पोलिस भरतीचा पेपर फुटला @Dev_Fadnavis साहेब आपण ग्रहमंत्री आहात या प्रकरणाकडे गांभीर्याने घ्या आणि याची सखोल चौकशी करा.यात काही क्लास चालक तसेच अधिकारी सहभागी आहेत. हा योगायोग नसून जाणूनबुजून पेपर फुटीचा प्रकार आहे. यावर एक SIT नेमून याची चौकशी करा ही नम्र विनंती @DGPMaharashtra

*विद्यार्थ्यांच्या हक्कांसाठी आता निर्णायक लढा.* MPSC विद्यार्थ्यांच्या विविध मागण्यांसाठी २ ऑक्टोबरला पुण्यात सत्याग्रह आयोजित करण्यात आला आहे. परीक्षा प्रक्रिया पारदर्शक आणि निष्पक्ष असावी, विद्यार्थ्यांच्या मागण्यांवर तातडीने विचार व्हावा, यासाठी हा सत्याग्रह आहे. महाराष्ट्रातील सर्व MPSC विद्यार्थ्यांनी मोठ्या संख्येने सहभागी होऊन या लढ्याला बळ द्यावे. 📅 २ ऑक्टोबर २०२६ ⏰ सकाळी १० वाजता 📍 एस. एम. जोशी पूल, पुणे एकजुटीने उभे राहूया… विद्यार्थ्यांच्या हक्कांसाठी आवाज बुलंद करूया. #MPSC #MPSCविद्यार्थी #विद्यार्थीआंदोलन #सत्याग्रह #पुणे

MPSC परीक्षेसाठी बसणाऱ्या विद्यार्थ्यांच्या मागण्या पुन्हा एकदा राज्यपाल महोदयांसमोर पत्राद्वारे ठेवल्या आहेत. सातत्याने होणारी पेपरफुटी आणि त्यामुळे विद्यार्थ्यांना होणारा त्रास ह्यावर तोडगा काढणे गरजेचे आहे. सद्यस्थितीला सरकारकडून विद्यार्थ्यांना फक्त खोटी आश्वासने मिळत आहेत!

MPSC विद्यार्थ्यांच्या प्रश्नांवर काँग्रेस पक्ष ठामपणे विद्यार्थ्यांच्या पाठीशी! काँग्रेस पक्षाचे नेते व माजी मंत्री, आमदार विश्वजीत कदम यांनी काल सायंकाळी MPSC च्या सुमारे ५०–६० विद्यार्थी व प्रमुख विद्यार्थी कार्यकर्त्यांची भारती भवन, पुणे येथे भेट घेऊन त्यांच्या विविध प्रश्नांवर सविस्तर चर्चा केली. यावेळी विद्यार्थ्यांनी औषध निरीक्षक परीक्षेतील पेपरफुटी, गट-क परीक्षा तसेच राज्यसेवा परीक्षेतील उत्तरपत्रिका तपासणी व गुणांमध्ये आढळणाऱ्या कथित तफावतीसह अनेक गंभीर बाबी निदर्शनास आणून दिल्या. औषध निरीक्षक पेपरफुटी प्रकरणाच्या तपासात MPSCच्या अवर सचिव पदावरील अधिकाऱ्यांसह वरिष्ठ पातळीवरील व्यक्तींवर कारवाई झाल्याने, त्यांच्या कार्यकाळात घेण्यात आलेल्या इतर परीक्षांबाबतही विद्यार्थ्यांकडून प्रश्न उपस्थित केले जात आहेत. या पार्श्वभूमीवर MPSCचे अध्यक्ष विवेक भीमनवार यांनी नैतिक जबाबदारी स्वीकारून राजीनामा द्यावा, अशी मागणी विद्यार्थ्यांनी केली आहे. या मागणीसाठी पुण्यात व्यापक विद्यार्थी आंदोलन 2 ऑक्टोबर रोजी स. 10 वाजता एसएम जोशी मार्ग, पत्रकार भवन जवळ, पुणे येथे सुरु करण्याचा निर्णय झाला आहे. विद्यार्थ्यांच्या न्याय्य मागण्यांसाठी काँग्रेस पक्ष त्यांच्या पाठीशी खंबीरपणे उभा राहील, असा ठाम विश्वास आमदार विश्वजीत कदम यांनी यावेळी विद्यार्थ्यांना दिला. या बैठकीला महाराष्ट्र प्रदेश काँग्रेस कमिटीचे सरचिटणीस भाऊसाहेब आजबे, सरचिटणीस अमीर शेख आणि NSUIचे प्रदेश उपाध्यक्ष अक्षय कांबळे उपस्थित होते. @vishwajeetkadam

#MPSC च्या विद्यार्थ्यांनी घोषित केलेल्या आंदोलनासंदर्भात चर्चा करण्यासाठी पुण्याचे पोलीस आयुक्त अमितेश कुमार साहेबांनी चर्चेला बोलावल्यानुसार विद्यार्थी प्रतिनिधींसोबत त्यांची भेट घेऊन चर्चा केली. गेले बारा दिवस पोलीस दलावर गणेशोत्सवाच्या बंदोबस्ताचा प्रचंड ताण असल्याने २७ सप्टेंबर रोजी होणारं आंदोलन पुढे ढकलण्याची विनंती त्यांनी केली. त्यांच्या विनंतीचा मान राखत आणि पोलीस दलावर अधिक ताण नको म्हणून २७ सप्टेंबरऐवजी ज्यांनी जगाला सत्याग्रहाचा मार्ग दाखवला, त्या महात्मा गांधी यांच्या जयंतीच्या दिवशी म्हणजेच शुक्रवार, दि. २ ऑक्टोबर रोजी विद्यार्थीही सत्याग्रह करणार आहेत. या सत्याग्रहाला सुरुवात झाल्यानंतर MPSC च्या भ्रष्ट अध्यक्षांचं विसर्जन झाल्याशिवाय माघार नाही, असा निर्धारच आज विसर्जन होत असलेल्या गणरायाच्या साक्षीने विद्यार्थ्यांनी केला. विशेष म्हणजे, पोलिसांनीही २ ऑक्टोबर रोजी आंदोलनास परवानगी देण्याची तयारी दर्शवली. त्यामुळं आता २७ सप्टेंबरऐवजी २ ऑक्टोबर रोजी पुण्यात पत्रकार संघासमोरील एस. एम. जोशी मार्गावर विद्यार्थी सत्याग्रह होणार आहे. तत्पूर्वी हा सत्याग्रह होऊ नये, अशी सरकारची इच्छा असेल, तर तो थांबवणंही सरकारच्याच हातात आहे. सरकारने विद्यार्थ्यांसोबत चर्चा करून मार्ग काढला तर चर्चेची विद्यार्थ्यांची तयारी आहे आणि त्यासाठी सोबत विद्यार्थी प्रतिनिधींची नावेही देत आहोत. किंवा #MPSC च्या भ्रष्ट अध्यक्षांच्या राजीनाम्यासह सर्व मागण्या मान्य केल्या, तर विद्यार्थी स्वतःहूनच हा सत्याग्रह थांबवतील; अन्यथा मागण्या मान्य होईपर्यंत माघार नाही. या चर्चेच्या वेळी सर्वपक्षीय प्रतिनिधी आणि विद्यार्थी उपस्थित होते. @Dev_Fadnavis @mpsc_office #MPSCविद्यार्थी_सत्याग्रह #MPSCStudents #MPSC #StudentsFirst

📌 पुणे #MPSC विद्यार्थी आंदोलनाची स्थळ पाहणी… Live nitter.net/i/broadcasts/1rxmqpnLZ…

रविवार २७ सप्टेंबर रोजी सकाळी १० वा. पुण्यात पत्रकार भवनासमोरील एस. एम. जोशी रस्ता, गांजवे चौक इथं #MPSC च्या विद्यार्थ्यांचं आंदोलन अटळ आहे… या आंदोलनाच्या स्थळ पाहणीसाठी आज (गुरुवार, दि. २४) सायंकाळी ६.१५ वाजता जाणार आहे. स्थळाबाबत विद्यार्थ्यांच्या काही सूचना असतील तर सायंकाळी प्रत्यक्ष भेटूनच चर्चा करु.

महाराष्ट्र लोकसेवा आयोगाच्या राज्यसेवा परीक्षेला बसलेल्या अनेक विद्यार्थ्यांनी वस्तुनिष्ठ प्रश्नांची म्हणजेच Objective questionsची परीक्षा पद्धती का सदोष आहे, त्यातून कसे घोळ होतात?, हा विषय पुढे आणलाय. या संदर्भात MPSC आयोगाने सुधारणा करण्याची मागणी केलीय. @mpsc_office @Mpsc_Andolan 1.) राज्यसेवा मुख्य परीक्षा पॅटर्न हा वर्णनात्मकच. (Descriptive) कायम ठेवावा. समितीने पूर्ण भारतभर असलेले इतर राज्य लोकसेवा आयोग आणि संघ लोकसेवा आयोग यांच्या परीक्षा पद्धतीचा अभ्यास करून ,त्या धरतीवर महाराष्ट्राला अधिक सक्षम अधिकारी भेटावे करिता हा डिस्क्रिप्टिव्ह पॅटर्न आणला होता तज्ज्ञ समितीने निश्चित केलेला अभ्यासक्रम व परीक्षा-पॅटर्न ही अंतिम व बंधनकारक बाब असावी. रस्त्यावरील आंदोलन अथवा तत्कालिक दबावाखाली आयोगाने निर्णय बदलणे उचित नाही. 2.) आयोगाची परीक्षा पद्धत विद्यार्थी आंदोलनांच्या दबावाखाली बदलली जाणे ही एका घटनात्मक स्वायत्त संस्थेच्या विश्वासार्हतेलाच सुरुंग लावणारी बाब आहे. रस्त्यावरील दबावाखाली धोरण ठरणे, हे सुशासनाचे लक्षण नव्हे. 2025 नंतर हजारो विद्यार्थी वर्णनात्मक पॅटर्ननुसार अभ्यास करत आहेत कुठलाही बदल त्यांच्यावर अन्याय करणारा राहील. आयोगाने कुठल्याही एखाद्या विद्यार्थी गटाच्या दबावांमध्ये येऊन पॅटर्न बदलणे उचित नाही 3.) आज पुन्हा वर्णनात्मक ऐवजी वस्तुनिष्ठ (Objective) पॅटर्न आणण्याची मागणी होत आहे . हा प्रश्न "सोयीचा" नसून "गुणवत्तेचा" आहे. आयोगाने ठरवायचे आहे की सक्षम प्रशासकीय अधिकारी घडवायचे आहेत, की केवळ परीक्षा पार करणारे उमेदवार निवडायचे आहेत? आजची मागणी मान्य केल्यास उद्या दुसरा गट थेट परीक्षा रद्द करण्याचीही मागणी करू शकतो तेव्हाही आयोग तेच ऐकणार का? ही घसरण कुठेतरी, आणि आजच, थांबवावी लागेल. पुढील दशकात महाराष्ट्राला मिळणाऱ्या प्रशासकीय अधिकाऱ्यांची गुणवत्ता थेट धोक्यात येईल आणि त्याचे परिणाम शेवटी सर्वसामान्य जनतेलाच भोगावे लागतील. विद्यार्थी संघटना नेहमीच सुलभ परीक्षा-पद्धतीची मागणी करत राहतील पण तोच निर्णयाचा आधार असू शकत नाही. 4.) वर्णनात्मक पॅटर्नची गुणवत्तात्मक आवश्यकता : लेखन-कौशल्य वस्तुनिष्ठ (MCQ) परीक्षेतून तपासताच येत नाही; ते फक्त वर्णनात्मक परीक्षेतूनच तपासले जाते. नीतिशास्त्र, सचोटी व कठीण प्रशासकीय पेचप्रसंगांतील नैतिक निर्णयक्षमता फक्त वर्णनातूनच मोजता येते. राष्ट्रीय स्तरावर दशकानुदशके सिद्ध झालेले मॉडेल हेच आहे . UPSC आणि इतर राज्याचे लोकसेवा आयोग मध्येही पूर्व परीक्षा (Prelims) फक्त चाळणीसाठी वस्तुनिष्ठ आहे, तर अंतिम निवडीसाठी मुख्य परीक्षा (Mains) पूर्णतः वर्णनात्मकच आहे. महाराष्ट्राने वर्णनात्मक पॅटर्न कायम ठेवणे हे देशातील सर्वोच्च व सर्वाधिक विश्वासार्ह निवड-यंत्रणेचेच अनुसरण आहे. 5.) महाराष्ट्रीय विद्यार्थ्यांच्या UPSC यशाबाबत डांगे समितीसंदर्भात आम्हाला असे निदर्शनास आले आहे की मा. मुख्यमंत्री महोदयांनी महाराष्ट्रातील विद्यार्थ्यांचा UPSC परीक्षेतील यशाचा टक्का कसा वाढवता येईल, यासाठी स्वतंत्र "डांगे समिती" नेमली आहे. या संदर्भात आमचे असे निवेदन आहे की, सन 2025 पर्यंत MPSC राज्यसेवा (वस्तुनिष्ठ) व UPSC (वर्णनात्मक) यांचा अभ्यासक्रम वेगवेगळा असल्याने विद्यार्थ्यांना दोन्ही परीक्षांची एकत्रित तयारी करणे अवघड जात होते. आता वर्णनात्मक पॅटर्न लागू झाल्याने MPSC व UPSC च्या अभ्यासक्रमात व लेखन-कौशल्याच्या मागणीत बरेच साम्य निर्माण झाले आहे यामुळे महाराष्ट्रातील विद्यार्थ्यांना UPSC मध्येही यशस्वी होण्यास मदत होऊ शकते. वर्णनात्मक पॅटर्न रद्द करून पुन्हा वस्तुनिष्ठ पॅटर्नकडे गेल्यास, हा नुकताच निर्माण झालेला समन्वयही मोडून पडेल आणि डांगे समितीच्या मूळ उद्दिष्टालाही बाधा पोहोचेल. तज्ज्ञ समितीने निश्चित केलेला राज्यसेवा मुख्य परीक्षेचा वर्णनात्मक (Descriptive) पॅटर्न कोणत्याही रस्त्यावरील दबावाखाली न बदलता, जसाच्या तसा कायम ठेवावा. गेल्या दोन वर्षांपासून (2025-26) याच वर्णनात्मक पॅटर्ननुसार तयारी करणाऱ्या हजारो विद्यार्थ्यांवर पॅटर्न बदलामुळे अन्याय होणार नाही, यासाठी आपल्याला लढायचं आहे.

रोहित पवारांच्या आंदोलनाला परवानगी नाकारली; अलका टॉकीज चौकात आंदोलनास पोलिसांचा नकार, पर्यायी ठिकाणांचा प्रस्ताव #pune #rohitpawar #education #students lokmat.com/pune/permission-d…

आजच्या घडीला राज्यसेवा आयोगाला पेपरफुटीचं ग्रहण लागलं असून आयोगाच्या विश्वासार्हतेला तडा गेला आहे. आयोगाचे भ्रष्ट अध्यक्ष विवेक भिमनवार यांच्या राजीनाम्याशिवाय आयोगातील भ्रष्टाचाराचे क्लीनअप शक्यच नाही. भ्रष्ट अध्यक्ष विवेक भिमनवार यांचा राजीनामा घेऊन विद्यार्थ्यांना विश्वासात घेऊन स्वच्छ प्रतिमेची व्यक्ती या पदावर बसवणं, सरकारने केलेल्या घोषणेप्रमाणे ७० हजार पदांची पदभरती तत्काळ सुरु करणं, १०० रुपयात वर्षभर परीक्षा या मागण्यांसाठी विद्यार्थ्यांनी २७ सप्टेंबर पासून आंदोलन पुकारले आहे. सर्वसामान्य माणसाला केंद्रस्थानी ठेवून धोरणं आखायची असतील, सर्वसामान्य माणसाला न्याय द्यायचा असेल तर राज्याच्या सिस्टीममध्ये येणारे अधिकारी-कर्मचारी आणि त्यांची निवड करणारी यंत्रणा देखील पारदर्शक असावी लागते. त्यामुळं आयोगाला ग्रहण लावणारे भ्रष्ट अध्यक्ष विवेक भिमनवार यांचा राजीनामा गरजेचाच आहे. विद्यार्थ्यांच्या मागण्या अतिशय रास्त आहेत, त्यामुळं २७ तारखेपासून सुरु होणाऱ्या या अभूतपूर्व आंदोलनाला, विद्यार्थ्यांच्या एकजुटीला, युवाशक्तीला ताकद देण्यासाठी सर्वांनीच पाठींबा द्यावा. लोकसभेतील विरोधी पक्षनेते मा. राहुल जी गांधी, ज्येष्ठ नेते आदरणीय शरद पवार साहेब, मा. उद्धव ठाकरे साहेब हे देखील विद्यार्थ्यांच्या लढ्याच्या पाठीशी उभं राहून ताकद देतील, असा विश्वास आहे. विद्यार्थी- क्लासचालक, telegram Channel चालक यांना धमक्या आणि नोटीसा देणं पुणे पोलिसांनी थांबवावं, नोटीसा द्यायच्याच असतील तर मला द्या. विद्यार्थ्यांच्या मागण्या रास्त आहेत, त्यांच्या भविष्याचा प्रश्न आहे. त्यामुळं कितीही नोटीसा द्या, परवानगी नाकारा, कितीही दबाव टाका, कट–कारस्थानं रचा… विद्यार्थ्यांचं आंदोलन होणार… म्हणजे होणार… तारीख २७ सप्टेंबर.. सकाळी नियोजित वेळेत.. एस. एम. जोशी मार्ग.. पुणे. #MPSC #विद्यार्थी_आंदोलन #पेपरफुटी

