra