மாண்புமிகு @CMOTamilnadu திரு.ச.ஜோசப் விஜய் அவர்கள், இன்று தன்னுடைய தேர்தல் பிரச்சாரத்தின் போது, ஜெம் கிராணைட் வீரமணி தொடர்பான பாலியல் வழக்குகள் திமுக ஆட்சிக் காலத்தில் முடித்து வைக்கப்பட்டதாகக் கூறியுள்ளார். குற்றம் செய்தவர்கள் யாராக இருந்தாலும், அவர்கள் தண்டிக்கப்பட வேண்டும் என்பதில் எவ்வித மாற்றுக்கருத்தும் இல்லை. தங்களது கடமையை முறையாகச் செய்யத் தவறிய எந்த காவல்துறை அதிகாரிகளாக இருந்தாலும், அவர்கள் மீதும் கடுமையான நடவடிக்கை எடுக்கப்பட வேண்டும். இந்த சர்ச்சைக்குரிய காவல்துறை அறிக்கை 20.2.2026 அன்று குற்றவியல் நடுவர் முன் தாக்கல் செய்யப்பட்டுள்ளது. எனினும், கூடுதல் ஆதாரங்கள் அல்லது தகவல்கள் கிடைத்தால், மீண்டும் குற்றவியல் நடுவரை அணுகுவதற்கான வாய்ப்பும் வழங்கப்பட்டுள்ளது. இருப்பினும், 2026 மே மாதம் மாண்புமிகு முதலமைச்சராக பொறுப்பேற்றதில் இருந்து உள்துறையை தன் வசம் வைத்திருக்கும் திரு.ச.ஜோசப் விஜய் அவர்கள், ஜூன் 18,2026 வரை அந்தச் சர்ச்சைக்குரிய காவல் துறை அறிக்கையைத் திரும்பப் பெறவோ அல்லது மேல் விசாரணைக்காக மனுத் தாக்கல் செய்யவோ இல்லை. ஏன் மாண்புமிகு முதலமைச்சர் அவர்களே? ஜூன் 19, 2026 அன்று இந்த வழக்கு விசாரணைக்கு வந்தபோது, வழக்கை முடித்துவைக்க வாதிட்டது உங்களுடைய அரசுத்தரப்பு வழக்கறிஞர்தான். ஆனால், உங்கள் அரசு வழக்கறிஞரின் வாதங்களை போக்சோ நீதிமன்ற நீதிபதி ஏற்றுக்கொள்ளவில்லை. மேலும், அடுத்த நான்கு வாரங்களுக்குள் மேல்விசாரணை நடத்துமாறு உத்தரவிட்டது போக்சோ நீதிமன்ற நீதிபதிதான் என்பதை நினைவில் கொள்ளுங்கள். ஆனால், அதற்கான பெருமையைத் தாங்கள் எடுத்துக்கொள்ளவோ, அல்லது இதனை வைத்து அரசியல் செய்யவோ வேண்டாம்.. ஏனெனில், நீங்கள் இந்த வழக்கில் எந்த குறிப்பிடத்தகுந்த நடவடிக்கையையும் மேற்கொள்ளவில்லை! பாதிக்கப்பட்டவர்களின் அடையாளங்கள் பாதுகாக்கப்பட்டு, அவர்களுக்கு நீதி வழங்கப்பட வேண்டும் என்பதே அனைவரது கருத்தும் – விருப்பமும் ஆகும். எனவே இந்த விவகாரத்தில் உங்களின் வீர வசனம் எதுவும் தேவையில்லை! ( போக்சோ சிறப்பு நீதிமன்றத்தின் உத்தரவு, நீதிமன்ற இணையதளத்தில் பதிவேற்றப்பட்டுள்ள இணையப் பிரதியில் குறிப்பிடப்பட்டுள்ளபடி 19.06.2026 தேதியிட்டதாகும். ஆனால், நீதிமன்றத்தால் வழங்கப்பட்ட பிரதியில், உத்தரவின் தேதி தவறுதலாக 19.10.2026 என தட்டச்சுப் பிழையுடன் குறிப்பிடப்பட்டுள்ளது. இந்தத் தட்டச்சுப் பிழையைத் தெளிவுபடுத்தும் வகையில், நீதிமன்றத்தால் வழங்கப்பட்ட உத்தரவின் முழுப் பிரதியையும், சரியான தேதி 19.06.2026 எனக் காட்டும் இணையப் பிரதியையும் இணைத்துள்ளேன். )

Addressing the annual Mupperum Vizha event at Kalaignar Arangam at the DMK headquarters, Hon'ble Party President Thalaivar @mkstalin said that “Tamil Nadu has turned into a hunting ground for criminals. Under the current incompetent TVK Government, the only competition is between two things: power cuts and sickle cuts (murders and murder attacks). “Every day, there are murders to the extent that it is difficult to keep count, and Tamil Nadu has become a 'hunting ground for criminals."

வெளிநாட்டு நிதி பங்களிப்பு (ஒழுங்குமுறை) திருத்த மசோதா – 2026 குறித்து ஆய்வு செய்ய அமைக்கப்பட்ட நாடாளுமன்ற கூட்டுக் குழுவின் முதல் கூட்டத்தில் கலந்து கொண்டேன். இக்கூட்டத்தில், உள்துறை அமைச்சகத்தின் பிரதிநிதிகள் இம்மசோதா குறித்து குழுவின் முன் விளக்கமளித்தனர். திராவிட முன்னேற்றக் கழகத்தின் தலைவர் தளபதியார் திரு. மு.க. ஸ்டாலின் @mkstalin அவர்களின் அறிவுறுத்தலின்படி, கழகத்தின் துணைப் பொதுச்செயலாளரும் – நாடாளுமன்ற உறுப்பினருமான திரு. ஆ.ராசா @dmk_raja , எம்.பி.,அவர்களுடன் இணைந்து, இந்தக் குழுவின் தலைவர் திரு. சஞ்சய் ஜெய்ஸ்வால், எம்.பி., அவர்களுக்கு ஒரு கடிதத்தை அனுப்பியுள்ளோம். அதில், குழுவின் நடவடிக்கைகளில் வெளிப்படைத்தன்மையை உறுதி செய்ய வேண்டும் என்றும், சாட்சிகளின் பட்டியல் மற்றும் பிற ஆவணங்களை முன்கூட்டியே உறுப்பினர்களுக்கு வழங்க வேண்டும் என்றும் வலியுறுத்தியுள்ளோம். மேலும், நாடு முழுவதும் உள்ள பல்வேறு தரப்பினரின் பரவலான பங்கேற்பை உறுதி செய்வதுடன், கணிசமான சிறுபான்மை மத சமூகங்கள் வசிக்கும் மாநிலங்களின் பிரதிநிதித்துவத்தையும் குழுவின் ஆலோசனை நடைமுறையில் உறுதி செய்ய வேண்டும் என்றும் கோரியுள்ளோம்.

மதுரை மீனாட்சி அம்மன் குடமுழுக்கு விழாவில் மாண்புமிகு சென்னை உயர்நீதிமன்ற தலைமை நீதிபதி அவர்கள் அவமதிப்பு செய்யப்பட்டதையும், அது தொடர்பாக மாண்புமிகு அமைச்சர் திருமதி.ஜெகதீஸ்வரி அவர்கள் தெரிவித்த சில கருத்துகளையும் ஊடகங்கள் செய்தியாக வெளியிட்டுள்ளன. இந்தச் செய்திகள் உண்மையெனில், இத்தகைய ஆணவப் போக்கிற்கு அரசியலமைப்புச் சட்டத்தால் இயங்கும் ஜனநாயகத்தில் எந்த இடமும் இல்லை. தலைமை நீதிபதி என்பவர் நாட்டின் மூன்று முக்கிய அங்கங்களில் ஒன்றான நீதித்துறைக்குத் தலைமை வகிப்பவர் ஆவார். நெறிமுறை அடிப்படையில் எடுத்துக்கொண்டால், ஆளுநர், முதலமைச்சர் மற்றும் சபாநாயகர் ஆகியோருக்குப் பிறகு தலைமை நீதிபதி இடம்பெறுகிறார். மற்ற அமைச்சர்கள் மற்றும் ஆளும் கூட்டணியைச் சேர்ந்த நாடாளுமன்ற உறுப்பினர்கள் மற்றும் சட்டமன்ற உறுப்பினர்கள் உள்ளிட்டோருக்கு முன்வரிசையில் இருக்கைகள் வழங்கப்பட்ட நிலையில், நீதித்துறையின் தலைமைப் பொறுப்பில் இருப்பவர் அவமதிக்கப்பட்டது துரதிர்ஷ்டவசமானது. எல்லாவற்றிற்கும் மேலாக, அருள்மிகு மீனாட்சி அம்மன் குடமுழுக்கு விழாவைக் காணும் வாய்ப்பு மறுக்கப்பட்டதன் மூலம் பக்தர்களும் அவமதிக்கப்பட்டுள்ளனர். மேலும், அவர்கள் புனித நீரான தீர்த்தத்தைப் பெற்றுக்கொள்ளவும் அனுமதிக்கப்படவில்லை. இந்த விவகாரம் தொடர்பாக மாண்புமிகு முதலமைச்சர் அவர்கள் தனிப்பட்ட முறையில் மன்னிப்பு கோர வேண்டும். மேலும், இதுபோன்ற சம்பவங்கள் எதிர்காலத்தில் மீண்டும் நடைபெறாமல் இருப்பதை உறுதி செய்ய வேண்டும்.

செப்டம்பர்-17 சமூகநீதி நாள் பகுத்தறிவை விதைத்து, சுயமரியாதையை வளர்த்து, சமூகநீதிக்காக வாழ்நாள் முழுவதும் குரல் கொடுத்த “தந்தை பெரியார்” அவர்களின் பிறந்தநாளில் அவர்தம் பெரும்புகழினைப் போற்றுகிறேன். @mkstalin @Udhaystalin @arivalayam @aifsoj