बेरोजगारीचा कहर ! 'एमपीएससी'च्या गट-क संयुक्त पूर्व परीक्षेसाठी ११ लाख अर्ज, ५,७०० हून अधिक पदांसाठी लाखो उमेदवार, सरकारी नोकरीसाठी तरुणांमध्ये मोठी चुरस loksa.in/601kNR< येथे वाचा सविस्तर वृत्त

परवानगी नाकारली, तरी आंदोलन! रोहित पवार यांचा इशारा; ‘एमपीएससी’ अध्यक्षांच्या राजीनाम्याची मागणी loksatta.com/pune/rohit-pawa…

MPSCच्या भ्रष्ट अध्यक्षांचा राजीनामा, विद्यार्थ्यांना विश्वासात घेऊनच स्वच्छ प्रतिमेच्या नवीन अध्यक्षांची नेमणूक, सर्व परीक्षा ऑफलाइन पद्धतीने घेणे, राजस्थान सरकारच्या धर्तीवर १०० रुपयांच्या कार्डवर वर्षातील सर्व परीक्षा घेणे आणि ७० हजार पदांची भरती प्रक्रिया तातडीने सुरू करणे, या विद्यार्थ्यांच्या प्रमुख मागण्यांसाठी पुण्यात विद्यार्थी आंदोलन करणार आहेत. या आंदोलनास परवानगी द्यावी, यासाठी विद्यार्थ्यांसोबत पुणे पोलीस आयुक्तालयात सहपोलीस आयुक्त संजय दराडे साहेब यांची भेट घेऊन चर्चा केली. आंदोलनासाठी आम्ही आधी २६ सप्टेंबर ही तारीख जाहीर केली होती. परंतु, या दिवशी दुपारपर्यंत गणेशविसर्जन मिरवणूक सुरू असते आणि मिरवणुकीच्या बंदोबस्तामुळे थकलेल्या पोलिसांना त्रास नको, म्हणून आंदोलनासाठी २७ सप्टेंबर रोजी परवानगी देण्याची मागणी केली. त्यानुसार परवानगी दिली तरी आज नाही दिली रविवार, दि. २७ सप्टेंबर रोजी सकाळी १० वाजल्यापासून पुण्यात गरवारे कॉलेज ते पत्रकार संघ यादरम्यानच्या एस. एम. जोशी पुलावर विद्यार्थी आक्रोश ठिय्या आंदोलन होणार आहे. तत्पूर्वी विद्यार्थ्यांच्या मागण्यांवर मार्ग काढण्याची सरकारची इच्छा असेल, तर त्याचे आम्ही स्वागतच करतो. परंतु, त्यासाठी राज्यभरात आंदोलन केलेल्या विद्यार्थी प्रतिनिधींसोबत सरकारने चर्चा केली पाहिजे. त्यासाठी प्रमुख १५ विद्यार्थी प्रतिनिधींची यादी आम्ही पोलिसांकडे दिली. परंतु, चर्चाच झाली नाही, तर सरकारने विद्यार्थ्यांवर किंवा क्लासचालकांवर कितीही दबाव आणला, तरी विद्यार्थ्यांच्या या आंदोलनाला कुणीही रोखू शकणार नाही. यावेळी विद्यार्थी व सर्वपक्षीय पदाधिकारी उपस्थित होते. @Dev_Fadnavis @mpsc_office @CPPuneCity #MPSCStudents #MPSCExam #विद्यार्थी_आक्रोश #विद्यार्थी_आंदोलन #विद्यार्थ्यांचा_आवाज

