शेटफळगढे (ता. इंदापूर, जि. पुणे) येथील श्री नागेश विद्यालय व ज्युनिअर कॉलेज आणि रयत इंग्लिश मिडियम स्कूलच्यावतीने आयोजित करण्यात आलेल्या थोर शिक्षणमहर्षी आणि ‘रयत’चे संस्थापक, पद्मभूषण डॉ. भाऊराव पाटील यांच्या जयंती सोहळ्याला उपस्थित राहून मार्गदर्शन केलं. 'कमवा व शिका' या स्वावलंबी शिक्षणाचा मार्ग दाखवून बहुजन समाजातील शेवटच्या घटकांपर्यंत शिक्षणाची गंगा पोहोचवण्याचं पवित्र कार्य कर्मवीर भाऊराव पाटील यांनी केलं. रयत शिक्षण संस्थेच्या माध्यमातून दुर्गम भागात शाळा आणि वसतिगृहांचे जाळं निर्माण केलं. त्यांचं हे महान शैक्षणिक आणि सामाजिक कार्य आजही आपल्या सर्वांसाठी दीपस्तंभासारखे कायम मार्गदर्शक राहील आणि त्यांनी घालून दिलेल्या मार्गाने जाण्याचा कायम प्रयत्न करणं हीच त्यांना आज आदरांजली ठरेल, अशा भावना यावेळी व्यक्त केल्या. ‘रयत’चे सहसचिव बी. एन. पवार, सुभाष आबा गुळवे, प्रसिद्ध व्याख्याते प्रा. मानाजी गावडे, प्रा. जितेंद्र गावडे यांच्यासह शिक्षक, पालक, पदाधिकारी आणि कार्यकर्ते यावेळी उपस्थित होते.

राज्यातील शेतकरी दुष्काळाच्या आगीत होरपळत असताना या शेतकऱ्यांना तातडीने मदत देण्याऐवजी हे सरकार औपचारिकता पूर्ण करण्यात वेळ घालवत आहे. त्यामुळं या सरकारला जागं करण्यासाठी राज्यातील शेतकरी, शेतमजूर यांना भरीव मदत मिळावी या मागणीकडं लक्ष वेधण्यासाठी आदरणीय पवार साहेबांच्या आशीर्वादाने आ. संदीप भैय्या क्षीरसागर यांच्या मार्गदर्शनाखाली बीडमध्ये शेतकऱ्यांचा विराट आक्रोश मोर्चा काढण्यात आला. या मोर्चाला उपस्थित राहून शेतकऱ्यांशी संवाद साधला. मुख्यमंत्र्यांनी मागील वर्षी जाहीर करुनही शेतकऱ्यांना अद्याप हेक्टरी १७ हजार रुपये पीक विम्याची रक्कम मिळाली नाही. ही रक्कम मिळण्यासोबतच यंदा पीक विम्याची १०० टक्के नुकसानभरपाई तसंच शेतकऱ्यांना हेक्टरी ५० हजार रुपये, शेतमजूरांना प्रती कुटुंब २५ हजार रुपये आणि सरसकट मदत देण्याची मागणी यावेळी केली. येत्या पंधरा दिवसांत ही मागणी पूर्ण केली नाही तर समृद्धी महामार्गावर शेतकऱ्यांचं विराट आंदोलन करुन हा महामार्ग बंद पाडण्यात येईल, असा इशाराही यावेळी सरकारला दिला. यावेळी आ. संदिप क्षीरसागर जी, मा. आ. चंद्रकांत दानवे जी, मा. आ. संजय वाघचौरे जी, मा. आ. सय्यद जी सलीम, मा. आ. पृथ्वीराज साठे जी, मा. आ. उषाताई दराडे, सक्षणाताई सलगर, रविकांत वरपे, विद्यार्थी आघाडीचे प्रदेशाध्यक्ष सुशील बोर्डे, हेमाताई पिंपळे, जगन्नाथ काकडे, प्रदेश सरचिटणीस पंकजनाना बोराडे, मोहनराव जगताप, डॉ. नरेंद्र काळे, भगवान आलेगावकर, डॉ. प्रतापसिंह पाटील, संजय शेटे, पांडुरंग तांगडे पाटील, संजय शेटे, अजय गव्हाणे, राजाभाऊ फड, राजाभाऊ देशमुख, बबलू चौधरी, अतुल गव्हाणे, संजय काळबांडे, राजेंद्र म्हस्के यांच्यासह स्थानिक पदाधिकारी, कार्यकर्ते, सामाजिक संघटनेचे प्रतिनिधी आणि शेतकरी बांधव मोठ्या संख्येने उपस्थित होते. #दुष्काळ_जाहीर_करा #शेतकरी_आक्रोश_मोर्चा #जालना #पीक_नुकसान