विविध भरती परीक्षेतील पेपरफुटीमुळं त्रस्त असलेल्या #MPSC च्या विद्यार्थ्यांशी नांदेडमध्ये संवाद साधला आणि त्यांच्या वेगवेगळ्या प्रश्नांना उत्तरं दिली. एमपीएससीच्या भ्रष्ट अध्यक्षांचा राजीनामा घेतल्याशिवाय आणि जबाबदारी निश्चित केल्याशिवाय हा कारभार सुधारणार नाही त्यासाठीच पुण्यात विद्यार्थ्यांचं मोठं आंदोलन उभं राहत आहे. शक्य त्यांनी या आंदोलनात सहभागी होण्याचं आवाहन केलं. तसंच विद्यार्थ्यांच्या प्रत्येक अडचणीत त्यांच्यासोबत भक्कमपणे उभं राहण्याचा विश्वासही यावेळी त्यांना दिला. यावेळी अविनाश राठोड, बाला भैया, संदीप सिरसे, मुरलीधर घुले, सचिन वरपडे, तुषार देशमुख, तात्याराव पाटील, नाना पोहरे, आनंद पाटील यांच्यासह राष्ट्रवादी काँग्रेस पक्ष शरदचंद्र पवार पक्षाचे जिल्हाध्यक्ष भगवान पाटील आलेगावकर, नायगाव तालुकाध्यक्ष पांडुरंग शिंदे मांजरमकर, किसान सेलचे जिल्हाध्यक्ष श्याम पाटील कपाळे, कल्पनाताई पाटील, सरोजाताई पाटील उपस्थित होते. #MPSC #पेपरफुटी #विद्यार्थी_संवाद

औषध निरीक्षक परीक्षेचा पेपर फुटल्यानंतर MPSCच्या परीक्षा प्रक्रियेवर प्रश्नचिन्ह निर्माण झाले आहे. आगामी राज्यसेवा मुख्य परीक्षा २०२६ च्या प्रश्नपत्रिकांच्या गोपनीयतेबाबत विद्यार्थ्यांमध्ये अस्वस्थता आहे. व्ही. राधा समितीच्या शिफारशी लागू होण्यापूर्वी परीक्षा घेण्याची घाई का?

लाखो विद्यार्थ्यांच्या भविष्याची राख करणारे MPSC चे महाभ्रष्ट अध्यक्ष विवेक भिमनवार यांच्या राजीनाम्यासाठी राज्यभरात अनेक ठिकाणी मोठमोठे मोर्चे झाले, पण अद्यापही भ्रष्ट अध्यक्षांचा राजीनामा झालेला नाही. पुण्यातल्या ७ सप्टेंबर रोजीच्या विद्यार्थ्यांच्या भव्य आक्रोश मोर्चात अध्यक्षांचा राजीनामा न झाल्यास पुन्हा आंदोलनाची घोषणा विद्यार्थ्यांनी केली होती. त्यानुसार गणेशोत्सव झाल्यानंतर २६ सप्टेंबरपासून पुण्यात विद्यार्थ्यांसमवेत मी स्वत: आंदोलनाला बसणार असून याबाबत पुणे पोलीस आयुक्तांना पत्राद्वारे कळवण्यात आलंय. भ्रष्ट अध्यक्ष भिमनवार यांचा राजीनामा घेऊन त्यांच्या जागी विद्यार्थ्यांना विश्वासात घेऊन स्वच्छ प्रतिमा असलेले अध्यक्ष नेमावेत ही विद्यार्थ्यांची प्रामाणिक भावना आहे. भ्रष्ट अध्यक्षांचा राजीनामा, दिलेल्या शब्दाप्रमाणे २०२६ मध्ये ७० हजारांची मेगाभरती तत्काळ सुरू करावी आणि राजस्थानप्रमाणे १०० रु. च्या कार्डवर वर्षभर परीक्षा या तीन प्रमुख मागण्या असलेल्या विद्यार्थ्यांच्या आंदोलनाला पोलिसांनी सहकार्य करावं. नोटिसा द्यायच्याच असतील तर कोणत्याही विद्यार्थ्यांला त्रास न देता मला नोटिसा द्या! विद्यार्थ्यांच्या एकजुटीचा विजय हा होणारच असल्याने सर्वांनी विद्यार्थ्यांच्या एकजुटीला सहकार्य आणि ताकद द्यावी.

पेपरफुटीनंतरही राज्यसेवा मुख्य परीक्षा घेण्याची घाई का? विद्यार्थ्यांच्या मनातील संशय दूर करा, अन्यथा परीक्षा पुढे ढकला.. महाराष्ट्र लोकसेवा आयोगाच्या माध्यमातून घेण्यात आलेल्या औषध निरीक्षक परीक्षेचा पेपर फुटल्याच्या गंभीर प्रकरणानंतर आयोगाच्या संपूर्ण परीक्षा व्यवस्थेच्या विश्वासार्हतेवर प्रश्नचिन्ह निर्माण झाले आहे. एका परीक्षेतील गैरप्रकारामुळे भरती प्रक्रिया रद्द करण्याची वेळ आली असताना, आगामी राज्यसेवा मुख्य परीक्षा २०२६ च्या प्रश्नपत्रिकांच्या गोपनीयतेबाबत विद्यार्थ्यांच्या मनात निर्माण झालेल्या शंका दुर्लक्षित करून परीक्षा घेण्याची घाई का केली जात आहे, हा लाखो विद्यार्थ्यांच्या भवितव्याशी संबंधित अत्यंत गंभीर प्रश्न आहे.. वर्षानुवर्षे रात्रंदिवस अभ्यास करून, आपल्या आयुष्यातील मौल्यवान काळ आणि कुटुंबाची आर्थिक परिस्थिती पणाला लावून विद्यार्थी या परीक्षेची तयारी करतात. त्यामुळे प्रश्नपत्रिकेची गोपनीयता सुरक्षित आहे की नाही, याबाबत त्यांच्या मनात किंचितही संशय निर्माण झाला तरी त्याकडे अफवा किंवा गैरसमज म्हणून पाहता येणार नाही. ही विद्यार्थ्यांच्या मेहनतीची, त्यांच्या भविष्याची आणि परीक्षा व्यवस्थेवरील विश्वासाची बाब आहे.. पेपरफुटीच्या घटना रोखण्यासाठी शासनाने व्ही. राधा यांच्या अध्यक्षतेखाली उच्चस्तरीय परीक्षा सुधार समिती नियुक्त केली आहे. परीक्षा प्रक्रियेतील त्रुटी, प्रश्नपत्रिकांची गोपनीयता आणि सुरक्षा व्यवस्था याबाबत सुधारणा सुचविण्याचे काम समिती करत असताना, त्या सुधारणा प्रत्यक्षात लागू होण्यापूर्वीच राज्यसेवा मुख्य परीक्षा घेण्याची घाई आयोग का करत आहे, याचे उत्तर आयोगाने विद्यार्थ्यांना दिले पाहिजे. या संदर्भात शासनाकडून आयोगाला कोणते विशिष्ट निर्देश अथवा मार्गदर्शक सूचना देण्यात आल्या आहेत, हेही जाहीर करायला हवे.. तसेच, औषध निरीक्षक पेपरफुटी प्रकरणात अटक झालेले अथवा चौकशीच्या फेऱ्यात असलेले संबंधित अधिकारी राज्यसेवा मुख्य परीक्षा २०२६च्या प्रश्नपत्रिका तयार करणे, मॉडरेशन, अंतिमीकरण, छपाई किंवा वितरणाच्या प्रक्रियेशी कोणत्याही स्तरावर संबंधित नाहीत, याची ठोस आणि लेखी खात्री आयोग विद्यार्थ्यांना देणार आहे का, हा मूलभूत प्रश्न आहे.. प्रश्नपत्रिकांच्या गोपनीयतेबाबत कोणतीही वाजवी शंका असेल, तर विद्यार्थ्यांच्या भवितव्याचा धोका पत्करून परीक्षा घेण्यापेक्षा विद्यमान प्रश्नपत्रिका रद्द करून स्वतंत्र आणि अधिक सुरक्षित प्रक्रियेतून नव्याने प्रश्नपत्रिका तयार करणे हाच जबाबदार मार्ग ठरेल. त्यासाठी परीक्षा काही दिवस पुढे ढकलावी लागली तरी विद्यार्थ्यांना त्याची हरकत नाही; कारण परीक्षा उशिरा होणे हे सहन करता येईल, परंतु परीक्षा झाल्यानंतर पुन्हा पेपरफुटी किंवा गैरप्रकाराचा संशय निर्माण होऊन संपूर्ण परीक्षा रद्द होणे, विद्यार्थ्यांचे वर्ष वाया जाणे आणि त्यांच्या कष्टावर पाणी फिरणे हे कदापि स्वीकारता येणार नाही.. मुख्यमंत्र्यांकडून फेरतपासणीचे तोंडी आश्वासन दिल्याचे सांगितले जात असताना, ऐन परीक्षेच्या तोंडावर आयोगाकडून मात्र विद्यार्थ्यांना विश्वासात घेणारी कोणतीही स्पष्ट अधिकृत भूमिका समोर आलेली नाही. या अनिश्चिततेमुळे विद्यार्थ्यांमध्ये अस्वस्थता निर्माण झाली असून, त्यांच्या मानसिक तयारीवरही परिणाम होत आहे. त्यामुळे शासन आणि आयोगाने आता आश्वासनांवर न थांबता संपूर्ण परीक्षा प्रक्रियेबाबतची वस्तुस्थिती अधिकृत प्रसिद्धीपत्रकाद्वारे विद्यार्थ्यांसमोर मांडावी.. विद्यार्थ्यांना विशेष सवलत किंवा कोणतीही अवाजवी मागणी नको आहे; त्यांना फक्त पारदर्शक परीक्षा व्यवस्था, सुरक्षित प्रश्नपत्रिका आणि आपल्या कष्टाला न्याय मिळण्याची हमी हवी आहे. त्यामुळे आधी विद्यार्थ्यांच्या मनातील प्रत्येक रास्त शंका दूर करा, प्रश्नपत्रिकांच्या गोपनीयतेची खात्री द्या आणि आवश्यक त्या परीक्षा सुधारणा लागू करा; त्यानंतरच राज्यसेवा मुख्य परीक्षा २०२६ घ्या. विद्यार्थ्यांच्या कष्टाशी, त्यांच्या विश्वासाशी आणि त्यांच्या भवितव्याशी कोणतीही तडजोड होता कामा नये, हीच आमची भूमिका आहे.. @CMOMaharashtra @Dev_Fadnavis @mieknathshinde @SunetraA_Pawar @AUThackeray @mpsc_office @ShivSenaUBT_ @ShivsenaUBTComm @Mpsc_Andolan

भ्रष्ट अध्यक्षांचा राजीनामा हीच MPSCच्या विद्यार्थ्यांची मूळ मागणी होती.. आहे.. आणि राहणार! गणेशोत्सवात नागरिकांची गैरसोय आणि सुरक्षा यंत्रणेवर ताण नको म्हणून आम्ही थांबलोय. सरकारकडं अजून एक आठवडा आहे. सरकारनं भ्रष्ट अध्यक्षांचा राजीनामा न घेतल्यास, तसंच २०२६ मध्ये ७० हजार पदांची मेगाभरती करण्याच्या दिलेल्या शब्दाप्रमाणे मेगाभरती सुरू न केल्यास, गणेश विसर्जन होताच आम्ही पुण्यात आंदोलन सुरू करू. वेळ, स्थळ आणि दिनांक लवकरच जाहीर केला जाईल. आता SIT आणि कृतीगटाचे कागदी घोडे नकोयत. भीमनवार यांची हकालपट्टी आणि मेगाभरतीची कृती हवीय. @Dev_Fadnavis @mpsc_office #MPSC #विद्यार्थी_आक्रोश_मोर्चा #पेपरफुटी #पदभरती #StudentsProtest

आज सकाळी १० वाजता पत्रकार परिषदेत एमपीएससी अध्यक्षांनी मागितलेले आर्थिक देवाणघेवाणीचे पुरावे आम्ही जनतेसमोर ठेवणार आहोत. आता आरोप-प्रत्यारोप नकोत, पुरावे समोर येऊ द्या आणि सत्य काय ते जनतेसमोर येऊ द्या. पुरावे पाहिल्यानंतर एमपीएससी अध्यक्षांची नैतिकता जागी होते का? आणि झालीच तर ते नैतिक जबाबदारी स्वीकारून राजीनामा देतात का? हे आज महाराष्ट्र पाहणार आहे. १० वाजता पत्रकार परिषद — पुरावे बोलतील, सत्य समोर येईल!

“तपासाचे धागेदोरे हळूहळू सत्तेतील व्यक्तींपर्यंत पोहोचू लागल्याने तपास थांबवण्यात आला आहे.” - प्रदेश सरचिटणीस, आमदार श्री. रोहित पवार

MPSC: एसआयटी चौकशीत त्या अध्यक्षासह काही अधिकाऱ्यांवर संशयाची सुई, पुढे आयोगात काय घडणार बघा… loksatta.com/nagpur/mpsc-pap…